Wenu 17:5 - Tsishingini

⁵ A̱ cin va̱ yi a ɗana ta̱ ɗe aala a na a̱ ri nu urevu wu usokowu, “A̱mu ɗa Babila vu ucira, mma va ashakala suru suru, mma va aza a na a yuwusan ili yi idaba suru suru a̱tsuma̱ o uvaɗi.”

Wenu 17:5 Iomraidhean Croise

Filibi 3:19

Ama a nda a ta rawa o ukosu reve a cina ukwa̱ suru suru. Ili i na aa yuwusaan a̱ga̱nda̱ goon a̱yi ɗa ili i na ele na aciyele a cigai adama a̱ lipu le. A̱ ta̱ tsurusa̱ tsugbain a̱tsuma̱ e ili i wono i na aa yuwusan. A zuwa ta̱ okolo e le e ili yu uvaɗi u nda suru suru.

2 Tasalonika 2:7

Agba ko gogo ucira wu ulinga u vuma u na u ri a̱ nla̱ngi na̱ A̱sula̱ u to ulinga usokowu. Agba za na a̱a̱ guza̱ yi ta lyuwa elime na̱ mayan ne hali she na a tawa za na a̱a̱ guza̱sa̱ yiꞌi.

Wenu 1:20

Nda ucuɗuwu wu usokowu wi italyoꞌo i cindere i na ve enei o ukere usaꞌani u va̱ꞌa̱, na̱ wisawatan u zinariya wi ifitila i cindere: Wisawatan i cindereꞌe a̱ꞌisa̱ a̱ a̱za̱ e Itoni e cindere a ɗa, ele waru italyoꞌo i cindereꞌe nlingata ma̱ A̱sula̱ n cindere n na ma̱a̱ ka̱lyuwusa̱ a̱ꞌisa̱ a̱ a̱za̱ e Itoni e cindere a ɗa.”

Wenu 11:8

A ta vari lipu le o ure u gbain u lyuci u na a varai Zagbain le a akpata.† A kurato ta̱ lyuciꞌi na̱ Sodom† na̱ Masar.

Wenu 14:8

Reve malingata ma̱ A̱sula̱ me ire ma ꞌyawan zuva cine za vu ufaru yuwain a̱vu u reme adansa, “A̱ba̱jini a̱ lyuci a Babila a̱ riya̱ ta̱! A̱yi lyuci gbain ɗa za na tsipere tsa̱ yi tsa zuwai iɗa suru a yuwain ili yi idaba. U yuwan ta̱ gashi wo oꞌwoto le ta̱ ososowi na̱ tsipere tsa̱ yi, ili i nda i ta zuwa A̱sula̱ a ca le a̱tsuma̱lima̱.”

Wenu 16:19

A̱ba̱jini a̱ lyuci o ndolo e neꞌeshen ta̱ toto utaꞌatsu, reve ilyuci i ro a̱tsuma̱ o uvaɗi a̱ ra̱mo suru suru. A̱vu u cuwan na̱ nusu lyuci gbain va Babila, a̱vu waru u zuwa ama a Babila o sowo oforo a na a̱ ri a̱tsuma̱ o mokoto mo upan ma̱ yi.

Wenu 17:1

A̱vu malingata ma̱ ta̱ a̱tsuma̱ a nlingata n cindere n ndolo aza a na a̱ ri na akwanu e cindere u ta̱wa̱ ya̱ꞌa̱ va̱ reve u damma mu, “Ta̱wa̱, n to roco wu cine aa ca aashakala a na ama suru e revei a̱tsuma̱lima̱, a̱yi ɗaɗa a̱ba̱jini a̱ lyuci a na a suwai zuzu na̱ ɗolu va̱ a̱bunda̱.

Wenu 17:2

Ngono mu uvaɗi n yuwan ta̱ tsipere na̱ a̱yi, waru ulambu u wono wa̱ yi u zuwa ta̱ ama suru o oꞌwo gashi ososowi a̱ ma̱ra̱ a̱tsuma̱ a̱ tsipere tsa̱ yi.”

Wenu 17:7

Ɗaɗa malingataꞌa me ece numu, “Nye i zuwai vu ri a asalama? N ta damma wu ili yu usokosu yi ka nda oɓolo na̱ a̱a̱dodo a na u kumbai, za na ri na aci e cindere na avana kupa.

Wenu 18:2

Reve u saala nu ucira: “A̱ba̱jini a̱ lyuci va Babila a̱ la̱nga̱ ta̱ suru suru. Ama a buwa pe shi, otoni a̱ lima̱ icuꞌun icuꞌun i ɗa i ri pe na̱ nden. Waru nnunu mi idaba icuꞌun icuꞌun i ɗa i ri pe na̱ nden.

Wenu 18:21

Reve malingata mo ucira ma tara aatali a gbain, gashi aatali a yira, a̱vu u vari yi a̱tsuma̱ a mala reve u saala: “Babila, a̱vu lyuci gbain, cine n variyi aatali a nda, ne ɗa A̱sula̱ a̱a̱ lungusa̱ wu nu ucira u gbain! Ama a̱a̱ da̱shi ene lyuci nda waru shi.

Wenu 19:2

Cine waa casu ama e iwuya oforo amayun a ɗa waru wu ntsaa ta̱. Wi isawaton ta̱ cine waa ca aashakala o ucira o ndolo a̱tsuma̱lima̱, za na zuwai ama o uvaɗi a nda a yuwain tsipere na̱ a̱yi. A̱sula̱ a tsupa yi ta̱ adama a na wu unai agbashi a̱ yi.”

Wenu 7:3

Reve malingataꞌa u damma, “She i lyawa upepu u lungusa̱ iɗa, ko mala, ko uɗanga wan, she na̱ tsu zuwa rotsu e icin ya agbashi a̱ A̱sula̱ a̱ tsu ni iliꞌi.”