Wenu 17:3 - Tsishingini

³ A̱vu a̱tsuma̱ a alavu alavuꞌu a na Ruhu roco numu, reve malingata ma̱ A̱sula̱ ma tara mu a̱ tyo o ogozo. Ɗaɗa me enei ka ro nden a̱ a̱a̱dodo a saan. A ɗana ta̱ wisulusa wa̱ A̱sula̱ a̱ lipu va̱ a̱a̱dodoꞌo uba̱ta̱ biti, waru u da̱na̱ ta̱ na aci e cindere na avana kupa.

Wenu 17:3 Iomraidhean Croise

Matta 27:28

Reve o foɗo yi itana, a̱vu o oto yi aayala a saan lon.

Ajiya 8:39

Ana o uta̱i a̱ miniꞌi, reve Ruhu Mogono ma̱ A̱sula̱ ma̱ ka̱fa̱ Filibu, agba zagbaiꞌin u da̱shi ene yi waru shi. Reve u ka̱ra̱ a̱ ma̱za̱nga̱ ma̱ yi.

2 Tasalonika 2:4

U ta̱ ꞌya̱sa̱n aciya̱yi mgbain, reve u tara aciya̱yi u laꞌa ta̱ ili i na a̱ tsu ɗe a̱a̱ma̱li suru. A̱vu waru u lungusa̱ ili i na aa yuwusaan a̱ga̱nda̱ suru. U ta uwa a̱tsuma̱ a̱ A̱a̱ꞌisamapaɗa a̱ A̱sula̱, a̱vu u damma a̱yi na aciya̱yi A̱sula̱ a ɗa.

Wenu 1:10

O urana wu Zagbain, reve Ruhu va̱ A̱sula̱ shiton wuma u va̱, reve mu uwwa a̱ba̱jini o uɗyo tse mesun ma aavana a̱ca̱pa̱ a̱ va̱.

Wenu 12:14

Reve kaꞌa u ushi evelu a̱ a̱ba̱jini a̱ a̱a̱kuru tsa̱ra̱ wu ꞌyawan a̱ ka̱mba̱ uba̱ta̱ wa̱ yi o ogozo. Uba̱ta̱ u na a̱a̱ ka̱lyuwa̱ yi ulobonu hali aꞌwan a taꞌatsu na akapi, waru aaganguꞌu aa gura amaton yi shi.

Wenu 12:3

A̱vu me eneshi iroci i ro zuva, aagangu a gbain a̱ shili na aci e cindere a na a̱ ri na avana kupa. Aaci suru u ta̱ na̱ mokokolo.

Wenu 12:6

A̱vu kaꞌa u suma u uwa o ogozo, uba̱ta̱ u na A̱sula̱ o foɓoo niyi. A̱ ta̱ ka̱lyuwa̱ yi pe ulobonu hali aꞌwan a taꞌatsu na akapi.

Wenu 17:18

A̱yi ka na ve enei ndolo a̱yi ɗa a̱ba̱jini a̱ lyuci a na a̱ ri nu ucira za na mogono ma̱ yi mo oꞌwoi mogono e ekere o ngono e iɗa suru a̱tsuma̱ o uvaɗi.”

Wenu 17:4

A̱yi kaꞌa wo oto ta̱ itana i tsugono i na i ri sawun da̱a̱n-da̱a̱n na aza a na a̱ ri saan. Waru wo otowiso ta̱ ili i na a yuwain na̱ zinariya, na atali a madala icuꞌun icuꞌun ni iyeɗi yi ikebe.† O ukere usaꞌani wa̱ yi u ta̱ lo na̱ mokoto ma zinariya ma̱ ma̱ra̱ tapu, a̱yi ɗaɗa ili yi idaba ya̱ a̱bunda̱ na̱ tsipere tsa na waa yuwusan.

Wenu 18:12

Apa iliꞌi: zinariya, na̱ azurufa, na atali a madala e ikebe,† ni iyeɗi yi ikebe,† ni itana i na i laꞌai aza a na a yuwain na̱ tsikilu, ni itana i na i ri sawun da̱a̱n-da̱a̱n, ni itana yu ulobonu i na i ri saan, na̱ ɗanga icuꞌun icuꞌun i na i ri na̱ ma̱guru mo uyoꞌo lon, na akapi e ili i na a yuwayin na anga a agiwa na̱ ɗanga vi ikebe, na̱ rumushili, ni irumu, na atali e ikebe o usaa,

Wenu 18:16

A ta damma: “A̱tsuma̱lima̱! A̱tsuma̱lima̱ a ta cina wu a̱vu a̱ba̱jini a̱ lyuci a nda! U da̱na̱ ta̱ o otosu itana yi ikebe, ni itana i sawun da̱a̱n-da̱a̱n, ni itana i na i ri saan lon. U oto ta̱ waru ili i na a yuwain na̱ zinariya, na atali a madala e ikebe† icuꞌun icuꞌun!

Wenu 21:10

Reve Ruhu va̱ A̱sula̱ shiton mu, a̱vu malingataꞌa ma tara mu a̱ tyo o mogogolo ma masasan mo ugaꞌan. Ɗe ɗa u roco numu Lyuci va Akiza na A̱sula̱ a̱ lyunguyi, za na a̱yi ɗa Urishelimaꞌa, waru u da̱na̱ ta̱ a̱ cipusa̱ diga zuva.

Wenu 4:2

A jima shi reve Ruhu va̱ A̱sula̱ goloɓushi numu, a̱vu me ene pe a̱tsuma̱ a zuvaꞌa nda̱na̱ta̱ n tsugono n na nanza ri nden.