Wenu 15:1 - Tsishingini

¹ A̱vu me enishe a̱ba̱jini e iroci ɗe zuva a na a zuwai ama suru o oꞌwoi a asalama. Nlingata ma̱ A̱sula̱ n cindere m ɓa̱na̱ ta̱ mɓa̱la̱ n cindere mu ukosu. Na̱ A̱sula̱ o koto a casu ama oforo na̱ mɓa̱la̱ n ndolo, wa̱a̱ da̱shi yuwan upan waru shi.

Wenu 15:1 Iomraidhean Croise

Wenu 10:3

Reve u saala na̱ a̱ba̱jini o uɗyo gashi uɗyo wu kamu. Ana u saalai, reve tsata n cindere n usu.

Wenu 11:14

A̱tsuma̱lima̱ e ire o koto ta̱, agba za va taꞌatsu ta̱ lo a̱ ta̱wa̱.

Wenu 14:19

Ɗaɗa gba malingata ma̱ A̱sula̱† ma̱ vuta̱la̱i matsun ma̱ yi a̱tsuma̱ o uvaɗi. Ɗaɗa u ɓolotoi limatan na ri pe a̱tsuma̱ o uvaɗi a̱ tyo uba̱ta̱ u na o kpoko nle. Ne ɗa gba A̱sula̱ o tsu kpoko a̱za̱ e iwuya na̱ waa casu le oforo.

Wenu 16:1

Mu uwwa ta̱ a̱ba̱jini o uɗyo ɗe a̱ A̱a̱ꞌisamapaɗa a dansaa nlingata ma̱ A̱sula̱ n cindereꞌe, “ꞌYa̱wa̱i yo oco akwanu e cindere o upan wa̱ A̱sula̱ꞌa̱ a̱tsuma̱ o uvaɗi.”

Wenu 17:1

A̱vu malingata ma̱ ta̱ a̱tsuma̱ a nlingata n cindere n ndolo aza a na a̱ ri na akwanu e cindere u ta̱wa̱ ya̱ꞌa̱ va̱ reve u damma mu, “Ta̱wa̱, n to roco wu cine aa ca aashakala a na ama suru e revei a̱tsuma̱lima̱, a̱yi ɗaɗa a̱ba̱jini a̱ lyuci a na a suwai zuzu na̱ ɗolu va̱ a̱bunda̱.

Wenu 19:15

A̱vu matsun me peꞌeni ma wali mo uta̱ o una̱ wa̱ yi, reve u yuwan ulinga na̱ a̱yi u lyuwa aci e iɗa. U ta yuwan tsugono tse le na aaɗanga a̱ rumu. U to roco ucira wu upan wa̱ A̱sula̱ Mogono me Ili Suru, nu u kpoko umatsun u inabi uba̱ta̱ u na o kpokuso masayan.

Wenu 21:9

A̱vu malingata mo ro ma̱ ta̱wa̱ ma damma mu, “Toni mu! N to roco wu usheli u na waa yuwan lolo na̱ Ma̱giriꞌiꞌi.” (Malingata ma nda, za ta̱ ɗa a̱tsuma̱ a nlingata n cindere n na n da̱na̱i uguzu na akwanu e cindere aza a na a̱ da̱na̱i pe na̱ mɓa̱la̱ n cindere n na a yuwain o ukosu.)

Wenu 8:13

Ana n ka̱lyuwa̱i, a̱vu me ene a̱a̱kuru a tsuꞌyan ɗe zuva o mogogolo, a̱vu mu uwwa yi a yisaali na̱ a̱ba̱jini o uɗyo, “A̱tsuma̱lima̱! A̱tsuma̱lima̱! A̱tsuma̱lima̱ a ta cina ama suru a na a̱ ri pa a̱tsuma̱ o uvaɗi, na akapi a nlingata ma̱ A̱sula̱ n taꞌatsu n na n cigai e ivula̱ avana e le e ivula̱.”

Wenu 8:2

A̱vu me ene nlingata ma̱ A̱sula̱ m gbagbain n cindere mishin a̱ ma̱ka̱ka̱n ma̱ A̱sula̱, a̱vu a̱ ushi avana.

Wenu 8:6

A̱vu waru nlingata n cindere n na n da̱na̱i na avana e cindere a̱ da̱na̱ ufoɓu u na ee ivula̱ le.

Wenu 9:20

Amma ama a nda a̱ kuwa̱ a̱tsuma̱ a̱ mɓa̱la̱ n nda shi, a ꞌyuwan ta̱ a na a vadala a lyawa iwuya i le. A lyuwa ta̱ elime a yuwusaan otoni a̱ lima̱ a̱ga̱nda̱, waru a ta yuwusaan a̱ma̱li a na a rumai na̱ zinariya, na̱ azurufa, na̱ rumushili, na aza a na e sheꞌein na atali, na̱ ɗanga a̱ga̱nda̱. A̱ma̱li a nda e tse ene shi, waru a tsu uwwa ili i na a dammai shi, waru a tsu wala shi!