Wenu 14:7 - Tsishingini

⁷ Reve u damma na̱ a̱ba̱jini o uɗyo, “I ciga i ꞌyuwan i ca A̱sula̱ tsugbain a̱vu i yuwan adanshi a tsugbain tsa̱ yi. Adama a na mantsa ma yuwan ta̱ a na wee geꞌeto ama o uvaɗi suru. I ca yi tsugbain, adama a na a̱yi ɗa u yuwain uvaɗi na̱ zuva, mala ne esu a̱ mini a na o utusa̱ e iɗa.”

Wenu 14:7 Iomraidhean Croise

Matta 25:13

Reve Yesu damma, “Adama o ndolo i da̱na̱ ufoɓu kuci, i reve urana ko mantsa ma na ili i nda yaa fara shi.”

Luka 17:18

Cine wo oꞌwoi mocin nda ɗa goon ka̱mba̱i tsa̱ra̱ u godyoo A̱sula̱?”

Ajiya 14:15

“A̱za̱ a̱ va̱, nye i zuwai yaa yuwusan ili i nda? A̱tsu ama a ɗa tsu ri tsa̱ ɗu. Alabari o uyoꞌo a ɗa tsu ta̱wa̱a̱ nɗu, adama i vadala i lyawa mayan me ili i babu ulobonu i ka̱mba̱ uba̱ta̱ wa̱ A̱sula̱ a wuma. A̱yi ɗa za na yuwain zuva ni iɗa, na̱ mala, ni ili i na i ri pe biti.

1 Bituru 4:7

Aa jima shi ili biti i to koto. Adama o ndolo i voton ugbozu a̱vu i guza̱ aciya̱ɗu adama i gura yuwan avasa.

Wenu 11:13

A̱vu iɗa i ra̱mo nu ucira a̱vu aaɓaci a̱ ta̱ a̱tsuma̱ a aɓaci kupa suru a̱ ra̱mo a̱tsuma̱ a̱ lyuciꞌi. Ama ukpakukupa ucindere (7,000) u ɗa kuwa̱i adama o ura̱mosu wi iɗa u ndolo. A̱vu aza a na a buwai wuma a uwwa wovon lon, reve a ca A̱sula̱ a na a̱ ri zuva tsugbain.

Wenu 11:18

Ama o uvaɗi a yuwan ta̱ upan na̱ a̱vu, amma gogo mantsa mo upan ma̱ wu ma rawa ta̱. Mantsa ma ɗa na vee geꞌeto a̱kwa̱kwa̱, a̱vu vu tsupa agbashi a̱ wu. Vu ta tsupa ama̱sula̱ a̱ wu na ama a akiza† a̱ wu, vu ta tsupa ama a na a uwwusa wovon wa ala a̱ wu, diga a za keꞌen a̱ tyo a zagbain. Waru vu ta̱ lungusa̱ za suru na ta̱wa̱yi nu ulungusu a̱tsuma̱ o uvaɗi.”

Wenu 15:4

Vuma suru ta ca wu tsugbain, A̱sulazuva! Ama suru a ta damma, ‘Vu ta̱ na̱ tsugbain nu ucira. Babu vuma na ri na akiza, she a̱vu goon. Ama o uvaɗi suru a̱ ta̱ ta̱wa̱ a yuwaan wu a̱ga̱nda̱. Ama ene ta̱ mejege me ili i na vu yuwain suru.’ ”

Wenu 16:9

A̱vu a̱ba̱jini o usuɗuwu wu va̱va̱ ama suru, ɗaɗa a yuwayin ala a̱ A̱sula̱ adanshi a vama, za na ta̱wa̱yi na̱ mɓa̱la̱ n ndolo. Na̱ ne suru a ꞌyuwan ta̱ a vadala o unusu u le a̱vu waru a ꞌyuwan a cuwa tsugbain tsa̱ yi.

Wenu 18:10

E isawan ta̱ alanga, adama a na o to wovon a na o to sowo a̱tsuma̱lima̱ cine woo sowuso. A ta damma, “A̱tsuma̱lima̱! Cine wa̱a̱ da̱na̱ wu na̱ a̱tsuma̱lima̱, a̱ba̱jini a̱ lyuci na̱ lyuci vu ucira Babila, adama a na a̱tsuma̱ a̱ rumu ta̱ oforo a̱ ta̱wa̱ wu ta̱!”

Wenu 18:17

A̱tsuma̱ a̱ rumu ta̱ a̱vu a̱ lungusa̱ utsuru wa̱ yi suru!” Zagbain vu uluwu u wantsun u gbain suru na alingi a̱ yi a̱ te isawan alanga na̱ a̱yi. Waru aza a na a yuwusan mmalu a̱tsuma̱ a antsun a mala a̱ te isawan alanga na̱ a̱yi, ne ɗa fo aza a na a yuwusan pe awina e itana i na a̱ ta̱wa̱yi a̱tsuma̱ a antsun.

Wenu 18:19

A̱ ta̱ tsun ma̱bula̱ a aci e le tsa̱ra̱ o roco a̱ ta̱ na̱ a̱tsumola̱ngu. Waru a ta damma: “A̱tsuma̱lima̱, A̱tsuma̱lima̱ a ta cina wu a̱vu a̱ba̱jini a̱ lyuci! A̱ba̱jini o utsuru a̱ yi a zuwa tsu ta̱ suru ntsu tso oꞌwo nu utsuru. Gogo a̱tsuma̱ a̱ rumu ta̱ o koto ta̱ suru.”

Wenu 19:5

Reve mu uwwa nanza e ɗewu a̱tsuma̱ a̱ nda̱na̱ta̱ ma̱ A̱sula̱ꞌa̱, adansa: “Suru nɗu aza a na a̱ ri ama a gbain na aza a na a̱ ri azagbain shi, suru nɗu aza a na aa yuwusaan A̱sula̱ a̱ga̱nda̱ damma niyi, ‘Tsu ca wu ta̱ tsugbain.’ ”

Wenu 4:11

“Zagbain tsu na̱ A̱sula̱ a̱ tsu, vu rawa ta̱ vu ushi tsugbain, tsugono nu ucira adama a na vu rawa ta̱ vu ushi le. A̱vu ɗa vu yuwain ili suru, waru vu zuwa le ta̱ a̱ da̱na̱ wuma cine a̱ ri adama a na vu ciga nle ne.”

Wenu 4:9

Ili i wuma i nda a lyuwa ta̱ elime a ciɓalasa za na ri nden a̱ nda̱na̱ta̱ n tsugonoꞌo. Waru a ta casu yi fo tsugbain waru o godyusho yi. A̱yi ɗa za na yuwain wuma babu ukotu.

Wenu 8:10

Ana malingata ma̱ A̱sula̱ ma taꞌatsu me ivula̱i aavana a̱ yi, a̱vu a̱ba̱jini a talyoꞌo za na a̱ kulusa̱ gashi aakata a akina, o uta̱ diga zuva a̱ tyo e iɗa. A̱vu u riya̱ a aaɓaci o uɗolu a̱ ta̱ a̱tsuma̱ o ɗolu taꞌatsu na aaɓaci a̱ lyusu mini ma̱ ta̱ a̱tsuma̱ e esu a taꞌatsu.