Wenu 14:1 - Tsishingini

¹ A̱vu me ene Ma̱giriꞌi mishin a Masasan ma̱ Sihiyona.† Ama ukpakukupa ukpaku nu ukpakukupa amunga nu ukpakukupa una̱shi (144,000) a̱ da̱na̱ ta̱ mishin oɓolo na̱ a̱yi. Ele ɗa aza a na a ɗanai e icin i le ala a̱ Ma̱giriꞌi na̱ Dada va̱ yi.

Wenu 14:1 Iomraidhean Croise

Luka 12:8

“Waru n ta dansaa ɗu, za na usu numu a̱ ma̱ka̱ka̱n ma ama, a̱mu Mawun ma Vuma fo n ta̱ usu yi a̱ ma̱ka̱ka̱n ma nlingata ma̱ A̱sula̱.

Roma 9:33

Cine A̱sula̱ a dammai a̱tsuma̱ a Adanshi a̱ yi: “N ta zuwa aatali a̱tsuma̱ a Sihiyona. Za na ama a̱a̱ da̱na̱ a̱ ta̱ɗa̱tsa̱sa̱. U ta̱ tsa aatali a na aa zuwa le a̱ riya̱. Agba za na ca niyi okolo waa uwwa wono shi.”

Wenu 14:14

Ɗaɗa n ka̱lyuwa̱i, a̱vu me ene eleshe a̱ uri. Ili i na i rotsoi vuma da̱na̱ ta̱ nden ɗe e elesheꞌe. U ta̱ no ookokolo a zinariya a aaci a̱ yi waru u ta̱ nu ugonu wa alya uguzu o ukere wa̱ yi.

Wenu 14:3

Ele ɗa ama ukpakukupa ukpaku nu ukpakukupa amunga nu ukpakukupa una̱shi (144,000) a̱ ta̱ mishin zuzu na̱ nda̱na̱ta̱ n tsugono, oɓolo ni ili i wuma i na̱shi, na azagbain. A̱ da̱na̱ ta̱ a canasa ishipa i saꞌavu, za na babu za na aa gura rito yi, she ele goon. Ele ɗa aza a na a tsupayi o uta̱a̱ nle a̱tsuma̱ a ama o uvaɗi suru.

Wenu 15:5

A̱vu me ene ɗe zuva, nlingata ma̱ A̱sula̱ n cindere aza a na a̱ ɓa̱na̱i mɓa̱la̱ n cindere o uta̱ pe a̱tsuma̱ o Upasu wa Akiza† a̱ A̱a̱ꞌisamapaɗa. Za suru oto ta̱ itana i uri i na i da̱na̱i a madala, a̱ ka̱nda̱ꞌwa̱ ta̱ amuna a na a ɗavai na̱ zinariya a̱ nka̱ka̱n n le.

Wenu 22:4

E te ene urewesu wa̱ A̱sula̱ waru aala a̱ yi a̱ ta̱ da̱na̱ uɗanu e icin i le.

Wenu 3:12

N ta zuwa vuma na lyuwai aci e iwuya wo oꞌwo aatsura a na a̱ tsu ɓa̱na̱ uꞌwa u gbain uba̱ta̱ u na maa yuwusaan A̱sula̱ a̱ga̱nda̱. Vuma nda ta̱ da̱na̱ ɗe kuci. N ta ɗana ala e re a̱ lipu va̱ yi, aala a̱ A̱sula̱ a̱ va̱, waru na aala a̱ Urishelima† Saꞌavu, a̱yi ɗa aala a̱ lyuci gbain va̱ A̱sula̱ a̱ va̱, za na a̱a̱ cipa̱ uba̱ta̱ wa̱ A̱sula̱ ɗe zuva. N ta ɗanaa yi waru a̱ lipu va̱ yi aala a saꞌavu a̱ va̱.

Wenu 4:1

Ana me enei ili i nda n kotoi, reve me enishe alavu alavu nu una̱ntsu u na a̱ kpa̱tuꞌwa̱i a̱ tyo zuva. Reve vuma na ri nu uɗyo vadamma aavana yuwisan adanshi na̱ a̱mu, u damma, “Kumba a̱ ta̱wa̱ pa nda n to roco wu ili i na yaa fara na̱ nda koto.”

Wenu 6:8

A̱vu n ka̱lyuwa̱ reve me ene do vu ukporu. Za na aa kumbusa yi u ta̱ na aala Ukwa̱, waru za ro ta̱ lo za na a̱ tsu ɗe Ukwisa̱ oo tono za vu ufaru zuzu. A̱sula̱ e neꞌeshen ta̱ ama o uvaɗi aɓaci a̱ na̱shi. Ukwa̱ nu Ukwisa̱ a̱ ushi ta̱ ucira u na oo una aaɓaci a̱ ta̱ e le a̱tsuma̱ a aɓaci a̱ na̱shiꞌi nu uvon, na ambulu, na̱ mɓa̱la̱ icuꞌun icuꞌun, ne ekere e inama yu una.