Wenu 12:3 - Tsishingini

³ A̱vu me eneshi iroci i ro zuva, aagangu a gbain a̱ shili na aci e cindere a na a̱ ri na avana kupa. Aaci suru u ta̱ na̱ mokokolo.

Wenu 12:3 Iomraidhean Croise

Wenu 12:1

Reve me ene iroci i gbain ɗe zuva i na i zuwai za suru asalama. Ka da̱na̱ ta̱ lo, umuna u na gba wu nla̱i urana u ɗa. U kuru ta̱ ana a̱ yi o woto. Wo oto ta̱ ookokolo a na a̱ ri ni italyoꞌo kupa ne ejere a aaci.

Wenu 12:13

Ana aaganguꞌu we enei a vari yi ta̱ a̱ cipa̱ o uvaɗi, a̱vu u teme a saɓusa ka na matsain mawun mo uloboꞌo.

Wenu 12:17

Reve aaganguꞌu u yuwan upan lon na̱ kaꞌa, a̱vu u ka̱ra̱ a̱ ꞌya̱wa̱ u yuwan uvon na akapi a̱ muwun mu kaꞌa, aza a na o toniyi ili i na A̱sula̱ a dammai, waru o toniyi ikaka i na Yesu rito nle.

Wenu 12:4

A̱vu wizan wa̱ yi u raɗa aaɓaci a̱ ta̱ a̱tsuma̱ a aɓaci e italyoꞌo a taꞌatsu suru diga e elesheꞌe, reve u vari le a̱ tyo o uvaɗi. A̱vu aaganguꞌu e isawan a̱ ma̱ka̱ka̱n ma kaꞌa adama u soɗushi mawuꞌun nu u matsan yi.

Wenu 12:7

Babu usa̱n a̱vu e temushi uvon ɗe zuva: zagbain vu nlingata ma̱ A̱sula̱ Mikaꞌilu na̱ nlingata ma̱ yi ma̱ A̱sula̱ a yuwan uvon na aaganguꞌu, reve aaganguꞌu na̱ nlingata ma̱ yi fo a̱ piri.

Wenu 12:9

Reve Mikaꞌilu oɓolo na̱ nlingata ma̱ yi mu uta̱a̱ a̱ba̱jini a aaganguꞌu diga zuva reve a̱ ca̱co yi oɓolo na̱ nlingata ma̱ yi a̱ tyo e iɗa. Aagangu a nda a̱yi ɗa za na ri lo wuma nu ujimu. A̱yi ɗa za na a̱ tsu ɗe Mekerenkesu ko Male. A̱yi ɗa za na a̱a̱ lulumusa̱ ama suru.

Wenu 13:1

A̱tsuma̱ a alavu alavu a̱ va̱ a̱vu me ene a̱a̱dodo o utusa̱ a̱tsuma̱ a mala. U ta̱ na aci e cindere na avana kupa. Aavana suru a̱ ta̱ na̱ mokokolo. Aaci suru u ta̱ ɗe ni iɗana ya aala i na yaa yuwusan adanshi a vama e ekere a̱ A̱sula̱.

Wenu 13:2

A̱yi a̱a̱dodo a nda o rotso ta̱ uta̱su, agba ana a̱ yi a̱ ta̱ ugaꞌan waru u ta̱ ne eleme waru a̱kpa̱ta̱ a ana a̱ yi a̱ ta̱ ugaꞌan, gashi nama gbain vu una na a̱ tsu ɗe biya. Una̱ wa̱ yi waru u rotso ta̱ una̱ wu kamu. Aagangu a ca ta̱ a̱a̱dodo ucira una̱ta̱ na̱ za va̱ yi, a̱vu waru u ca yi nda̱na̱ta̱ n tsugono na̱ tsugono.

Wenu 13:4

Suru nle a yuwaan ta̱ aagangu o ndolo a̱ga̱nda̱, za na cayi a̱a̱dodo ucira. A̱vu waru a yuwaan a̱a̱dodoꞌo a̱ga̱nda̱ reve a damma, “Babu za na ri tsa̱ a̱a̱dodo a nda! Babu za na aa gura lyuwa aci a̱ yi.”

Wenu 15:1

A̱vu me enishe a̱ba̱jini e iroci ɗe zuva a na a zuwai ama suru o oꞌwoi a asalama. Nlingata ma̱ A̱sula̱ n cindere m ɓa̱na̱ ta̱ mɓa̱la̱ n cindere mu ukosu. Na̱ A̱sula̱ o koto a casu ama oforo na̱ mɓa̱la̱ n ndolo, wa̱a̱ da̱shi yuwan upan waru shi.

Wenu 16:13

A̱vu me ene otoni a̱ lima̱ a taꞌatsu a na o rotsoi opoɗo. A̱ to utusa̱ o una̱ wa̱ a̱ba̱jini a aagangu, na̱ o una̱ wa̱ a̱a̱dodo o ufaru na̱ waru o una̱ wa̱ a̱a̱dodo e ire vumava̱sula̱ ve epen.

Wenu 17:12

“Ele avana kupa a na ve enei, ele ɗa ngono kupa n na koto a yuwain tsugono shi, agba a̱ ta̱ tsura̱ ucira u na aa yuwan tsugono tsu ngono oɓolo na̱ a̱a̱dodo hali rumu ta̱.

Wenu 17:16

Avana kupa na̱ a̱a̱dodo a na ve enei a ta ꞌyuwan aashakalaꞌa. A ta usa ili i na u ri na̱ a̱yi suru a̱vu a lyawa yi ataɓu. A ta yanzala lipu va̱ yi reve a tama yi, reve waru o koso kula̱to akapi a̱ lipu va̱ yi na akina.

Wenu 17:7

Ɗaɗa malingataꞌa me ece numu, “Nye i zuwai vu ri a asalama? N ta damma wu ili yu usokosu yi ka nda oɓolo na̱ a̱a̱dodo a na u kumbai, za na ri na aci e cindere na avana kupa.

Wenu 19:12

Esu a̱ yi a̱ da̱na̱ ta̱ a madala gashi akina, waru wo oto ta̱ okokolo a̱ a̱bunda̱. A ɗana ta̱ aala a̱ lipu va̱ yi, agba a̱yi ɗa goon u revei urevu wa̱ yi.

Wenu 20:2

A̱vu malingataꞌa me reme aaganguꞌu, za na da̱na̱i yo diga ɗe za na fo a̱ tsu ɗe Mekerenkesu ko Male. A̱vu u tara akaniꞌi a̱vu u takpara yi. Reve u vari yi a̱tsuma̱ a̱ a̱a̱ka̱ri a̱ a̱ruꞌuꞌun. A̱vu u katsu una̱ntsu wa̱ a̱a̱ka̱ri a̱ a̱ruꞌuꞌun na̱ ma̱kpa̱tuꞌutsu ma na u da̱na̱i na̱ a̱yi uguzu o ukere, reve u to una̱ntsuꞌu cine za lo na aa gura kpa̱tuꞌwa̱ yi shi. Na̱ Mekerenkesu ma ciga ma ꞌyuwan u da̱na̱ pe hali aꞌwan ukpakukupa (1,000). A mantsa mo ndolo, waa gura luluma̱ ama o uvaɗi shi. Na aꞌwan o ndolo o koto, a̱vu malingataꞌa ma̱ ba̱ɗa̱ yi mantsa waꞌa.