Wenu 12:12 - Tsishingini

¹² I yuwan ma̱za̱nga̱ suru nɗu a̱ɗu na i ri nden zuva. Agba a̱ɗu na i ri nden a̱tsuma̱ o uvaɗi na a mala, i to sowo a̱tsuma̱lima̱ lon. Adama a na Mekerenkesu ma̱ ka̱ra̱ ta̱ a̱ cipa̱ ya̱ꞌa̱ ɗu, waru u tu utsutsu, adama a na u revei waa jima shi a̱vu e isawaton yi.”

Wenu 12:12 Iomraidhean Croise

Luka 15:10

Ne ɗa maa dansaa ɗu, a ta yuwan ma̱za̱nga̱ a̱ ma̱ka̱ka̱n ma nlingata ma̱ A̱sula̱ na̱ za vu unusu ta̱ vadala.”

Luka 2:14

“Tsugbain tsa̱ A̱sula̱ ɗe zuva suru suru, o uvaɗi nden mo okolo waru e ekere a aza a na waa uwwusa uyoꞌo u le!”

Mmaci ma Ibrahim 10:37

Cine Adanshi a̱ A̱sula̱ a dammai, “Waa jima shi za na ri lo a̱ ta̱wa̱ u ta̱ ta̱wa̱. Wa̱a̱ lungusa̱ mantsa shi.

2 Bituru 3:8

Ama a̱ va̱ ncigata, she yi icina a na A̱sula̱ a tara ta̱ urana u ta̱ una̱ta̱ ana aꞌwan ukpakukupa (1,000) wan, waru u tara ta̱ aꞌwan ukpakukupa una̱ta̱ nu urana u ta̱.

Wenu 10:6

A̱vu u kucina na ala a̱ A̱sula̱, za na a̱a̱ kuwa̱ shi, waru za na yuwain zuva ni iɗa ni ili i na i ri pe a̱tsuma̱ e le suru, a na amayun a ɗa waa dansa. U damma ta̱, “A̱sula̱ oo puro waru shi, kafu u yuwan ili i na u foɓoi.

Wenu 11:10

Ama o uvaɗi suru a ta yuwan ma̱za̱nga̱ adama a na ama e re a nda a̱ kuwa̱i. A ta yuwan a̱buki reve waru a̱ lyungula̱i neꞌe, adama a na ama̱sula̱ e re a nda a zuwa ta̱ ama o sowo a̱tsuma̱lima̱ lon.

Wenu 11:14

A̱tsuma̱lima̱ e ire o koto ta̱, agba za va taꞌatsu ta̱ lo a̱ ta̱wa̱.

Wenu 12:9

Reve Mikaꞌilu oɓolo na̱ nlingata ma̱ yi mu uta̱a̱ a̱ba̱jini a aaganguꞌu diga zuva reve a̱ ca̱co yi oɓolo na̱ nlingata ma̱ yi a̱ tyo e iɗa. Aagangu a nda a̱yi ɗa za na ri lo wuma nu ujimu. A̱yi ɗa za na a̱ tsu ɗe Mekerenkesu ko Male. A̱yi ɗa za na a̱a̱ lulumusa̱ ama suru.

Wenu 13:6

A̱vu u da̱na̱ a yuwusaan A̱sula̱ adanshi a vama. Waru wi isula ta̱ ala a̱ A̱sula̱, nu uba̱ta̱ u na u ri nden, oɓolo na aza a na a̱ ri zuva suru.

Wenu 18:20

A̱ɗu aza a na i ri zuva, i yuwan mere, adama a na A̱sula̱ a̱ lungusa̱ ta̱ ɗe Babila. A̱ɗu ama a̱ A̱sula̱, oɓolo na ajiya na aza a na a dansa ikaka ya̱ A̱sula̱ i za̱nga̱na̱. Adama a na A̱sula̱ e geꞌeto yi ta̱ adama e ili i babu ulobonu i na u yuwaan nɗu.

Wenu 8:13

Ana n ka̱lyuwa̱i, a̱vu me ene a̱a̱kuru a tsuꞌyan ɗe zuva o mogogolo, a̱vu mu uwwa yi a yisaali na̱ a̱ba̱jini o uɗyo, “A̱tsuma̱lima̱! A̱tsuma̱lima̱! A̱tsuma̱lima̱ a ta cina ama suru a na a̱ ri pa a̱tsuma̱ o uvaɗi, na akapi a nlingata ma̱ A̱sula̱ n taꞌatsu n na n cigai e ivula̱ avana e le e ivula̱.”

Wenu 9:12

A̱tsuma̱lima̱ o ufaru o koto ta̱. Amma a̱tsuma̱lima̱ o ro e re o ta̱ lo a̱ ta̱wa̱.