Wenu 11:8 - Tsishingini

⁸ A ta vari lipu le o ure u gbain u lyuci u na a varai Zagbain le a akpata.† A kurato ta̱ lyuciꞌi na̱ Sodom† na̱ Masar.

Wenu 11:8 Iomraidhean Croise

Matta 10:15

Amayun a ɗa maa dansaa ɗu, o urana wu ugeꞌetosu, A̱sula̱ a ta laꞌa roco isaꞌani a̱ tyo a ama o Sodom† na̱ Gomora na ama a̱ lyuciꞌi!”

Ajiya 9:4

Reve u riya̱ e iɗa, reve wu uwwa uɗyo, adansa, “Shawulu, Shawulu, cine tsa ɗa voo ɓongishi mu?”

Mmaci ma Ibrahim 13:12

A̱yi ɗa i zuwai Yesu sowoi a̱tsuma̱lima̱ o ugyuru, adama u ka̱mba̱to ama a̱ yi aza a akiza† na̱ mpasa ma̱ yi.

Mmaci ma Ibrahim 6:6

Ana a̱ ushiyi ili i ndolo suru, reve a vadalaa Zamawawa ucina̱. U ri n yuwan a̱ ka̱mba̱towisa̱ icuꞌun ya ama o ndolo a vadalisa shi adama a na a ta varasa Mawun ma̱ A̱sula̱ a akpata† waru reve a ꞌyuwan yi. A ta zuwusa yi o wono a̱ ma̱ka̱ka̱n ma ama.

2 Bituru 2:6

Waru u ca ta̱ ilyuci yo Sodom na̱ Gomora† a̱tsuma̱lima̱ na u kula̱to nle na akina reve o oꞌwo okomo. Wo oꞌwoto le ta̱ iroci yi ili i na ya̱a̱ tsura̱ ama a na a̱ kuruyi A̱sula̱ shi.

Yahuza 1:7

Waru she yi icina ilyuci yo Sodom na̱ Gomora,† ni ilyuci i na i shi zuzu ne ele wan. Ilyuci i ndolo i shiwan ta̱ na̱ tsipere waru na̱ cuꞌun tsipere suru. Akina a̱ kula̱to ta̱ ilyuci i ndolo suru suru, waru ele ɗa iroci ya akina a babu ukotu a na aa ca a̱za̱ e iwuya a̱tsuma̱lima̱.

Wenu 11:13

A̱vu iɗa i ra̱mo nu ucira a̱vu aaɓaci a̱ ta̱ a̱tsuma̱ a aɓaci kupa suru a̱ ra̱mo a̱tsuma̱ a̱ lyuciꞌi. Ama ukpakukupa ucindere (7,000) u ɗa kuwa̱i adama o ura̱mosu wi iɗa u ndolo. A̱vu aza a na a buwai wuma a uwwa wovon lon, reve a ca A̱sula̱ a na a̱ ri zuva tsugbain.

Wenu 11:9

Ama suru, ni iɗa, nu ugundo, ne elentsu, a̱ ta̱ ka̱lyuwa̱ a̱kwa̱kwa̱ e le. Agba aa lyawa za ro ciɗo le shi, hali she na a yuwan rana taꞌatsu na akapi.

Wenu 14:20

O kpoko ta̱ muwun ma ataciꞌi a alanga a̱ lyuci gbain, a̱vu mpasa mu uta̱ uba̱ta̱ u na o kpoko nle gashi uɗolu u na u ri imili ukpakure (200) ugaꞌan na̱ a̱ruꞌun ana uton.

Wenu 14:8

Reve malingata ma̱ A̱sula̱ me ire ma ꞌyawan zuva cine za vu ufaru yuwain a̱vu u reme adansa, “A̱ba̱jini a̱ lyuci a Babila a̱ riya̱ ta̱! A̱yi lyuci gbain ɗa za na tsipere tsa̱ yi tsa zuwai iɗa suru a yuwain ili yi idaba. U yuwan ta̱ gashi wo oꞌwoto le ta̱ ososowi na̱ tsipere tsa̱ yi, ili i nda i ta zuwa A̱sula̱ a ca le a̱tsuma̱lima̱.”

Wenu 16:19

A̱ba̱jini a̱ lyuci o ndolo e neꞌeshen ta̱ toto utaꞌatsu, reve ilyuci i ro a̱tsuma̱ o uvaɗi a̱ ra̱mo suru suru. A̱vu u cuwan na̱ nusu lyuci gbain va Babila, a̱vu waru u zuwa ama a Babila o sowo oforo a na a̱ ri a̱tsuma̱ o mokoto mo upan ma̱ yi.

Wenu 17:1

A̱vu malingata ma̱ ta̱ a̱tsuma̱ a nlingata n cindere n ndolo aza a na a̱ ri na akwanu e cindere u ta̱wa̱ ya̱ꞌa̱ va̱ reve u damma mu, “Ta̱wa̱, n to roco wu cine aa ca aashakala a na ama suru e revei a̱tsuma̱lima̱, a̱yi ɗaɗa a̱ba̱jini a̱ lyuci a na a suwai zuzu na̱ ɗolu va̱ a̱bunda̱.

Wenu 17:18

A̱yi ka na ve enei ndolo a̱yi ɗa a̱ba̱jini a̱ lyuci a na a̱ ri nu ucira za na mogono ma̱ yi mo oꞌwoi mogono e ekere o ngono e iɗa suru a̱tsuma̱ o uvaɗi.”

Wenu 17:5

A̱ cin va̱ yi a ɗana ta̱ ɗe aala a na a̱ ri nu urevu wu usokowu, “A̱mu ɗa Babila vu ucira, mma va ashakala suru suru, mma va aza a na a yuwusan ili yi idaba suru suru a̱tsuma̱ o uvaɗi.”

Wenu 18:10

E isawan ta̱ alanga, adama a na o to wovon a na o to sowo a̱tsuma̱lima̱ cine woo sowuso. A ta damma, “A̱tsuma̱lima̱! Cine wa̱a̱ da̱na̱ wu na̱ a̱tsuma̱lima̱, a̱ba̱jini a̱ lyuci na̱ lyuci vu ucira Babila, adama a na a̱tsuma̱ a̱ rumu ta̱ oforo a̱ ta̱wa̱ wu ta̱!”

Wenu 18:18

A ta saala lon ne e ene mikyon ma akina ma na maa lyuwa yi, “Koto a yuwan cuꞌun va̱ a̱ba̱jini a̱ lyuci vu mgbain nu ucira tsunda shi!”

Wenu 18:2

Reve u saala nu ucira: “A̱ba̱jini a̱ lyuci va Babila a̱ la̱nga̱ ta̱ suru suru. Ama a buwa pe shi, otoni a̱ lima̱ icuꞌun icuꞌun i ɗa i ri pe na̱ nden. Waru nnunu mi idaba icuꞌun icuꞌun i ɗa i ri pe na̱ nden.

Wenu 18:21

Reve malingata mo ucira ma tara aatali a gbain, gashi aatali a yira, a̱vu u vari yi a̱tsuma̱ a mala reve u saala: “Babila, a̱vu lyuci gbain, cine n variyi aatali a nda, ne ɗa A̱sula̱ a̱a̱ lungusa̱ wu nu ucira u gbain! Ama a̱a̱ da̱shi ene lyuci nda waru shi.

Wenu 18:24

A̱sula̱ a ca ta̱ Babila a̱tsuma̱lima̱ adama a na wu unai ama̱sula̱, na ama a̱ A̱sula̱ suru. Ee, Babila una ta̱ akapi a ama a̱tsuma̱ o uvaɗi suru.”