Titu 1:11 - Tsishingini

¹¹ I ciga i ꞌyuwan i ɓara ama o ndolo na̱ cuꞌun va adanshi o ndolo. A vadala ta̱ ɗe ꞌwa diga o uritosu wa amayun na̱ cuꞌun vu uritosu u vama u ndolo. A yuwan ta̱ ili i ndolo suru tsa̱ra̱ a̱ tsura̱ ikebe o ure u vama.

Titu 1:11 Iomraidhean Croise

Matta 23:13

“Woo yoꞌono ɗu shi, a̱ɗu munlu n Wila̱ na Afarishi. A̱ɗu a̱za̱ e ikpaꞌa! I ta̱ kpa̱tosu una̱ntsu u tsugono tsa zuva, agba a̱ɗu na aciya̱ɗu yaa uwa pe shi. Waru i ta putsusaa aza a na a cigai a uwa. [

Luka 20:40

A̱ tsura̱ za na tsura̱i ucira u na wee ece yi ili i ro shi.

Yahaya 10:12

Za na a tarai aguɓa u ri tsu za vi ikyoꞌon shi. Na̱ we ene mekerenkesu a̱ ta̱wa̱, u tsu suma ta̱ reve u lyawa lo ikyoꞌon. Reve mekerenkesu ma saɓa le a̱vu u beteꞌwe le.

Roma 3:19

Tsu reve ta̱ ili i na Wila̱ u dammai suru, u ta yuwusan adanshi a ama a na A̱sula̱ a cayi Wila̱ꞌa̱. Ne ɗa u ri adama ama a̱ tsura̱ ure u mota̱a̱ wan, waru uvaɗi suru u reve u ta̱ nu unusu a̱ ma̱ka̱ka̱n ma̱ A̱sula̱.

2 Korinti 11:10

Ko za a̱tsuma̱ e iɗa ya Akataya aa zuwa mu n lyawa adanshi a̱ a̱bunda̱ adama o ndolo shi. N ta dansa ili i nda na amayun a Zamawawa na ri a̱tsuma̱ a̱ va̱.

1 Timoti 5:13

Waru a ta gura oꞌwo orogo, reve a uwa o tonishi ꞌwa ꞌwa a yuwusan idami. A̱ ta̱ ka̱mba̱to ugbozu u le a linga va ama, reve a̱ ka̱ra̱ a yuwusan adanshi a na a ntsayi shi.

1 Timoti 5:4

Amma nnu u ri na̱ mawun ko muwun n tsukaya, na a ciga a ꞌyuwan o rito ure u saꞌani u na a̱ usuyi tsa̱ra̱ o roco isaꞌani ya̱ A̱sula̱ a̱tsuma̱ o uꞌwa u le nna̱ a̱a̱ ka̱lyuwusa̱ aza a na a matsan nle. A̱yi nda a̱yi ɗa ure u na aa tsupa aza a na a matsan nle adama a na a kungwato nle. Waru A̱sula̱ a tsu uwwa ta̱ uyoꞌo wi ili i ndolo lon.

1 Timoti 6:5

Ama a nda a̱ ta̱ ni izami ya addama kuci. A̱ ri no okolo a saꞌani shi, waru a tsu yuwan adanshi a amayun shi. O tsu toni ta̱ a̱dini tsa̱ra̱ a̱ tsura̱ utsuru.

2 Timoti 2:18

Ama a nda a lyawa ta̱ ure wa amayun, reve a̱ ka̱ra̱ a dansa a na A̱sula̱ a̱ ꞌya̱sa̱n tsu ta̱ ɗe a̱za̱ e Itoni a̱tsuma̱ a̱ a̱kwa̱kwa̱, ne ɗa a̱ lungusa̱i ucawu wo okolo a ama o ro.

2 Timoti 3:6

Babu usa̱n ama a nda a tsu uwa ta̱ a ꞌwa ben reve a̱ pusa̱n a̱ma̱ci a na a̱ ri nu ucira shi na aza a na unusu wa damatosun, na aza a na icigi yi ili yu uvaɗi i zuwai elime ana.

Titu 1:7

Ne ɗa waru zagbain u ciga u ꞌyuwan u yuwan wuma u saꞌani adama o ulinga wa̱ A̱sula̱ u na waa yuwusan. U da̱na̱ za vu ugbawu wan, waru u da̱na̱ za vu upan babu usa̱n wan. U ciga u ꞌyuwan u da̱na̱ ososowi wan. She u da̱na̱ za vu ulungusu wan. She wo oꞌwo za vi icigi yi ikebe lon wan.

Titu 1:9

U ciga u ꞌyuwan u guza̱ uritosu wa adanshi a amayun. Reve u yuwan ulinga nu uritosuꞌu u kamba ama, waru u lapula aza a na a yuwusan mawasan na adanshi a̱ A̱sula̱.

Titu 3:10

Na̱ za ro to mpolo u ta̱wa̱a̱ ɗu na̱ wukasu, i ciga i ꞌyuwan i ɓara yi tsuɓari tsu ufaru, nu u da̱shiyisa̱ a yuwaan yi tsuɓari tse ire. Na̱ wu uwwa shi, she ili i ro i da̱shi ɓolo ɗu na̱ cuꞌun vuma ndolo wan.