Titu 1:1 - Tsishingini

¹ A̱mu ɗa Bulu aagbashi a̱ A̱sula̱, waru a̱mu aajiya e Yesu Kristi Zamawawa ɗa. A̱sula̱ a̱ lyungu mu ta̱ tsa̱ra̱ n ta̱wa̱a̱ nu ucawu wo okolo e ekere a aza a na u ɗangwai. Waru u lyungu mu ta̱ tsa̱ra̱ n rito le e reve amayun a na oo rocosu le ununa aa yuwan nden n saꞌani nu ununa A̱sula̱ aa yuwan ma̱za̱nga̱ ne ele.

Titu 1:1 Iomraidhean Croise

Luka 18:7

To, A̱sula̱ aa kamba aza a na u ɗangwai, aza a na a̱a̱ shoshen yi usana nu ulivu, adama a nꞌyuwatan n le shi? Waa kambushi nle shi?

Ajiya 13:48

Ana Atakpaci† a uwwai ili i nda, a yuwan ta̱ ma̱za̱nga̱ lon, a̱vu o godyoo A̱sulazuva adama a adanshi a̱ yiꞌi. Reve ama a na A̱sula̱ a ɗangulai a̱ tsura̱ wuma u babu ukotu o oꞌwo a̱za̱ e Itoni.

Roma 1:1

A̱mu Bulu ɗa n ɗanai mepepelime ma nda. A̱mu aagbashi e Yesu Kristi Zamawawa ɗa. A̱sula̱ a ɗangwa mu ta̱ mo oꞌwo aajiya,† reve u lyungu mu n ꞌya̱wa̱ n yuwan alajiya a Alabari a Saꞌani a̱ yi.

2 Korinti 1:1

A̱mu ɗa Bulu, Timoti za tsu ta̱ pa oɓolo na̱ a̱mu. A̱mu ɗa n ɗanaa nɗu mepepelime ma nda. A̱sula̱ a ɗangwa mu ta̱ mo oꞌwo aajiya e Yesu Kristi Zamawawa. N ta ɗanasaa ɗu a̱a̱ꞌisa̱ a̱ a̱za̱ e Itoni a̱ A̱sula̱ a̱tsuma̱ a̱ lyuci va̱ Korinti oɓolo na ama a̱ A̱sula̱ suru upasu wa Akataya.

Afisu 2:8

Adama e isaꞌani† i na A̱sula̱ o roco nɗu ɗa goon u wawa nɗu o ure u na i usuyi Yesu Zamawawa. U wawa ɗu adama e ili i saꞌani i na i yuwain shi.

Filibi 1:1

A̱mu ɗa Bulu, waru Timoti ta̱ pa oɓolo na̱ a̱mu. A̱tsu agbashi e Yesu Kristi Zamawawa ɗa. N ta ɗanasaa azagbain na akambi† a azagbain a̱ a̱a̱ꞌisa̱ a̱ a̱za̱ e Itoni, waru a̱ tyo a̱za̱ e Itoni suru a̱tsuma̱ a̱ Filibi aza a na A̱sula̱ a ɗangwai.

Kolosi 2:2

N yuwan ta̱ ili i ndolo adama n da̱shi le ugbamu wo okolo waru adama o ɓoluloi ni icigi. A̱yi nda u ta lyawa le a̱ tsura̱ ili i saꞌani ya̱ a̱bunda̱ i na i tsu ta̱wa̱ ne e reve ili yu usokowu ya̱ A̱sula̱.

1 Timoti 2:4

A̱sula̱ a ɗa za na tsu wawa tsu, waru u ciga ta̱ u wawa ama suru. Waru u ciga ta̱ ama suru e reve ili i na i ri amayun.

1 Timoti 3:16

Apa a̱ba̱jini a amayun o ucawu wo okolo a̱ tsu za na A̱sula̱ a̱ shi o soko ntsu: Zamawawa ta̱wa̱ ta̱ na̱ lipu vuma, Ruhu va̱ A̱sula̱ roco ta̱ a na a̱yi ɗa Za va̱ a̱ɓula̱ꞌa̱. Nlingata ma̱ A̱sula̱ me ene yi ta̱, waru a yuwan ta̱ adanshi a̱ yi o uvaɗi suru. Ama ba̱ta̱ ba̱ta̱ a̱tsuma̱ o uvaɗi a zuwa ta̱ okolo e ekere a̱ yi, reve A̱sula̱ a tara yi a̱ tyo zuva uba̱ta̱ u tsugbain.

1 Timoti 6:3

Munlu me epen n ro n ta ꞌyuwan uritosu u nda, agba uritosu u nda u tu ulobonu nu ucira o uritosu wa̱ Yesu Zagbain Zamawawa, waru ele ɗa ikyun yu ucira wi ili i na vuma aa yuwan a na A̱sula̱ a cigai.

2 Timoti 2:10

N tu ufoɓu n sowo cuꞌun va̱ a̱tsuma̱lima̱ suru, nnu u ta̱ ta̱wa̱a̱ ni iwawi uba̱ta̱ wa ama a na A̱sula̱ a ɗangwai o oꞌwo a̱za̱ a̱ yi, a̱vu waru a̱ tsura̱ tsugbain tsa babu ukotu e ekere e Yesu Zamawawa.

2 Timoti 2:23

Waru, n ta dansaa wu, she vo oto aciya̱wu a̱tsuma̱ a mawasan ma adanshi o tsulo wan, waru vu ɓolo aciya̱wu na aza a na e revei ili shi wan. Ili i nda i tsu sato ta̱ ama nla̱ngi.

2 Timoti 2:25

O rito aza a na a wasain amayun na ankuri. Ko A̱sula̱ a ta vadala okolo e le, reve a̱ ushi amayun.

Yakubu 1:1

A̱mu ɗa Yakubu, aagbashi a̱ A̱sula̱ waru aagbashi e Yesu Kristi Zagbain Zamawawa. N ta ɗanasaa a̱za̱ e Itoni ya amayun a na a̱ ri ubazu suru a̱tsuma̱ o uvaɗi. N ta̱ lyungusu ica̱su i va̱.

2 Bituru 1:3

Ana wo oꞌwoi tsu reve ta̱ Yesu mejege, u ta yuwusan ulinga nu ucira wa zuva wa̱ yi, u ca tsu ta̱ ili suru i na tsu cigai adama tsu yuwain wuma u na waa zuwa A̱sula̱ ma̱za̱nga̱. U ɗe tsu ta̱ tsu ushi tsugbain ni isaꞌani ya̱ yi!

2 Bituru 3:11

Adama a na a̱ ta̱ lungusa̱ ili suru, icuꞌun ya ama a̱ ne a ɗa u lobonoi yo oꞌwo? Adama o ndolo i yuwaan A̱sula̱ a̱ga̱nda̱, i yuwaan yi tsutoni cine yaa yuwusan nden n ɗu.

1 Yahaya 2:23

Vuma na wasain Mawuꞌun, vuma ndolo fo u wasan ta̱ Dada. Amma na̱ tsu damma tsu usu ta̱ Mawuꞌun, tsu usu ta̱ Dada fo.

Wenu 1:1

Apa ili i na A̱sula̱ o rocoi Yesu Kristi Zamawawa, adama u damma agbashi a̱ yi ili i na A̱sula̱ aa yuwan nu ujimu shi. A̱vu Yesu lyungu malingata ma̱ yi u roco aagbashi a̱ yi Yahaya† iliꞌi.