Marku 2:12 - Tsishingini

¹² A̱vu u ꞌyon u tara aavalu a̱ yi babu usa̱n. Reve u ka̱ra̱ a̱ ma̱ka̱ka̱n me le suru. A̱vu amaꞌa suru a̱ ka̱ra̱ a yuwusan asalama. A̱vu a ciɓala A̱sula̱ a̱ uri a dansa koto ele e ene cuꞌun vi ili i nda shi.

Marku 2:12 Iomraidhean Croise

Matta 12:23

Ama suru o oꞌwo ta̱ a asalama a̱vu a damma, “Vumaꞌa Mawun ma̱ Da̱wuda ma ɗa? A̱yi ɗaɗa Zamawawaꞌa?”

Matta 15:31

Ama suru a yuwan ta̱ asalama ni ili i na e enei a uwai waru. Ama a na a̱ shi a tsu yuwan adanshi shi, reve a uwa adanshi gogo. Osowi a̱ lipu o oꞌwo ta̱ gbaga, a̱kutsuma̱ waru a wala, nrumba̱ waru me ene ure. Ama suru a uwa ta̱ a ciɓalasa A̱sula̱ a aza a Israꞌila.

Matta 9:33

Ana Yesu loyi otoni a̱ lima̱ꞌa̱, a̱yi za na shi tsu gura yuwan adanshi shi, a̱vu u fara adanshi. A̱vu oɓolo a amaꞌa a uwa asalama reve a damma, “Koto tse ene cuꞌun vi ili i nda a̱tsuma̱ a Israꞌila shi.”

Matta 9:8

Ana ama e enei ili i ndolo, a yuwan ta̱ asalama, reve a yuwaan A̱sula̱ ica a na u cayi vuma cuꞌun vu ucira u nda.

Marku 1:27

Ama suru a yuwan ta̱ asalama a̱bunda̱, hali e ecelei aciyele, “Nye ɗa tsunda? Uritosu u saꞌavu u ɗa ndaꞌa. U ta̱ nu ucira lon. Hali no otoni a̱ lima̱ a ɗa u tsu ɓarasa le babu wovon, a̱vu a yuwan ili i na u damma nle a yuwan.”

Marku 2:11

“N damma wu ta̱, ꞌyon, tara aavalu a̱ wu, vu wala a̱ tyo o uꞌwa.”

Luka 13:13

Reve u juꞌwa̱n yi, ɗaɗa wu buba̱ruwushi, a̱vu u yuwaan A̱sula̱ ica.

Luka 17:15

Za ta̱ a̱tsuma̱ e le, ana we enei u ka̱mba̱ ta̱ gbaga, a̱vu u ka̱mba̱ a yuwusaan A̱sula̱ ica o uta̱su uɗyo zuva.

Luka 5:26

Ama suru a uwa ta̱ asalama, a̱vu a yuwaan A̱sula̱ ica. Wovon u reme le ta̱, a̱vu a damma, “Anaꞌan tse ene ta̱ ili ya asalama.”

Luka 7:16

Reve a uwwa wovon suru, reve a yuwaan A̱sula̱ ica. Reve a damma, “Tsu tsura̱ ta̱ vuma gbain va̱ A̱sula̱ a̱tsuma̱ a̱ tsu!” Waru, “A̱sula̱ a cuwan ta̱ na ama a̱ yi!”

Yahaya 7:31

Ama na̱ a̱bunda̱ a̱ usu ta̱ Yesu. Ɗaɗa a dammai, “Na̱ Zamawawa u ta̱wa̱, u ta gura yuwan ili ya asalama i na i laꞌai ili i na vuma nda aa yuwusan?”

Yahaya 9:32

Ana A̱sula̱ a yuwain uvaɗi, koto a̱ tsura̱ vuma na kpa̱tuꞌwa̱i esu a vuma na a matsain irumba̱ shi.

Ajiya 4:21

A̱vu ama suru a̱ ka̱ra̱ a yuwusaan A̱sula̱ ica adama e ili i na i farai: Vuma na yuwain aꞌwan amunga ukutsumu u ka̱mba̱i gbaga. Adama o ndolo azagbain a Yahuda e reve ununa aa ca Bituru na̱ Yahaya a̱tsuma̱lima̱ shi. Reve a ca le wovon, reve a lyawa le a̱ ka̱ra̱.