Marku 12:17 - Tsishingini

¹⁷ Ɗaɗa u damma nle, “I ca Kaisa† ili i na i ri ya Kaisa, A̱sula̱ waru a ca yi ili i na i ri za va̱ yi. Reve ama a̱ ka̱ra̱ a yuwusan asalama a̱ yi.”

Marku 12:17 Iomraidhean Croise

Matta 22:21

A̱vu a̱ usu, “Mogono ma gbain Kaisa.” Reve u damma le, “Cayi Kaisa ili i na i ri za va̱ yi, A̱sula̱ waru i ca yi ili i na i ri za va̱ yi.”

Matta 22:22

Ana a uwwai ne, a yuwan ta̱ asalama, ɗaɗa a lyawa niyi a̱vu a̱ ka̱ra̱.

Matta 22:33

Ana oɓolo a amaꞌa a uwwai tsundolo, a yuwan ta̱ asalama nu uritosu wa̱ yi.

Matta 22:46

Ko za gura usu yi shi. Diga lo ko za kawan da̱shi yuwan yi yeci waru shi.

Matta 8:10

Ana wu uwwai adanshi o ndolo, u yuwan ta̱ asalama. Reve u damma aza a na oo tono yi, “Amayun a ɗa maa dansaa ɗu, ucawu wo okolo a vuma nda u laꞌa ta̱ ucawu wo okolo a na me enei a̱tsuma̱ e iɗa ya Israꞌila suru.

Marku 12:16

Ana a̱ ta̱wa̱a̱ niyi, a̱vu we ece le, “Ululu wa zane u ɗa u ri ɗe?” Reve a̱ usu yi, “Ululu wa Kaisa u ɗa u ri ɗe.”

Marku 12:30

I ciga A̱sula̱ no okolo a̱ ɗu suru, na asuvu a̱ ɗu, nu ucira u ɗu.’

Luka 20:25

A̱vu a̱ usu, “Kaisa ɗa.” A̱vu u damma le, “I ca Kaisa ili i na i ri ili ya Kaisa, ili ya̱ A̱sula̱ waru i ca A̱sula̱ ili i na i ri ili ya̱ yi.”

Roma 12:1

Ama a̱ va̱, A̱sula̱ a̱ tu ulobonu, a̱yi ɗa i zuwai n ri a patishi ɗu i ca aciya̱ɗu e ekere a̱ A̱sula̱ tsa̱ kucci, ni i ri wuma. I ca aciya̱ɗu kpa̱ra̱-kpa̱ra̱ i yuwaan A̱sula̱ ulinga waru i yoꞌonoto yi okolo. Ne ɗa wu ntsayi i yuwaan A̱sula̱ a̱ga̱nda̱ o okolo a̱ ɗu.

Roma 13:7

I tsupa le ili i na oo tono ɗu suru. I tsupa ko cuꞌun vu utafa ne ɗa suru. I ca le tsugbain waru i yuwan tsutoni ne ele suru.

Roma 6:13

She i lyawa upasu u na a̱tsuma̱ a̱ lipu ɗu wo oꞌwo ili i mayan mo unusu wan. Amma o una̱ u ndolo, i ca A̱sula̱ aciya̱ɗu suru suru adama a na i ta̱ tsa ama a na a̱ shi ukwa̱, amma a̱vu A̱sula̱ a zuwa ɗu yo oꞌwo wuma. I ca A̱sula̱ lipu ɗu suru suru adama i yuwan ili i na i ri mejege, waru reve i ta̱wa̱a̱ A̱sula̱ na̱ tsugbain.

1 Bituru 2:17

I ca koyan ɗa tsugbain, reve i roco icigi la̱nga̱ a̱ tyo e ekere a̱ a̱za̱ e Itoni. Yu uwwa wovon wa̱ A̱sula̱, a̱vu i ca mogono tsugbain.