Luka 8:25 - Tsishingini

²⁵ A̱vu we ece le, “Te ɗa ucawu wo okolo a̱ ɗu?” Na̱ wovon na asalama, a̱vu e ecelei, “Zane ɗa ndaꞌa? Hali u yuwaan upepu na̱ mini nla̱ngi, reve a yuwan ili i na u dammai!”

Luka 8:25 Iomraidhean Croise

Matta 14:31

A̱vu Yesu cananashi ukere wa̱ yi a̱vu u reme yi. A̱vu u damma yi, “Vu ta̱ nu ucawu wo okolo keꞌen. Nye i zuwai okolo a̱ wu a kuɗai?”

Matta 17:20

Reve u usu le, “Adama a na i ri nu ucawu wo okolo waꞌa ɗa. Amayun a ɗa maa dansaa ɗu, ni i ri nu ucawu wo okolo keꞌen cine i revei cuꞌun vu suꞌwanꞌuri, i ta damma masasan ma nda, ‘Lyawa uba̱ta̱ u nda a̱ tyo ndeɗe,’ a̱vu gba u lyawa. I ta gura yuwan ili suru.”

Matta 6:30

A̱sula̱ o to foɓuso anlya o ogozo, aza a na a̱ ri wuma anaꞌan, nfaꞌan gba shi a̱ kula̱to. U lobono ta̱ i gura reve A̱sula̱ a ta ca ɗu itana yu uꞌotosu. She i da̱na̱ nu ucawu wo okolo waꞌa wan!

Matta 8:10

Ana wu uwwai adanshi o ndolo, u yuwan ta̱ asalama. Reve u damma aza a na oo tono yi, “Amayun a ɗa maa dansaa ɗu, ucawu wo okolo a vuma nda u laꞌa ta̱ ucawu wo okolo a na me enei a̱tsuma̱ e iɗa ya Israꞌila suru.

Matta 8:26

A̱vu u usu le, “Adama a̱ nye yu uwwai wovon? I ri nu ucawu wo okolo a̱bunda̱ shi.” Reve u ꞌyon a̱vu u ɓara upepuꞌu ni ikeɗu i miniꞌi, a̱vu upepuꞌu u von kwin.

Marku 4:35

O urana u ndolo nu ulivu, Yesu no ojoro a̱ yi shi ta̱ a wantsun a̱ ngeꞌen m Mala ma̱ Ga̱lili. Reve u damma le, “Ta̱wa̱i tsu ꞌya̱wa̱i ne upasu u ndeɗe.” A̱vu antsun o ro o toni yi. Reve Yesu ka̱ra̱ a̱ tyo o ukosu u wantsun reve u reme nlavu. U da̱na̱ ta̱ ni ili i na u zuwai aaci.

Luka 12:28

Na̱ ne ɗa A̱sula̱ aa lapulusa anlya o ogozo, anaꞌan u ta̱ lo, nfaꞌan gba a̱ kula̱to yi. A̱ɗu gba i reve A̱sula̱ a ta yuwaan ɗu itana. Suru na̱ ne nye i zuwai i ri nu ucawu wo okolo keꞌen?

Luka 8:24

Reve a̱ ꞌya̱wa̱ a jisan yi, reve a damma, “Zagbain, zagbain, tsu ciga ta̱ maliɓaa!” A̱vu u ꞌyon u ɓara upepu na̱ miniꞌi, reve upepuꞌu u von kwin.

Luka 8:26

A̱vu a rawa e iɗa ya Garasa, za na mini ma kasalai ni iɗa ya̱ Ga̱lili.

Yahaya 11:40

A̱vu u damma yi, “Vu cuwan cine n damma nuwu a na na̱ vu ca okolo, vu te ene tsugbain tsa̱ A̱sula̱.”