Luka 7:6 - Tsishingini

⁶ Reve u kuru le. A̱yi a rawa zuzu nu uꞌwaꞌa, reve yaliꞌi u lyungu nꞌutsa̱ ya̱ꞌa̱ yi, a damma yi, “Zagbain, she vu damaton aciya̱wu wan. N rawa vu uwa o uꞌwa u va̱ shi.

Luka 7:6 Iomraidhean Croise

Matta 20:28

Adama a na ko a̱mu, Mawun ma Vuma n ta̱wa̱ tsa̱ra̱ a yuwaan mu tsugbashi shi, amma n yuwaan ama, waru n ca aciya̱va̱ adama a wawa ama na̱ a̱bunda̱ a̱tsuma̱ a̱ nusu le.”

Matta 3:11

“N ta̱ rumbusu ɗu na̱ mini adama u roco i vadala† ta̱, amma za na ri lo a̱ ta̱wa̱ a̱ca̱pa̱ a̱ va̱ u ta̱ rumbu ɗu na̱ Ruhu va Akiza na akina. U laꞌa mu ta̱ tsugbain lon, agba n rawa n guza̱a̱ yi atan shi.

Marku 5:24

Reve u ꞌya̱wa̱ oɓolo na̱ a̱yi, reve ama a̱ a̱bunda̱ o toni yi a gbagbalasa yi.

Luka 5:8

Ana Simo Bituru enei ne, reve u kingyo a̱ ma̱ka̱ka̱n ma̱ Yesu a̱vu u damma, “Lyawa mu, Zagbain, a̱mu za vu unusu ɗa.”

Luka 7:4

Ana a̱ ta̱wa̱i uba̱ta̱ wa̱ yi, reve a pati yi, adansa, “Vuma nda rawa ta̱ vu yuwaan yi ulinga u nda,

Luka 7:5

adama a na u ciga ta̱ iɗa i tsu lon, waru a̱yi ɗa u suwaa ntsu a̱a̱ꞌisa̱ a̱ tsu.”

Luka 7:7

Waru n rawa n ta̱wa̱ ya̱ꞌa̱ wu shi. Vu yuwan adanshi goon u rawa ta̱, aagbashi a̱ va̱ o to oꞌwo gbaga.

Luka 8:49

A̱yi a̱tsuma̱ a adanshi, a̱vu nanza ta̱wa̱ ɗe o uꞌwa wa Jayiru, zagbain va̱ a̱a̱ꞌisa̱ꞌa̱, a̱vu u damma Jayiru, “Usheli wa̱ wu u kuwa̱ ta̱ ɗe. She vu damaton manluꞌu wan.”

Ajiya 10:38

Yu uwwa ta̱ alabari e Yesu vuma va Nazara, ununa A̱sula̱ a sukuma niyi na̱ Ruhu va Akiza, reve u ca yi ucira. Yesu da̱na̱ ta̱ a̱ ka̱nda̱ruwusa̱ a yuwusan ulinga u saꞌani. U wawusa ta̱ aza a na Mekerenkesu ma zuwai elime, adama a na A̱sula̱ o to oɓolo na̱ a̱yi.

Yakubu 4:10

I voton aciya̱ɗu e ekere a̱ A̱sulazuva, a̱yi waru u ta̱ ꞌya̱sa̱n ɗu.

Yakubu 4:6

U tsu roco tsu ta̱ isaꞌani ya̱ yi na̱ a̱bunda̱. A̱yi ɗa i zuwai adanshi a̱ yi a dammai: “A̱sula̱ a ꞌyuwan ta̱ za na a̱ ꞌya̱sa̱sa̱n aciya̱yi, amma u tsu yuwaan ta̱ za na votoyin aciya̱yi uba̱ta̱ wa̱ yi isaꞌani.”