Luka 3:23 - Tsishingini

²³ Yesu shi ta̱ na aꞌwan a na a yuwain zuzu na̱ mataꞌatsu, ana u temei uritosu wa̱ yi. A tara yi ta̱ ana a̱yi mawun ma̱ Isuhu ma ɗa. Isuhu ulobo wa̱ Heli u ɗa.

Luka 3:23 Iomraidhean Croise

Matta 1:1

Yesu Kristi† Zamawawa† uta̱ ta̱ o uꞌwa u Mogono Da̱wuda diga o ugundo wa Ibrahim.† Apa nda ugeru u tsukaya tsa na wu uta̱i.

Matta 1:16

Yakubu ɗa matsain Isuhu. Isuhu ɗa vali va̱ Meri, Meri† ɗa mma va̱ Yesu za na e ɗeyi Kristi Zamawawa.

Matta 1:6

Yese† ɗa matsain Da̱wuda Mogono. Da̱wuda† ɗa matsain Sulemanu. (Bashaba ɗa makuci ma̱ Sulemanu, a̱yi ɗa ka na Da̱wuda usai e ekere a Uriya.)

Matta 13:55

A̱yi mawun ma za vu usheꞌen ma ɗa. Meri† ɗa mma va̱ yi, waru muwun ma̱ a̱na̱wu ma̱ yi ele ɗa, Yakubu, na̱ Isuhu, na̱ Simo na̱ Yahuza.

Matta 4:17

Diga lo ɗa Yesu temei alajiya adansa, “Vadalai a̱ nusu ɗu i ka̱mba̱ uba̱ta̱ wa̱ A̱sula̱, adama a na tsugono tsa zuva tsa yuwan ta̱ zuzu.”

Marku 6:3

A̱yi nda, a̱yi ɗa za vu usheꞌen ndolo shi, mawun ma Meri,† zakpara va Yakubu, oɓolo na̱ Isuhu, na̱ Yahuza na̱ Simo shi? A̱za̱ a̱ yi e esheli pa ɗa a̱ ri oɓolo na̱ tsu shi?” Ɗaɗa a ꞌyuwan niyi.

Luka 2:48

Ana nan dada va̱ yi ene niyi, a̱vu a uwa asalama lon, a̱vu mma va̱ yi damma yi, “Mawun ma̱ va̱, cine vu yuwan ntsu tsunda? Vu lyawa ta̱ dada va̱ wu na̱ a̱mu e izami ya̱ wu na̱ a̱tsumola̱ngu.”

Luka 3:31

Eliyaki ulobo wa Malaya u ɗa. Malaya ulobo wa Mena u ɗa. Mena ulobo wa Matata u ɗa. Matata ulobo wa Natan u ɗa. Natan ulobo wa̱ Da̱wuda u ɗa.

Luka 4:22

Reve a uwwa uyoꞌo, a yuwusan asalama na adanshi e isaꞌani i na yu uta̱i o una̱ wa̱ yi. A̱vu a damma, “A̱yi nda, a̱yi ɗaɗa mawun ma̱ Isuhu shi?”

Yahaya 1:45

Ana Filibu ꞌya̱wa̱ cinai Nataniya a̱vu u damma yi, “Tse ene ta̱ vuma na Musa ɗanai adama a̱ yi a̱tsuma̱ a̱ Wila̱. Waru ama̱sula̱ a ɗana ta̱ adama a̱ yi. A̱yi ɗa Yesu ulobo wa̱ Isuhu, waru Nazara ɗa lyuci va̱ yi.”

Yahaya 6:42

A̱vu a damma, “A̱yi nda a̱yi ɗa Yesu, ulobo wa̱ Isuhu. Tsu reve ta̱ dada na̱ mma va̱ yi. Cine waa damma, ‘N cipa̱ ta̱ diga zuva?’ ”

Ajiya 1:1

Tiwofilu, a aatagada o ufaru u va̱ n damma wu ta̱ ili i na Yesu temei mayan oɓolo ni ili i na u ritosuyi,