Ajiya 26:10 - Tsishingini

¹⁰ Nan ganu a gbagbain a ca mu ta̱ ucira u na maa yuwan ili i nda suru, waru n reme ta̱ a̱za̱ e Itoni na̱ a̱bunda̱ a̱ Urishelima, reve n zuwa ukere u va̱ fo tsa̱ra̱ o unusa le.

Ajiya 26:10 Iomraidhean Croise

Ajiya 7:58

Reve o uta̱a̱ yi o ugyuru, ɗaɗa a uwai mavara ma̱ yi na atali. Reve aza a na a̱ shi lo a uwwa niyi a adanshi o foɗo a̱tugu e le o ɓoloto le a̱ ma̱ka̱ka̱n mo ulobo u na a̱ tsu ɗe Shawulu.

Ajiya 8:1

Shawulu shi ta̱ a̱tsuma̱ a aza a na a̱ usuyi ili i na a yuwain a mantsa ma na o unai Istifanu. Reve ama o ro aza a na a yuwusaan A̱sula̱ a̱ga̱nda̱ a̱ ta̱wa̱ a̱ ciɗo Istifanu na̱ mesun lon. Reve urana u ndolo a̱tsuma̱lima̱ lon a uwa e ekere a̱ a̱za̱ e Itoni a na a̱ ri Urishelima. Reve a̱za̱ e Itoni suru e beteꞌwe a̱ tyo Yahuda na̱ Samariya,† she ajiya goon a ɗa e isawain Urishelima.†

Ajiya 8:3

Reve Shawulu gbaꞌa u uwa a garasa ba̱ta̱ ba̱ta̱ a casu a̱za̱ e Itoni a̱tsuma̱lima̱ lon. U uwusa ta̱ a ꞌwa nu u remi ali na̱ a̱ma̱ci nu u ɓa̱rusu nle o uꞌwa wa ali.

Ajiya 9:21

Reve aza a na a uwwa niyi suru a̱ ka̱ra̱ a asalama, adansa, “A̱yi nda a̱yi ɗa vuma na unusai a̱za̱ e Itoni, reve waru u beteꞌwe le, ele aza a na e ɗesu a̱tsuma̱ a ala o ndolo shi? U ta̱wa̱ ta̱ pa tsa̱ra̱ u reme le, reve wu nla̱ le na akani, reve waru u ꞌya̱wa̱to le a̱ ma̱ka̱ka̱n ma nan ganu a gbagbain shi?”

Ajiya 9:26

Ana Shawulu ta̱wa̱i Urishelima, u yuwan ta̱ a̱tyo a na waa yuwan tsa̱ra̱ u ɓolo aci no ojoro.† A̱vu suru nle a uwwa wovon adama a na a̱ usu ko a̱yi oojoro a ɗa shi.

Ajiya 9:32

Reve Bituru ka̱nda̱ruwa̱ uba̱ta̱ suru tsa̱ra̱ u ka̱lyuwa̱ le. A̱yi a̱tsuma̱ a̱ a̱ka̱nda̱riya̱, reve u ta̱wa̱ u cina aza a akiza a̱ lyuci va Lida.

Ajiya 9:41

Reve Bituru cananaa yi ukere a̱vu u kamba yi tsa̱ra̱ u ꞌyon. Reve u ɗe a̱za̱ e Itoni oɓolo na̱ nruna̱, ɗaɗa u roco le a na Dokas ka̱mba̱i wuma.

1 Korinti 15:9

Ajiya suru a laꞌa mu ta̱. N rawa e ɗe mu aajiya shi, adama a na m ɓongi ta̱ a̱a̱ꞌisa̱ a̱ a̱za̱ e Itoni a̱ A̱sula̱.

Galatiya 1:13

I reve ta̱ cine n da̱na̱i ana n da̱na̱i o tono ure wa aza a Israꞌila. N ca ta̱ a̱za̱ e Itoni a̱tsuma̱lima̱ waru n yuwan ta̱ ukadu u na mee beteꞌwe le.

Afisu 1:1

A̱mu Bulu, a̱mu ɗa maa ɗanasa mepepelime ma nda. A̱mu aajiya e Yesu Kristi Zamawawa ɗa, adama a na A̱sula̱ a ɗangwa mu ta̱ mo oꞌwo ne. N ta ɗanasaa ama a akiza a na a ri pe a̱tsuma̱ a Afisu, aza a na aa yuwusan itoni ya̱ Yesu Zamawawa na amayun.

Wenu 17:6

Reve me ene kaꞌa u sowo mpasa ma aza a na a yuwusan adanshi a saꞌani a̱ A̱sula̱, aza a na o unai adama a na a̱ da̱na̱i uguzu na̱ Yesu ugbamu. U zuwa yi ta̱ wo oꞌwo ososowi. Ana me ene niyi mo oꞌwo ta̱ a asalama lon.