Ajiya 23:11 - Tsishingini

¹¹ Na ayin o ndolo, reve Zagbain ta̱wa̱ uba̱ta̱ wa̱ Bulu a̱vu u damma yi, “Vu gbama okolo, Bulu. Cine vu yuwayin ama adanshi a̱ va̱ Urishelima, ne ɗa fo vaa yuwan alajiya a Alabari a Saꞌani a̱ va̱ a̱ Roma.”

Ajiya 23:11 Iomraidhean Croise

Matta 14:27

Reve u yuwushin nle adanshi, u damma, “U rawa ta̱ ne, n ta̱ pa! She yu uwwa wovon wan.”

Matta 28:20

I rito le a yuwan ili i na n damma nɗu. N ta̱ da̱na̱ oɓolo na̱ a̱ɗu kuci, hali a̱ tyo o ukosu wu uvaɗi.”

Matta 9:2

Ana u rawai ɗe, reve ama o ro a̱ ta̱wa̱a̱ yi na̱ vuma na ri no osowi a̱ lipu a aavalu. Ana Yesu enei ucawu wo okolo wa ama a nda, reve u damma yi, “Ulobo, she vu uwwa wovon wan. A yuwaan wu ta̱ gafura wu unusu wa̱ wu.”

Luka 16:28

uba̱ta̱ u na n ri na̱ muwun ma̱ a̱na̱wu n ton. Tsa̱ra̱ u ꞌya̱wa̱ u damma le e reve cuꞌun vu nden n le, tsa̱ra̱ ele fo a̱ ta̱wa̱ uba̱ta̱ wa̱ a̱tsuma̱lima̱ a nda wan.’

Yahaya 14:18

Na̱ n ka̱ra̱, maa lyawa ɗu a̱ ndeꞌen tsa mkpaꞌan shi, n ta̱ ta̱wisa̱ ya̱ꞌa̱ ɗu.

Yahaya 16:33

“N damma ɗu ta̱ ili i ndolo adama yoo oꞌwo na̱ ma̱za̱nga̱ ma amayun adama a na i ri oɓolo na̱ a̱mu. Uvaɗi u ta zuwa ɗu i sowo a̱tsuma̱lima̱. Agba i kaɓa asuvu! N lyuwa ta̱ aci o ucira wu uvaɗi!”

Ajiya 18:9

Urana u ro na ayin, reve A̱sulazuva a yuwan adanshi na̱ Bulu a̱tsuma̱ a alavu alavu. A̱vu u damma yi, “She vu uwwa wovon wan, lyuwa elime na alajiya, she ɓa̱ru una̱ wan.

Ajiya 19:21

Ana ili i ndolo i farai suru, reve Bulu yuwan majiyan o okolo a̱ yi u ꞌya̱wa̱ Makidoniya na̱ Akataya, reve u ka̱mba̱ Urishelima. U damma ta̱ waru, “Diga Urishelima n ta̱ ꞌya̱wa̱ Roma.”†

Ajiya 2:25

Reve Da̱wuda yuwan adanshi adama a̱ yi, ‘Kuci ɗa n revei a na Zagbain ri oɓolo na̱ a̱mu. Adama a na u ri o ukere usaꞌani u va̱, babu ili i na maa uwwa wovon.

Ajiya 20:22

“Gogo nda gba, Ruhu va Akiza† pura̱ ta̱ ugbozu u va̱ a gbagbusa mu n tyo Urishelima. A̱yi ɗa nda gba n reve ili i na ya̱a̱ tsura̱ mu ɗe shi.

Ajiya 22:15

Vu to oꞌwo za va alajiya a̱ yi na vaa tara adanshi a̱ tyo uba̱ta̱ biti, a dansaa uvaɗi suru ili i na vu uwwai ni ili i na ve enei waru.

Ajiya 22:18

Reve me ene Yesu a adanshi. Reve u damma mu, ‘Jika̱ vu uta̱ Urishelima adama a na a̱a̱ usu adanshi a̱ wu a na vaa ca adama a̱ va̱ shi.’

1 Korinti 9:1

A̱mu n ta̱ fa̱a̱n. A̱mu aajiya† a ɗa. Me ene ta̱ Yesu Zagbain tsu, waru a̱ɗu ɗa utsuru wu ulinga u na Zagbain aa yuwusan o ukere u va̱.

Filibi 1:13

Gogo nda koyan ɗa pa nda reve ta̱ a na a̱ nla̱ numu na akani adama a na maa yuwusaan Zamawawa a̱ga̱nda̱. Hali gba na̱ a̱soja a na a̱a̱ pirishi ukobu u mogono suru e reve ta̱ a na maa yuwusaan yi a̱ga̱nda̱.

2 Timoti 4:17

Agba Zagbain da̱na̱ ta̱ oɓolo na̱ a̱mu, reve u ca mu okolo ugbamu, adama n yuwan alajiya a Alabari a Saꞌani uba̱ta̱ u na Atakpaci oo poloo mu atsuvu. A̱vu Zagbain wawa mu a na n shi a̱ kuwa̱.