Ajiya 23:1 - Tsishingini

¹ A̱vu Bulu varaa Azagbain a Mbara† esu, reve u damma, “A̱za̱ a̱ va̱, hali anaꞌan n ri no okolo ukuɗu shi, ko ili i na yaa damatosun mu shi, adama a wuma u na n yuwain a̱ ma̱ka̱ka̱n ma̱ A̱sula̱.”

Ajiya 23:1 Iomraidhean Croise

Matta 5:22

Gogo gba n ta dansaa ɗu: na̱ vu yuwan upan na̱ za va̱ wu, a̱ ta̱ geꞌeto wu. Na̱ vu ɗe za va̱ wu, ‘A̱a̱ta̱mu,’ a ta tara wu a̱ tyo uba̱ta̱ wa Azagbain a Mbara.† Na̱ vu ɗe za va̱ wu, ‘A̱vu a̱a̱ta̱mu za na ri na̱ a̱ɓula̱ shi,’ vu ta̱ zuzu na vaa uwa a akina a na a̱ ri n kima̱ shi.

Ajiya 22:1

Ɗaɗa Bulu dammai, “A̱za̱ a̱ va̱ na̱ mbara n va̱, poloi atsuvu yu uwwa adanshi a na maa yuwan adama a aciya̱va̱.”

Ajiya 22:30

Ana usana u tawai, ana yali i gbaiꞌin u cigai u reve ili i na i zuwai azagbain a aza a Israꞌila a̱ ta̱wa̱yi na adanshi a aci a̱ Bulu, a̱vu u zuwa a̱ ba̱ɗa̱ yi. Ɗaɗa u zuwai nan ganu a gbagbain na Azagbain a Mbara† suru o ɓoloto. Reve u zuwa a uwa na̱ Bulu a̱vu u zuwa yi wi isawan a̱ ma̱ka̱ka̱n me le.

Ajiya 22:5

Aabara a nan ganu na azagbain na aciyele a̱ ta̱ usu ne ɗa a yuwain. Ele ɗa a tsu ca mu mpepelime n na ma̱a̱ ꞌya̱wa̱a̱ uba̱ta̱ wa aza a Israꞌila a̱za̱ a̱ tsu a na a̱ ri Dimaska. Reve n reme a̱za̱ e Itoni ɗe n ta̱wa̱ ne ele Urishelima a mmalu na akani, adama a ca le a̱tsuma̱lima̱.”

Ajiya 23:15

Adama a nda, a̱ɗu Azagbain a Mbara† i damma yali i gbain u ta̱wa̱a̱ ɗu na̱ a̱yi, vadamma i ciga ta̱ i da̱shi petelyuwe adanshi a̱ yi ulobonu. Reve a̱tsu gba tsu da̱na̱ uvawun tsa̱ra̱ tsu una yi o ure.”

Ajiya 23:20

Reve u usu yi, “Ama o ro a ta zama a pati wu vu ꞌya̱wa̱ na̱ Bulu uba̱ta̱ wa Azagbain a Mbara† a aza a Israꞌila nfaꞌan. A ta damma a ciga ta̱ e petelyuwishe adanshi a̱ yi.

Ajiya 23:28

Ana gba n cigai n reve unusu wa̱ yi, reve n tara yi a̱ tyo o ukobu wa Azagbain a Mbara† n le.

Ajiya 23:6

Ana Bulu enei ozo o ro e le aza a Sadukiya a ɗa, ozo o ro gba shi Afarishi,† a̱vu u saala, “A̱za̱ a̱ va̱, a̱mu fo Mafarishi ma ɗa waru mawun ma Mafarishi ma ɗa. O una̱ u na n zuwai okolo a na a̱a̱ ꞌya̱sa̱n a̱kwa̱kwa̱ a̱yi ɗa i zuwai aa yuwusaan mu ugeꞌetosu.”

Ajiya 24:16

A̱yi ɗa i zuwai n cigai n yuwan wuma u saꞌani adama n tsura̱ nden mo okolo a̱ ma̱ka̱ka̱n ma̱ A̱sula̱ na ama suru.

Ajiya 6:15

Ana a uwwai ne, reve vuma biti a̱tsuma̱ a azagbain u vara a̱ka̱nla̱ a Istifanu, reve e ene urewesu wa̱ yi e ikanasa ana malingata ma̱ A̱sula̱.

1 Korinti 4:4

N reve ta̱ asuvu a̱ va̱ a̱ ta̱ cece. Amma suru na̱ ne u ka̱mba̱to mu cece shi, adama a na Zagbain ɗa za na ee geꞌeto mu.

2 Korinti 1:12

Tsu ta gura damma na̱ tsu cuwan ili i na tsu yuwain, tsu ta̱ a̱ ma̱za̱nga̱ na asuvu a̱ tsu a̱ ri cece. Mantsa suru tsu yuwan ta̱ nden ma̱ a̱ɓula̱, agba a̱tsu tsu soko ɗu ko ili i ta̱ shi. Isaꞌani ya̱ A̱sula̱ i ɗa i zuwai tsu yuwain ne, urevu wu uvaɗi u nda u ɗa shi. Tsu yuwan ta̱ nden ma̱ a̱ɓula̱ uba̱ta̱ u na tsu da̱nuyi suru bele a̱tsuma̱ a muwwulai n tsu na̱ a̱ɗu.

2 Korinti 4:2

Tsu ta ꞌyuwusan mayan me ili i wono ni ili yu usokowu. Tsa̱a̱ lumusa̱ ama shi, waru tsaa vadalasa adanshi a̱ A̱sula̱ shi. Adanshi a amayun a ɗa goon tsaa yuwusan a̱ ma̱ka̱ka̱n ma̱ A̱sula̱, adama ama o ro e reve a na tsu ri na̱ a̱ɓula̱.

2 Timoti 1:3

Urana na ayin suru, n tsu cuwan ta̱ na̱ a̱vu kuci a̱tsuma̱ a avasa a̱ va̱. Nna̱ maa yuwusan avasa n tsu godyo ta̱ A̱sula̱ adama a̱ wu. A̱yi nda a̱yi ɗa A̱sula̱ a na maa yuwusaan a̱ga̱nda̱ na asuvu a saꞌani, ununa nkaya n va̱ n yuwain.

Mmaci ma Ibrahim 13:18

I yuwusaan tsu avasa kuci. Tsu reve ta̱ asuvu a̱ tsu a̱ ta̱ cece, waru tsu ciga ta̱ tsu yuwan ili i na i ri mejege a mantsa suru.

1 Bituru 3:16

Agba ni i ciga i ꞌyuwan i yuwan ne ben na̱ tsutoni. I lyawa asuvu a̱ ɗu a̱ da̱na̱ cece. Reve na ama a yuwan adanshi a vama a aci a̱ ɗu, a ta uwwa wono, ne e ene nden n saꞌani n na yaa yuwusan adama a na yoo tono Zamawawa.