Ajiya 16:6 - Tsishingini

⁶ Reve o toni iɗa ya Firijiya ni iɗa ya Galatiya, adama a na Ruhu va̱ A̱sula̱ putsaa le ta̱ a yuwan alajiya neꞌen a̱tsuma̱ a Asiya wan.

Ajiya 16:6 Iomraidhean Croise

Luka 1:2

Ununa a ɗanai ili i na ele na e enei ne esu diga o ufaru a ca ntsu ele, aza a na e enei ele ɗa a̱za̱ o ulinga wa adanshi a̱ A̱sula̱ waru.

Ajiya 10:19

A mantsa ma na Bituru da̱na̱i a majiyan ma alavu alavu o ndolo, reve Ruhu damma yi, “Ama a taꞌatsu a ɗa ndolo e izami ya̱ wu.

Ajiya 11:12

Reve Ruhu va Akiza† damma mu, she n ꞌyuwan a̱ kuru le wan. Reve ama a̱ ta̱li a̱tsuma̱ a̱ a̱za̱ e Itoni a̱ kuru mu, reve tsu uwa o uꞌwa u vuma ro.

Ajiya 16:7

Ana a rawai o utyo wi iɗa ya Misiya, reve a yuwan a̱tyo o ukadu u na a yuwan tsa̱ra̱ a̱ tyo e iɗa ya Bitiniya, amma Ruhu va̱ Yesu lyawa le shi.

Ajiya 18:23

Ana u jimai pe waꞌa, reve u ꞌyon u bubura iɗa ya Galatiya na̱ Firijiya a̱ kurusu le lyuci lyuci a yuwusaan a̱za̱ e Itoni adanshi e isawan ugbamu.

Ajiya 19:10

U yuwusan ta̱ cuꞌun vu uritosu u nda, hali aꞌwan e re, hali aza a Israꞌila na̱ Nheleni† a Asiya suru a uwwa adanshi a̱ A̱sula̱.

Ajiya 20:16

Bulu gba u zuwa ta̱ okolo a̱ yi u ka̱ra̱la̱i a̱tsuma̱ a Afisu, adama a na u cigai u tara mantsa a̱tsuma̱ e iɗa ya Asiya shi. U zuwa ta̱ okolo u rawa Urishelima a mantsa ma̱ A̱buki o Urana wa Kupoton.†

Ajiya 20:28

I ka̱lyuwa̱ aciya̱ɗu ulobonu waru na̱ a̱za̱ e Itoni a na Ruhu va Akiza zuwa nɗu yo oꞌwo aza a aguɓa e ikyon† ya̱ A̱sula̱. Ele ɗa aza a na u tsulai na̱ mpasa ma̱ yi.

Ajiya 20:4

Waru ama e cindere a ɗa o toni niyi. Ele ɗa Supata mawun ma Puruhu vuma va Biriya, Arista na̱ Sakunda ama a Tasalonika, na̱ Gayu vuma va Daraba, na̱ Timoti, waru na̱ Tikiku na̱ Tarafima ama e iɗa ya Asiya.

Ajiya 21:27

Ana a yuwain ayin e cindere a na akucunuꞌu oo koto, reve aza a Israꞌila o ro a na a̱ ri e iɗa ya Asiya e ene Bulu a̱tsuma̱ a̱ A̱a̱ꞌisamapaɗa. Ɗaɗa a̱ ꞌya̱sa̱in okolo a ama, reve e reme Bulu.

Ajiya 6:9

Reve urana u ro ama o ro a na a̱ ri a̱ a̱a̱ꞌisa̱ a na a̱ tsu ɗe A̱a̱ꞌisa̱ a Agbashi a na a Lyawai, a uwa mawasan na̱ a̱yi. Ele aza a Israꞌila a na o uta̱i diga Kurani, na̱ Iskandariya, na̱ Kilikiya, ni iɗa ya Asiya i ɗa.

Ajiya 8:29

Reve Ruhu va Akiza damma Filibu, “Wala a rawa zuzu na̱ keke vi ido i ndolo, vi isawan lo na̱ vumaꞌa.”

Roma 16:5

Waru, i ca̱sa̱a̱ mu a̱a̱ꞌisa̱ a̱ a̱za̱ e Itoni a na o tsu ɓolotosu a̱tsuma̱ o uꞌwa u le. Waru i ca̱sa̱a̱ mu iꞌutsa̱ ya amayun i va̱ Abayinitu. A̱yi ɗa vuma na fara oꞌwoi za vi Itoni e iɗa ya Asiya.

1 Korinti 12:11

A̱yi ɗa waru Ruhu va Akiza ta̱ goon za na aa casu neꞌe nda. A̱yi a̱ ndeꞌen ɗa tsu ca cuꞌun vu uneꞌe u na u tsu ntsaa koyan.

1 Korinti 16:1

Ni i ushi ikebe adama a ama a̱ A̱sula̱, n ciga ɗu ta̱ i yuwan cine n dammai a̱a̱ꞌisa̱ a̱ a̱za̱ e Itoni a na a̱ ri pe a̱tsuma̱ a Galatiya a yuwan.

1 Korinti 16:19

A̱a̱ꞌisa̱ a̱ a̱za̱ e Itoni† pa nda a̱tsuma̱ e iɗa ya Asiya a̱ ta̱ lyungusa̱a̱ ɗu ica̱su i le. Akila oɓolo na̱ Birisika, oɓolo na̱ a̱a̱ꞌisa̱ a na o ɓolotosu o uꞌwa u le, a̱ ta̱ lyungusa̱a̱ ɗu ica̱su i le a̱tsuma̱ a ala a Zagbain.

2 Korinti 1:8

Ama a̱ va̱, tsu ciga ɗu ta̱ i reve ununa tsu sowoi a̱tsuma̱lima̱ e iɗa ya Asiya. A ca tsu ta̱ a̱tsuma̱lima̱ a na a laꞌai ucira u tsu, hali tsu jiyan na tsaa laꞌa shi.

Galatiya 3:1

A̱ɗu, olo aza a Galatiya! Zane ɗa pusa̱n nɗu ana? N roco ɗu ta̱ mejege ili i na i zuwai Yesu Kristi Zamawawa kuwa̱i a akpata.†

2 Timoti 1:15

Ununa vu revei, ama a̱ tsu a̱tsuma̱ e iɗa ya Asiya a ꞌyuwan ta̱ na aa kamba mu, hali na̱ Fijala na̱ Hamajana.

2 Timoti 4:10

Dima ka̱ra̱ ta̱ u lyawa mu adama a na u cigai ili yu uvaɗi. Reve u ka̱ra̱ a̱ tyo Tasalonika. Waru Karaka ka̱ra̱ ta̱ a̱ tyo Galatiya, Titu gba shi ka̱ra̱ ta̱ a̱ tyo Dalamatiya.

Mmaci ma Ibrahim 11:8

Ibrahim da̱na̱ ta̱ nu ucawu wo okolo, ɗaɗa u yuwain tsutoni ana A̱sula̱ e ɗe niyi u ꞌya̱wa̱ uba̱ta̱ u ro u na u yuwaan niyi nzuwulai n na waa ca yi. U lyawa ta̱ iɗa ya̱ yi, agba u reve uba̱ta̱ u na wee tyo shi.

1 Bituru 1:1

A̱mu Bituru, aajiya e Yesu Kristi Zamawawa, a̱mu ɗa ma̱a̱ lyungusa̱a̱ ɗu mepepelime ma nda. N ta ɗanasaa ama a na A̱sula̱ a ɗangwai. Ele ɗa aza a na a̱ ri a̱ nden ana omocin a̱tsuma̱ e iɗa ya Pontu, na̱ Galatiya, na̱ Kafadokiya, na Asiya ni iɗa ya Bitiniya.

Wenu 1:11

A̱vu uɗyoꞌo u damma, “Ɗana a̱tsuma̱ a aatagada ili i na ve enei reve vu lyunguwa̱ a̱ꞌisa̱ a̱ a̱za̱ e Itoni a na a̱ ri e ilyuci i cindere i nda: Afisu, na̱ Simirina, na̱ Birigamu, na̱ Tayatira, oɓolo na̱ Sadisu, na̱ Filadalifiya na̱ Lawudikiya.”

Wenu 1:4

Apa mepepelime ma na Yahaya ɗanai a̱ tyo uba̱ta̱ wa̱ a̱ꞌisa̱ a̱ a̱za̱ e Itoni e cindere a na a̱ ri a Asiya. N ta avasa A̱sula̱ o roco ɗu isaꞌani na asuvu nden a̱ yi. A̱sula̱ a̱yi ɗa za na ri lo diga o ufaru, u ta̱ lo gogo, za na waru ri lo a̱ ta̱wa̱. Waru nan ruhu e cindere a na a̱ ri a̱ ma̱ka̱ka̱n ma̱ nda̱na̱ta̱ n tsugono tsa̱ A̱sula̱ o to roco ɗu isaꞌani na asuvu nden.