Ajiya 16:1 - Tsishingini

¹ Bulu na̱ Sila a fara ta̱ ꞌya̱wa̱ Daraba she Lisitira uba̱ta̱ u na a cinai Timoti, za na mma va̱ yi za vi Itoni ɗa, umatsun wa Israꞌila u ɗa. Dada va̱ yi gba shi Meheleni ma ɗa.

Ajiya 16:1 Iomraidhean Croise

Ajiya 14:1

Ana a rawai Ikoniya, reve Bulu na̱ Banaba a uwa a̱ a̱a̱ꞌisa̱ a aza a Israꞌila ununa a tsu yuwusan. A̱vu a yuwan alajiya, hali ama a Israꞌila na Atakpaci na̱ a̱bunda̱ a ca okolo.

Ajiya 14:21

Bulu na̱ Banaba a yuwan ta̱ alajiya a Alabari a Saꞌani a Daraba, a̱vu gba ama na̱ a̱bunda̱ a ca okolo e le uba̱ta̱ a Zagbain. A̱vu a̱ ka̱ra̱ a̱ ka̱mba̱ Lisitira na̱ Ikoniya na̱ Antakiya va Bisidiya.

Ajiya 14:6

Amma ana ajiya e revei ili i na yaa farasa, a̱vu a̱ ka̱ra̱ a̱ tyo e iɗa ye elentsu a aza a Likiya, a̱ lyuci va Lisitira na̱ Daraba ni ilyuci i na i ri uka̱nda̱ruwu ne ele.

Ajiya 17:14

Reve a̱za̱ e Itoni a zuwushi Bulu u ka̱ra̱ a̱ tyo e ikyun i mala, a̱vu Sila na̱ Timoti e isawan pe a̱tsuma̱ a̱ lyuciꞌi neꞌen.

Ajiya 18:5

Ana Sila na̱ Timoti o uta̱i Makidoniya, a̱vu a̱ ta̱wa̱ Korinti. Reve Bulu reme alajiya o rocosu aza a Israꞌila Yesu Zamawawa ɗa.

Ajiya 19:22

Timoti na̱ Arasata a kambusa ta̱ Bulu. U lyungu le ta̱ elime a̱ yi a̱ ꞌya̱wa̱ Makidoniya, reve a̱yi wi isawan neꞌen waꞌa e iɗa ya Asiya.

Roma 16:21

Timoti za na a yuwusan ulinga oɓolo na̱ a̱mu, u ta̱ lyungusa̱a̱ ɗu ni ica̱su ya̱ yi. Waru ama a̱ va̱ fo, Lusiya, na̱ Yason, na̱ Susibatara a̱ ta̱ ca̱sa̱sa̱ ɗu.

1 Korinti 16:10

Na̱ Timoti rawa, i ushi yi ne ekere e re. U ta yuwusan ulinga wu Zagbain, cine a̱mu maa yuwusan.

1 Korinti 4:17

A̱yi ɗa i zuwai ma̱a̱ lyunguwisa̱ ɗu ulobo u va̱ Timoti a̱tsuma̱ e itoni. A̱yi macigata ma̱ va̱ ma ɗa waru aagbashi a̱ a̱ɓula̱ a Zagbain a ɗa. U ta cuwaan ɗu ni ili i na n ritoi adama e Yesu Zamawawa a̱tsuma̱ a̱ a̱ꞌisa̱ a̱ a̱za̱ e Itoni uba̱ta̱ u na n ꞌya̱wa̱i suru.

1 Korinti 7:14

Na̱ ka ɗa vu ri a̱tsuma̱ e Itoni, agba vali va̱ wu za vi Itoni ɗa shi, adama a̱ wu lolo ɗu wo oꞌwo ta̱ na akiza. Waru na̱ vali ɗa vu ri a̱tsuma̱ e Itoni za na ri na̱ ka na ri a̱tsuma̱ e Itoni shi, adama a̱ wu lolo ɗu wo oꞌwo ta̱ na akiza. Na̱ ne ɗa shi a na muwun n ɗu fo o oꞌwo ta̱ idaba, amma gogo a̱ ta̱ na akiza adama a akiza a na vu ta̱wa̱yi a̱tsuma̱ o lolo.

2 Korinti 1:1

A̱mu ɗa Bulu, Timoti za tsu ta̱ pa oɓolo na̱ a̱mu. A̱mu ɗa n ɗanaa nɗu mepepelime ma nda. A̱sula̱ a ɗangwa mu ta̱ mo oꞌwo aajiya e Yesu Kristi Zamawawa. N ta ɗanasaa ɗu a̱a̱ꞌisa̱ a̱ a̱za̱ e Itoni a̱ A̱sula̱ a̱tsuma̱ a̱ lyuci va̱ Korinti oɓolo na ama a̱ A̱sula̱ suru upasu wa Akataya.

2 Korinti 1:19

Ne ɗa u ri adama a na Mawun ma̱ A̱sula̱, Yesu† Zamawawa usu reve waru u ꞌyuwan a mantsa ma̱ ta̱ shi. U tsu usu ta̱ kuci no okolo a̱ ta̱. A̱yi ɗa za na a̱mu na̱ Sila na̱ Timoti tsu yuwaan ɗu adanshi a̱ yi.

Filibi 1:1

A̱mu ɗa Bulu, waru Timoti ta̱ pa oɓolo na̱ a̱mu. A̱tsu agbashi e Yesu Kristi Zamawawa ɗa. N ta ɗanasaa azagbain na akambi† a azagbain a̱ a̱a̱ꞌisa̱ a̱ a̱za̱ e Itoni, waru a̱ tyo a̱za̱ e Itoni suru a̱tsuma̱ a̱ Filibi aza a na A̱sula̱ a ɗangwai.

Filibi 2:19

Na̱ Yesu Zagbain usu aa jima shi, n te ifoɓi i na ma̱a̱ lyunguwa̱ ɗu Timoti. Reve nu u ka̱mba̱ uba̱ta̱ u va̱ n ta yuwan ma̱za̱nga̱ adama a alabari a na wa̱a̱ ta̱wa̱a̱ mu adama a̱ ɗu.

Kolosi 1:1

A̱mu ɗa Bulu. A̱sula̱ a ɗangwa mu ta̱ adama mo oꞌwo aajiya e Yesu Kristi Zamawawa. Timoti ta̱ pa oɓolo na̱ a̱mu, a̱yi mawun ma̱ a̱na̱wu ma̱ tsu ma ɗa.

1 Tasalonika 1:1

A̱mu Bulu, na̱ Sila na̱ Timoti, a̱tsu ɗa tsaa ɗanasaa a̱za̱ e Itoni a̱tsuma̱ a Tasalonika mepepelime ma nda. U ta̱ a̱ tyo uba̱ta̱ a ama a na a̱ ri a̱za̱ a̱ A̱sula̱ waru aza a na a̱ ri aza a Zagbain Yesu Kristi Zamawawa a na a̱ ri ɗe uba̱ta̱ꞌa̱. N ta yuwusan avasa A̱sula̱ o roco ɗu isaꞌani ya̱ yi waru u zuwaa ɗu abaꞌun a asuvu nden!

1 Tasalonika 3:2

reve tsu lyungu Timoti ya̱ꞌa̱ ɗu. U ta yuwusan ulinga oɓolo na̱ a̱tsu ana aagbashi a̱ A̱sula̱, reve waru u yuwan alajiya a Alabari a Saꞌani a̱ Kristi Zamawawa. Tsu lyungu yi ta̱ adama u zuwa ɗu i gbama waru u da̱shi ɗu okolo ugbamu o ucawu wo okolo a̱ ɗu.

1 Tasalonika 3:6

Gogo ɗa Timoti rawai ana wu uta̱i ya̱ꞌa̱ ɗu. U ta̱wa̱a̱ tsu ta̱ na alabari a saꞌani adama o ucawu wo okolo ni icigi i ɗu. U ka̱mbuwa̱ tsu ta̱ a na yaa cuwusan na̱ a̱tsu na̱ ma̱za̱nga̱, waru i ta maluwa ma na yee ene tsu cine a̱tsu tsu ri a maluwa ma na tsee ene ɗu.

2 Tasalonika 1:1

A̱mu Bulu, na̱ Sila na̱ Timoti, a̱tsu ɗa tsaa ɗanasa mepepelime ma nda e tewee a̱za̱ e Itoni ya Tasalonika ama a̱ A̱sula̱ Dada tsu aza a na a̱ ri a̱tsuma̱ e itoni yi Zagbain Yesu Kristi Zamawawa.

1 Timoti 1:18

Kafu mantsa ma nda, ama o ro a yuwan ta̱ adanshi adama e ili i na vaa yuwan. Mawun ma̱ va̱, Timoti, uwwa adanshi a̱ va̱, waru adanshi a̱ va̱ꞌa̱ u toni ta̱ adanshi a na a yuwain a aci a̱ wu ɗe a̱ca̱pa̱. N ciga ta̱ adanshi a nda a ca wu ucira u na vaa yuwan mpolo n saꞌani.

1 Timoti 1:2

N ta ɗanasaa wu Timoti, mawun ma amayun ma̱ va̱ adama o ucawu wo okolo a̱ wu. A̱sula̱ a ɗa Dada tsu, waru Yesu Zamawawa a̱yi ɗa Zagbain tsu. N ta yuwusaan wu avasa a ca wu icigi ni isaꞌani† na asuvu nden.

2 Timoti 1:2

N ta ɗanasaa wu Timoti, macigata ma mawun ma̱ va̱. A̱sula̱ Dada tsu ɗa waru Yesu Zamawawa Zagbain tsu ɗa. Icigi i va̱ i ɗa o roco wu isaꞌani waru e ene iliyali ya̱ wu. Waru a lyawa wu vu tsura̱ asuvu nden.

2 Timoti 1:5

N reve ta̱ vu ta̱ nu ucawu wo okolo lon cine mma va̱ wu Afiniki ri na̱ a̱yi na̱ cine kaka va̱ wu vu ka Loyisi ri fo na̱ a̱yi.

2 Timoti 3:11

Vu reve ta̱ a̱bunda̱ a̱ ma̱lyungwa̱ ma na n sowoi waru vu reve ta̱ a̱bunda̱ a̱ a̱tsuma̱lima̱ a na n sowoi. Vu ta̱ nu urevu u ma̱lyungwa̱ ma na n sowoi suru a̱tsuma̱ a Antakiya, ni Ikoniya, waru na̱ Lisitira, a̱vu gba Zagbain uta̱a̱ mu a̱tsuma̱ e le suru.

Filimon 1:1

Mepepelime ma nda ya̱ꞌa̱ va̱ ɗa wu uta̱i, a̱mu Bulu, na̱ Timoti zawaꞌa tsu. N ta̱ o uꞌwa wa ali adama a na maa yuwusan alajiya a Alabari a Saꞌani e Yesu Kristi Zamawawa. N ta ɗanasaa Filimon iꞌutsa̱ yu ulinga i tsu, waru tsu ciga yi ta̱ lon.

Mmaci ma Ibrahim 13:23

N ciga ɗu ta̱ i reve a na a lyawai Timoti za tsu diga o uꞌwa wa ali. Nu u rawa ya̱ꞌa̱ va̱ keɗu, tsu ta̱ ta̱wa̱ uba̱ta̱ u ɗu ra adama tse ene ɗu.