Ajiya 12:7 - Tsishingini

⁷ Ele lo babu usa̱n, reve ekan e ikana a̱tsuma̱ o uꞌwa wa ali a̱tsuma̱ a aasula a na u da̱na̱i, reve malingata ma̱ A̱sula̱† me isawan elime a̱ Bituru. Reve u lapa yi e eeɓele tsa̱ra̱ u jisan yi. Reve u damma, “Jika̱! Vu ꞌyon!” Reve akaniꞌi o oco diga e ekere a̱ Bituru.

Ajiya 12:7 Iomraidhean Croise

Matta 2:13

Ana a̱ ka̱ra̱i, reve malingata ma̱ A̱sula̱† ma̱ ta̱wa̱ ya̱ Isuhu a̱tsuma̱ a alavu, a̱vu u damma, “ꞌYon! Jika̱ vu tara mawuꞌun na̱ mma va̱ yi a̱ tyo Masar! Vi isawan ɗe she urana u na n damma nuwu vu ka̱mba̱, adama a na Hiridu ri a zama mawuꞌun tsa̱ra̱ wu una yi.”

Luka 2:9

Reve malingata ma Zagbain ma̱ ta̱wa̱ uba̱ta̱ u le, reve ekan a tsugbain tsa̱ A̱sulazuva e ikana uba̱ta̱ u na a̱ ri, hali a uwwa wovon lon.

Luka 24:4

Ele a̱tsuma̱ a asalama e ili i ndolo, ɗaɗa e enei ama e re zuzu ne ele ni itana i uri puwu.

Ajiya 10:30

Reve Kaniliya damma, “Rana na̱shi na ka̱ra̱i, a̱mu a̱tsuma̱ a avasa a mantsa ma na n tsu yuwusan. Reve me ene vuma mishin a̱ ma̱ka̱ka̱n ma̱ va̱ wotowu ni itana a madala.

Ajiya 12:23

Amaꞌa a̱tsuma̱ a yisaali, reve malingata ma̱ A̱sula̱ ma faba Hiridu a̱ cipa̱ e iɗa. A yuwan ta̱ ne adama a na u tarai tsugbain tsa̱ A̱sula̱. O ukosu azun a̱tsuma̱ a̱ yi a ɗa a tamusai lipu va̱ yi, hali u kuwa̱.

Ajiya 12:6

A̱tsuma̱ a ayin o ndolo ana Hiridu yuwain majiyan ma na woo uta̱a̱ na̱ Bituru nu usana u tawa, Bituru da̱na̱ ta̱ wunlu a nlavu na akani e re a̱tsuma̱ a̱ a̱soja e re. A̱soja e re o ro waru lo mishin a̱ pirishi una̱ntsu.

Ajiya 12:8

Reve malingataꞌa u damma, “Oto itana ya̱ wu na atan a̱ wu.” Reve Bituru yuwan ili i na u damma niyi u yuwan. Reve malingataꞌa u damma, “Ka̱nda̱ꞌwa̱ umuna wa̱ wu reve vu toni mu.”

Ajiya 16:26

Babu usa̱n reve iɗa i ra̱mo nu ucira. Uꞌwa wa aliꞌi u jinga̱ɗa̱ ta̱ diga pe e iɗa. Reve na̱ntsuꞌu a̱ kpa̱tuꞌwa̱, reve akani suru a̱ ba̱ɗa̱ a ana a aza a na a̱ ri pe o uꞌwa wa aliꞌi suru.

Ajiya 2:24

Reve gba A̱sula̱ a̱ ꞌya̱sa̱n yi a̱tsuma̱ a̱ a̱kwa̱kwa̱, reve u ka̱mbuwa̱ yi wuma. Babu cine ukwa̱ waa gura guza̱ yi.

Ajiya 5:19

Na ayin a̱vu malingata ma̱ A̱sula̱ ma̱ ta̱wa̱, a̱vu u kpa̱tuꞌwa̱ una̱ntsu wu uꞌwa wa aliꞌi, reve wu uta̱a̱ le pe.

Ajiya 9:3

Ana u rawai zuzu na̱ Dimaska adama o ulinga u ndolo, babu usa̱n reve ekan o uta̱ ɗe zuva u ka̱nda̱ruwa̱ yi.

Afisu 5:14

adama a na ekan o tsu roco ta̱ ili suru. A̱yi ɗa i zuwai a dammai, “A̱ɗu a na i ri a nlavu, i ꞌyon! I ꞌyon diga o ukwa̱, Zamawawa te ikana a aci a̱ ɗu.”

Mmaci ma Ibrahim 1:14

Nlingata ma̱ A̱sula̱† suru nan ruhu ɗa na aa yuwusaan A̱sula̱ a̱ga̱nda̱, waru u lyungu le ta̱ tsa̱ra̱ a kamba aza a na a̱a̱ ushi iwawi.†

Wenu 18:1

Ana alavu alavu a na me enei ka na kumbai a̱a̱dodo o ndolo a̱ ka̱ra̱i, ɗaɗa me enei malingata ma̱ A̱sula̱ mo ro a̱ ma̱cipa̱ diga zuva. U ta̱ nu ucira lon, a̱vu ekan a gbain o uta̱ diga ya̱ꞌa̱ yi, reve wi ikana uvaɗi.