Afisu 1:8 - Tsishingini

⁸ Adama a na A̱sula̱ a̱ ta̱ nu ugbozu, waru u reve ta̱ ili suru suru,

Afisu 1:8 Iomraidhean Croise

Matta 11:19

Agba Mawun ma Vuma ma̱ ka̱nda̱ruwa̱ ta̱ a lyuwusa nu u sowi, reve waru i damma, ‘Vuma nda liwi ɗa na̱ sowi! Waru a̱yi iꞌutsa̱ ya̱ a̱za̱ o uꞌushishi wu utafa na̱ a̱za̱ o unusu a ɗa.’ Na̱ ne suru a̱ tsu reve ta̱ ugbozu u ta̱ mejege a linga va̱ yi.”

Roma 11:33

Zane ɗa aa gura rito utsuru, nu ugbozu, nu urevu u na A̱sula̱ a̱ ri na̱ a̱yi? Zane aa gura reve ili yo okolo a̱ yi? Zane aa gura cuɗuwa ili i na u tsu yuwan?

Roma 5:15

Amma ejereꞌe una̱ta̱ u ɗa a̱ ri shi, adama a na uneꞌe wa̱ A̱sula̱ u ri tsu unusu wa Ada̱mu shi. Amayun a ɗa ama na̱ a̱bunda̱ a̱ kuwa̱ ta̱ adama o unusu u vuma ta̱ ndolo. Amma isaꞌani ya̱ A̱sula̱ i laꞌa ta̱ mgbain lon, waru ama na̱ a̱bunda̱ a̱ tsura̱ ta̱ uneꞌe u wuma wa̱ A̱sula̱ adama e isaꞌani i vuma ta̱. Vuma ndolo a̱yi ɗa Yesu Zamawawa.

1 Korinti 2:7

Amma n ta yuwusan adanshi o usokowu wu ugbozu wa̱ A̱sula̱, za na u lyawai usokowu hali a̱ tyo gogo. Kafu u yuwan uvaɗi, A̱sula̱ o foɓo ta̱ ugbozu u nda tsa̱ra̱ u ta̱wa̱a̱ tsu na̱ tsugbain.

Afisu 1:11

A̱sula̱ a ɗangwa tsu ta̱ tso oꞌwo ama a̱ yi ana u ɓolo ntsu na̱ Yesu Zamawawa. U yuwan ta̱ ne adama a na u jiyan ta̱ nu ujimu u yuwan ne, reve u zuwa iliꞌi i fara cine u cigai.

Afisu 1:7

A̱tsuma̱ e Yesu Zamawawa tso oꞌwo ta̱ fa̱a̱n adama a mpasa mu ukwa̱ ma̱ yi, a̱yi ɗa ili i na i zuwai tsu tsura̱i gafura vu nusu tsu. O ure u nda u ɗa A̱sula̱ o roco ntsu a̱ba̱jini e isaꞌani ya̱ yi a̱bunda̱ lon.

Afisu 1:9

u yuwan ta̱ ili i na u cigai u yuwan. U roco tsu ta̱ ili i na i da̱na̱i usokowu i na u foɓoi u yuwan e ekere e Yesu Zamawawa.

Afisu 3:10

U yuwan ta̱ ili i nda, tsa̱ra̱ u roco cira icuꞌun icuꞌun ɗe zuva, u da̱na̱ ta̱ nu ugbozu a̱tsuma̱ e ili i na u yuwain suru. A̱sula̱ o roco ta̱ ili i nda e ekere e ili i na u yuwayin a̱za̱ e Itoni a̱ yi.

Kolosi 2:3

Adanshi a̱ Kristi Zamawawa ɗa maa yuwusan. A̱yi ɗa za na ri uguzu ni ili yu ugbozu suru waru nu urevu u na tsee ene shi.

Yahuza 1:25

Nu ujimu ɗe, a̱ tyo mantsa ma nda, hali a̱ tyo o ukosu, A̱sula̱ a ɗa Za vi Iwawi i tsu adama e Yesu Zamawawa Zagbain tsu. Tsugbain suru za va̱ yi ɗa. Tsugono suru za va̱ yi ɗa. Ucira suru suru za va̱ yi ɗa. Waru ili suru i ta̱ o ukere wa̱ yi. Ami.

Wenu 5:12

A̱ da̱na̱ ta̱ e ishipa na̱ a̱ba̱jini o uɗyo: “Tsu ta yuwaan Ma̱giriꞌi ma na o unai ica, waru adama a̱ a̱ba̱jini o ucira a̱ yi, nu utsuru, nu urevu, nu ukadu wa̱ yi. U ushi tsugono na̱ tsugbain ni ica suru suru!”