2 Bituru 3:16 - Tsishingini

¹⁶ Bulu yuwan ta̱ adanshi e ili i nda suru a̱tsuma̱ a̱ mpepelime ma̱ yi. Agba akapi e ili i na u dammai a̱ tu usa̱n u merevee. Ama o ro a̱za̱ o ulambu wu urevu aza a na a̱ ri ugbamu a̱tsuma̱ e itoni shi, reve a vadala ikaka ya̱ yiꞌi a dansa ili i ro koꞌo ni ili i na waa dansa. Ne ɗa waru a yuwusan na akapi a Adanshi a̱ A̱sula̱. Ne ɗa gba oo foɓusoo aciyele ulungusu.

2 Bituru 3:16 Iomraidhean Croise

Matta 15:3

Reve u usu le, “Nye i zuwai yoo tonishi ili i na A̱sula̱ a dammai shi, reve i uwa o tono uritosu wa aciya̱ɗu?

Matta 15:6

to, a̱ ri na a ca dada le iliꞌi shi. I ꞌyuwan ta̱ ili i na A̱sula̱ a dammai adama a agadu a̱ ɗu.

Matta 22:29

Ɗaɗa u usu nle, “I ri nu urevu shi, adama a na i reve ili i na Adanshi a̱ A̱sula̱ a dammai shi, waru i reve adama o ucira wa̱ A̱sula̱ shi.

Filibi 3:19

Ama a nda a ta rawa o ukosu reve a cina ukwa̱ suru suru. Ili i na aa yuwusaan a̱ga̱nda̱ goon a̱yi ɗa ili i na ele na aciyele a cigai adama a̱ lipu le. A̱ ta̱ tsurusa̱ tsugbain a̱tsuma̱ e ili i wono i na aa yuwusan. A zuwa ta̱ okolo e le e ili yu uvaɗi u nda suru suru.

Mmaci ma Ibrahim 5:11

Tsu ta̱ ni ili i na tsaa damma na̱ a̱bunda̱ adama e ili i nda, amma u tu usa̱n u na tsaa cuɗuwa adama a na i tsu reve ili goꞌo shi.

Yakubu 1:8

Cuꞌun vuma ndolo tsu gura yuwaan aciya̱yi majiyan ma̱ ta̱ shi, waru u tsu gura kuru ure u ta̱ shi.

1 Bituru 1:1

A̱mu Bituru, aajiya e Yesu Kristi Zamawawa, a̱mu ɗa ma̱a̱ lyungusa̱a̱ ɗu mepepelime ma nda. N ta ɗanasaa ama a na A̱sula̱ a ɗangwai. Ele ɗa aza a na a̱ ri a̱ nden ana omocin a̱tsuma̱ e iɗa ya Pontu, na̱ Galatiya, na̱ Kafadokiya, na Asiya ni iɗa ya Bitiniya.

1 Bituru 2:8

Waru Adanshi a̱ A̱sula̱ a damma ta̱, “A̱yi ɗa aatali a na aa zuwusa ama uta̱ɗa̱tsa̱sa̱, aatali a na aa zuwa le a̱ riya̱.” A̱ ta̱ ta̱ɗa̱tsa̱sa̱ adama a na o poloi atsuvu reve a̱ kuru Adanshi a̱ A̱sula̱ shi. Adama o ndolo reve a cina ili i na o foɓoo nle.

2 Bituru 2:1

Ɗe a̱ca̱pa̱ a yuwan ta̱ ama̱sula̱ e epen a na a yuwayin aza a Israꞌila adanshi, ne ɗa waru munlu me epen ma̱a̱ ta̱wa̱ a̱tsuma̱ a̱ ɗu. Nu ugbozu u ɗa a̱a̱ ta̱wa̱ nu uritosu we epen adama a̱ A̱sula̱ a na wa̱a̱ lungusa̱ ama. A̱ ta̱ ꞌya̱sa̱a̱n Zagbain le na tsupai adama u wawa le aci. Ele na aciyele aa jima shi a̱ ta̱ lungusa̱ le.

2 Bituru 2:14

A ta yuwusan tsipere ne esu e le, waru icigi i lipu ye esu e le a̱ tsu cuwa̱n shi. Reve a̱ da̱na̱ o mpolo n na o oto ama a na a̱ ri mishin shi a̱tsuma̱ o unusu. A̱vu o rito aciyele o oꞌwo a̱za̱ o utsa̱n. Ama a nda oɓolo a ama a ɗa aza a na a yuwayin una̱.

2 Bituru 3:14

Ama a̱ va̱ ncigata, adama o ndolo i yuwan nden n na moo yoꞌonoto A̱sula̱ okolo, i yuwan ili i na yaa yuwan, i yuwan nden cece babu unusu a̱tsuma̱ a rana na yaa pura ili i nda i fara.

2 Bituru 3:2

N ciga ɗu ta̱ i cuwan a̱vu i reve ikaka ya ama̱sula̱ a akiza† ɗe nu ujimu, waru n ciga ɗu ta̱ i cuwan a̱vu waru i reve ili i na Zagbain tsu na̱ Zamawawa zuwai ajiya a̱ ɗu a damma ɗu i yuwan.

Yahuza 1:4

N damma ta̱ ili i ndolo adama a na ama a na a ꞌyuwain a yuwusaan A̱sula̱ tsutoni a uwa ta̱ e memere ma̱ ɗu usokowu. O to ritosu a na A̱sula̱ a̱ ta̱ ni isaꞌani waru u tsu yuwaan ta̱ ama gafura vu unusu. Ne ɗa u ri, amma reve a damma adama o ndolo a ta gura yuwan ili yu uwuyanu i na a cigai a yuwan biti. A̱sula̱ a ɗangwa ta̱ ɗe ili i na waa yuwan ne ele nu ujimu adama a na a wasan ta̱ Zagbain na̱ Mogono ma̱ tsu, Yesu Zamawawa.