1 Timoti 4:6 - Tsishingini

⁶ Vu roco a̱za̱ e Itoni ili i nda. Na̱ vu yuwan ne, vu to oꞌwo aagbashi a̱ a̱ɓula̱ e Yesu Zamawawa. Waru ne ɗa a̱vu aciya̱wu vaa yuwan ucira a̱tsuma̱ e ikaka ya amayun e ili i na vu usuyi nu uritosu u saꞌani u na yoo tono.

1 Timoti 4:6 Iomraidhean Croise

Matta 13:52

Reve u damma le, “Manlu ma̱ wila̱ ma na suru ma̱ tsura̱i urevu u tsugono tsa zuva u rotso ta̱ vuma na oo uta̱su akuci nu uzuwa u saꞌavu a alanga a̱tsuma̱ o mopon.”

Luka 1:3

A̱mu me ene ta̱ u lobono ta̱, ili yu ufaru i ɗa n toniyi ili suru mejege, tsa̱ra̱ n ɗanaa wu ili i na i farai mejege,

Ajiya 1:15

A̱tsuma̱ a rana ndolo iɓolo ya ama ukpaku nu ushin (120) aza a na a cayi okolo a̱ da̱na̱ ta̱ lo. Reve Bituru ꞌyon mishin, reve u damma,

Ajiya 20:31

I da̱na̱ ufoɓu! I cuwan n da̱nu ta̱ na̱ a̱ɗu aꞌwan a taꞌatsu a ɓarasa ɗu waru a̱ ka̱lyuwusa̱ ɗu nu usana na ayin, na̱ moo ocosuyi aɓara.

Ajiya 20:35

N yuwusan ta ne adama n roco ɗu ure u na ya̱a̱ kuru, adama i yuwan ulinga lon i kamba aza a na a̱ ri nu ucira shi a̱tsuma̱ a̱ ɗu. I cuwan na adanshi e Yesu Zagbain ana u dammai, ‘U laꞌa ta̱ lobono vuma ca, ana wa̱a̱ ushi.’ ”

Roma 15:15

Amma n ɗanaa ɗu ta̱ a alanga eteshe adama e ili i na n ciga nɗu i cuwan. N yuwan ta̱ ne adama a na A̱sula̱ a yuwaan mu ta̱ isaꞌani,

1 Korinti 4:17

A̱yi ɗa i zuwai ma̱a̱ lyunguwisa̱ ɗu ulobo u va̱ Timoti a̱tsuma̱ e itoni. A̱yi macigata ma̱ va̱ ma ɗa waru aagbashi a̱ a̱ɓula̱ a Zagbain a ɗa. U ta cuwaan ɗu ni ili i na n ritoi adama e Yesu Zamawawa a̱tsuma̱ a̱ a̱ꞌisa̱ a̱ a̱za̱ e Itoni uba̱ta̱ u na n ꞌya̱wa̱i suru.

2 Korinti 11:23

Ele agbashi a Zamawawa ɗa? Na̱ n damma n laꞌa le ta̱ yuwaan yi a̱ga̱nda̱ mo oꞌwo ta̱ gashi ulo. N laꞌa le ta̱ yuwan ulinga lon. A zuwa mu ta̱ o uꞌwa wa ali kuci hali u laꞌa cine a zuwa nle o uꞌwa wa ali. Wufabu u na a faba numu u laꞌa ta̱ cine a faba nle. N yuwan ta̱ zuzu nu ukwa̱ na̱ a̱bunda̱.

2 Korinti 3:6

U zuwa tsu ta̱ tso oꞌwo agbashi a akucunu a saꞌavu a̱ yi na o utusa̱ uba̱ta̱ wa̱ Ruhu va Akiza. Akucunu a nda Wila̱ u na a ɗanai ɗa shi, adama a na Wila̱ u tsu ta̱wa̱a̱ ta̱ nu ukwa̱, amma Ruhu tsu ca ta̱ wuma.

2 Korinti 6:4

Ili i na tsaa yuwusan suru, tsu ta yuwusan mpolo tsu roco na a̱tsu agbashi a amayun a̱ A̱sula̱ a ɗa tsu ri. Tsu ta kaɓa asuvu na ankuri na̱ cuꞌun va̱ a̱tsuma̱lima̱ suru.

Afisu 6:21

N ciga ɗu ta̱ i reve cine n ri waru ni ili i na maa yuwusan. A̱yi ɗa i zuwai ma̱a̱ lyungusu Tikiku ya̱ꞌa̱ ɗu. A̱yi za tsu ɗa za na tsu cigai, waru u ta yuwusaan fo Zagbain a̱ga̱nda̱ ulobonu. U ta damma ɗu ili i na yaa cinasa tsu, waru u ta̱ da̱shi ɗu asuvu ugbamu.

Filibi 2:20

N ri na̱ za ro tsa̱ yi shi. U te inda iliyali i ɗu i na u laꞌai koyan pa.

Filibi 2:22

Agba i reve ta̱ cine Timoti rocoi aciya̱yi gashi mawun ma na ma̱ ri oɓolo na̱ dada va̱ yi ɗa. U kamba mu ta̱ a̱tsuma̱ a alajiya a Alabari a Saꞌani.

Filibi 3:16

Ili i na i laꞌai ili biti a̱yi ɗa: tsu lyuwai elime ni itoni yi ili i na tsu revei ɗe amayun a ɗa.

Kolosi 2:19

Ama a nda a̱ ri oɓolo na̱ Yesu Zamawawa Aci a̱ lipu shi. Adama a na tsu tu uɓolu na̱ a̱yi a̱ lipu e ekere a aruva o ugbamu a̱ yi, waru tsu ta kungwa nna̱ tsu tsura̱ ilyalya i tsu nu ucira u tsu diga a̱ A̱sula̱ goon.

Kolosi 3:16

I lyawa ikaka ya̱ Kristi Zamawawa da̱nu a̱tsuma̱ o okolo a̱ ɗu lon waru i ta̱ tsura̱ ugbozu. I yuwan ulinga ni idanshi ya̱ yi i ritoloi reve waru i calai a̱sa̱la̱ a saꞌani. I da̱na̱ o godyusho a̱tsuma̱ o okolo a̱ ɗu waru a mantsa suru i da̱na̱ a canasaa A̱sula̱ ishipa i saꞌani icuꞌun icuꞌun.

Kolosi 4:7

Tikiku ta damma ɗu adama a̱ va̱. N ciga yi ta̱ lon. A̱yi za vi ikambi va amayun ɗa za na aa lingasaa Zagbain oɓolo na̱ a̱mu.

1 Tasalonika 3:2

reve tsu lyungu Timoti ya̱ꞌa̱ ɗu. U ta yuwusan ulinga oɓolo na̱ a̱tsu ana aagbashi a̱ A̱sula̱, reve waru u yuwan alajiya a Alabari a Saꞌani a̱ Kristi Zamawawa. Tsu lyungu yi ta̱ adama u zuwa ɗu i gbama waru u da̱shi ɗu okolo ugbamu o ucawu wo okolo a̱ ɗu.

1 Timoti 1:10

Waru u zuwa le ta̱ adama a aza a na aa yuwusan tsipere, na ali a na oo vosun na ali waru na̱ a̱ma̱ci a na oo vosun na̱ a̱ma̱ci. Waru Wila̱ꞌa̱ u ta̱ lo adama a aza a na a winasa a̱za̱ e le ana agbashi, na aza a na a yuwusan epen oɓolo na aza a na a yuwusan epen o ukobu wu ugeꞌetosu. U zuwa ta̱ Wila̱ u ndolo adama a ama a na a yuwusan ili i wuya icuꞌun icuꞌun i na i wasain uritosu u saꞌani.

1 Timoti 4:16

Vu yuwan ugbozu na̱ wuma wa̱ wu ni ili i na voo ritosu. Vu guza̱ ili i na i ri mejege ulobonu, ne ɗa A̱sula̱ aa wawa wu, waru u ta wawa aza a na a uwwa nuwu.

1 Timoti 6:3

Munlu me epen n ro n ta ꞌyuwan uritosu u nda, agba uritosu u nda u tu ulobonu nu ucira o uritosu wa̱ Yesu Zagbain Zamawawa, waru ele ɗa ikyun yu ucira wi ili i na vuma aa yuwan a na A̱sula̱ a cigai.

2 Timoti 1:6

Adama o ndolo n ta dansaa wu vu fa̱la̱ uneꞌe u na A̱sula̱ a ca nuwu ana n kuruwa̱ nuwu ekere.

2 Timoti 3:10

Agba a̱vu Timoti, vu reve ta̱ ili i na n ritoi, waru vu reve ta̱ cine n yuwain nden mu uvaɗi n va̱. A wuma u va̱ vu reve ta̱ ili i na n da̱na̱i e izami. Vu reve ta̱ nu ucawu wo okolo u va̱ na̱ cine n jimai na ankuri. Vu reve ta̱ icigi i va̱ na̱ cine n kaɓai asuvu.

2 Timoti 4:3

Vu yuwan ne adama a na mantsa ma̱ ta̱ lo a̱ ta̱wa̱ a na ama oo polo atsuvu a uwwa uritosu u saꞌani shi. Ili i na a cigai adama a aciyele a ɗa goon oo toni, waru a ta zami munlu n na maa damma le ili i na a cigai a uwwa.

Titu 2:1

Agba a̱vu, vu damma a̱za̱ e Itoni a yuwan cuꞌun wuma na rotsoi uritosu u saꞌani.

1 Bituru 2:2

I ciga i ꞌyuwan i da̱na̱ a maluwa ma na yoo sowo maani ma akiza ma na ma̱ ri diga uba̱ta̱ wa̱ Ruhu, adama i kungwa nu ucira a̱tsuma̱ e iwawi i ɗu. I saala e izami ya adanshi a̱ A̱sula̱ ununa ba̱ba̱ tsu da̱na̱ e mesun ma maani, adama a na i peɗei isaꞌani yi Zagbain.

2 Yahaya 1:9

Vuma na isawain a̱tsuma̱ o uritosu wa̱ Yesu Zamawawa shi, a̱vu u feletyo, u ri oɓolo na̱ A̱sula̱ shi. Vuma na isawain a̱tsuma̱ o uritosuꞌu u to oɓolo na̱ Dada na̱ Mawun.

Yahuza 1:5

N ciga ta̱ n cuwaan ɗu ni ili i na i revei ɗe: A̱sulazuva a wawa ta̱ ɗe ama a̱ yi a na wu uta̱a̱ nle a̱tsuma̱ a Masar.† Agba a mantsa mo ro reve u lungusa̱ aza a na a ꞌyuwain a̱ usu yi.