1 Timoti 3:8 - Tsishingini

⁸ Ne ɗa waru akambi a azagbain† a̱ a̱a̱ꞌisa̱ a̱ a̱za̱ e Itoni a ciga a ꞌyuwan ama a ca le tsugbain waru a̱ da̱na̱ ama a̱ a̱ɓula̱. She oo oꞌwo ososowi wan, waru a̱a̱ da̱na̱ ni icigi yi ikebe uwuyanu wan.

1 Timoti 3:8 Iomraidhean Croise

Roma 3:13

“A̱ tsu ta̱wa̱ ta̱ nu ukwa̱ adama a adanshi o una̱ u le. Adanshi e le a̱ ta̱ tapu ne epen.” “Ili i na aa dansa a̱ ta̱ gashi tsukono tso yo.”

Filibi 1:1

A̱mu ɗa Bulu, waru Timoti ta̱ pa oɓolo na̱ a̱mu. A̱tsu agbashi e Yesu Kristi Zamawawa ɗa. N ta ɗanasaa azagbain na akambi† a azagbain a̱ a̱a̱ꞌisa̱ a̱ a̱za̱ e Itoni, waru a̱ tyo a̱za̱ e Itoni suru a̱tsuma̱ a̱ Filibi aza a na A̱sula̱ a ɗangwai.

1 Timoti 3:12

Kambi va azagbain va̱ a̱a̱ꞌisa̱ a̱ a̱za̱ e Itoni u ciga u ꞌyuwan wo oꞌwo vali vu ka ta̱. U gura ɓa̱na̱ uꞌwa wa̱ yi ma̱ɓula̱ ulobonu.

1 Timoti 3:2

To, zagbain nu u ciga u ꞌyuwan u yuwan wuma u na ama aa yuwan adanshi a vama adama a̱ yi wan. U ciga u ꞌyuwan woo oꞌwo vali vu ka ta̱. U ciga u ꞌyuwan u goloɓo aciya̱yi, waru u da̱na̱ nu ugbozu. U da̱na̱ na ala a saꞌani. U ka̱lyuwa̱ omocin a na a̱ ta̱wusa̱ o uꞌwa wa̱ yi ulobonu, waru u gura rito ama.

1 Timoti 3:3

She vuma ndolo wo oꞌwo ososowi wan, she u da̱na̱ za vu ulungusu wan. U ciga u ꞌyuwan u da̱na̱ ben. U ꞌyuwan u ciga u ciga nden n lafiya. She wo oꞌwo za vi icigi yi ikebe lon wan.

1 Timoti 5:23

N reve ta̱ vu ta̱ na̱ mɓa̱la̱. Adama o ndolo she vu sowo mini goon wan, amma vu ɓolo yi na̱ masayan ma inabi keꞌen. U ta kamba wu.

Titu 1:7

Ne ɗa waru zagbain u ciga u ꞌyuwan u yuwan wuma u saꞌani adama o ulinga wa̱ A̱sula̱ u na waa yuwusan. U da̱na̱ za vu ugbawu wan, waru u da̱na̱ za vu upan babu usa̱n wan. U ciga u ꞌyuwan u da̱na̱ ososowi wan. She u da̱na̱ za vu ulungusu wan. She wo oꞌwo za vi icigi yi ikebe lon wan.

Titu 2:3

Ne ɗa waru, vu rito a̱ma̱ci a na a paɗuwai esu a yuwan nden n saꞌani n na mu ntsayi aza a na oo tono Zagbain. She a̱ ka̱ra̱ a yuwusan idami ya̱ a̱za̱ e le a̱tsuma̱ a̱ lyuci wan, waru she o oꞌwo ososowi wan. Na a yuwan ne, oo to rito akapi a̱ a̱ma̱ci ili i na i ri ulobonu.

Yakubu 3:10

Ica nu una̱ wu usa̱n, o una̱ u ta̱ u ɗa oo utusa̱, a̱za̱ a̱ va̱, she wo oꞌwo ne wan.

1 Bituru 5:2

I ka̱lyuwa̱ ama a na A̱sula̱ a zuwai e ekere a̱ ɗu, ununa aza a aguɓa a̱ tsu ka̱lyuwusa̱ ikyon i le. I yuwan ne adama a na i cigai, agba she i yuwan adanshawuya wan. I yuwan ne adama a na yaa uwwusa uyoꞌo i yuwaan A̱sula̱ a̱ga̱nda̱. She i yuwan adama e ili yu uvaɗi i na ya̱a̱ tsura̱ wan.