Yoele 3:9 - Setswana 1970

⁹ Tlhabang mokgosi mo ditšhabeng o o reng: Ipaakanyetseng ntwa, tsosang diganka, atamelang lo bolole, lona batlhabani botlhe.

Bibela ea Boitsépho 1890 (Sechuana Tlhaping - Moffatt Bible)

⁹ ¶ Küa se mo meraheñ: Bakanyañ tlabano, cosañ ligañka, a batlabani ba atamele; ba tle botle:

BAEBELE e e Boitshepo

⁹ Bolelang selo se mo merafeng; lo baakanyeng ntwa, tsosang diganka, a batlhabani botlhe ba atamele, ba tlhatloge.

Yoele 3:9 Iomraidhean Croise

Lipesalema 96:10

Buang mo merafeng lo re: “Morena ke kgosi; o thaile lefatshe gore le se tshikinyege; o tla atlhola batho ka tshiamo.”

Yesaye 34:1

Lona ditšhaba, atamelang lo utlwe; lona merafe, tlhokomelang! A go utlwe lefatshe le tse di tletseng mo go lone; a go utlwe naga le tsotlhe tse di melang mo go yona!

Yeremie 31:10

Lona merafe, utlwang Lefoko la Morena, lo le utlwatse kwa ditlhakatlhakeng tse di kgakala lo re: ‘Yo o faladitseng Baiseraele o tla ba phutha gape, a ba disa jaaka modisa a disa letsomane la gagwe.’

Yeremie 50:2

“Tlhabang mokgosi mo ditšhabeng, lo bolele! Emisang sefoka, lo utlwatse! Se lobeng, mme lo re: ‘Babele o thopilwe! Modimo Bele o tlhabisitswe ditlhong, modimo Merotage o pšhwetlakantswe. Ditshwantsho tsa teng di nyatsegile, medimo ya teng e thubakantswe.’

Yeremie 51:11

“Lootsang metsu, lo tsee dithebe! Morena o tlhotlheleditse bogale jwa dikgosi tsa Bamedia; gonne o logetse Babele maano a go mo senya. Gonne ke yona pusoloso ya Morena, ke gona go busolosetsa Tempele ya gagwe.

Yeremie 51:27

“Tlhomang sefoka mo lefatsheng, lo letse lonaka mo ditšhabeng! Baakanyang ditšhaba gore di tlhasele ene Babele. Biletsang magosi a Ararate le a Mini le a Asekenase kwa go ene. Laelang molaodi wa batlhabani go lwa nae. Bolotsang dipitse tse di tshwanang le tsie ya molome.

Yeremie 6:4

Ba re: “Mmaakanyetseng tlhabano! Nanogang, a re bololeng e sa le motshegare! A tatlhego ya rona wee, gonne letsatsi le ngotlegile! Meriti e setse e le meleele.

Esekiele 38:17

Morena Modimo o bua jaana o a re: A ga ke re, ke wena yo ke buileng ka ga gago mo metlheng ya bogologolo ka batlhanka ba me, baporofeti ba Iseraele, ba ba neng ba bolelela pele ka dingwagangwaga tsele ba re: ‘Ke tla go ba bololetsa’?

Esekiele 38:7

Iketleetse, ò ipaakanye, wena le bontsi jotlhe jo bo kgobokanetseng kwa go wena; ò nne molaodi wa bone.

Mike 3:5

“Baporofeti ba ba timetsang morafe wa me, ba e a reng ba fiwa dijo, ba rere kagiso; mme yo o sa lokeleng sepe mo maganong a bone, ba mo tsosetsa ntwa e e boitshepo,” Morena o bua jaana ka ga bona a re:

Hagae 2:7

Le gona ke tla roromisa ditšhaba tse tsotlhe, mme mahumo a a eletsegang a ditšhaba tsotlhe a tla tla; ke tla tlatsa Ntlo e kgalalelo,’ go bua Morena wa masomosomo.

Sekarie 14:2

Gonne ke tla phuthela ditšhaba tsotlhe kwa motseng wa Jerusalema gore di tlhabane le ona. Mme motse o tla thopiwa, matlo a thukhuthwa, basadi ba tlotlololwa. Bontlhanngwe jwa motse bo tla ya mo botshwarong, mme masalela a morafe ga a kitla a nyelediwa mo motseng.”

Sekarie 14:3

Mme Morena o tla bolola, a tlhabana le ditšhaba tseo, jaaka mo letsatsing le o a tleng a lwe ka lone, mo letsatsing la ntwa.