Yoele 3:8 - Setswana 1970

⁸ Mme bomorwaa-lona le bomorwadia-lona ke tla ba rekisa mo Bajuteng, mme bone ba tla ba rekisa mo go Baseba, setšhaba se se kwa kgakala;” gonne Morena o buile jalo.

Bibela ea Boitsépho 1890 (Sechuana Tlhaping - Moffatt Bible)

⁸ Mi ki tla bapatsa bomoroa lona, le bomoroaria lona mo atleñ tsa bana ba Yuda, mi ba tla ba bapatsa go Basabea, morahe o o khakala; gone Yehova o buile.

BAEBELE e e Boitshepo

⁸ Ke tlaa rekisa bana ba lona ba basimane le ba basetsana mo seatleng sa bana ba Juta, mme ba tla ba rekisa mo bathong ba Sheba, mo morafeng o o kwa kgakala; gonne Jehofa o buile.”

Yoele 3:8 Iomraidhean Croise

Yobe 1:15

ke fa ba Seba ba di tlhasela, ba di thopa, ba bolaya batlhanka ka bogale jwa tšhaka. Ke nna ke le nosi fela ke falotseng gore ke go itsise jalo.”

Lipesalema 72:10

Dikgosi tsa Tharesise le tsa ditlhakenyana di tla tsisa dimpho; dikgosi tsa Šeba le Seba di tla ntsha lekgetho.

Yesaye 60:14

Bomorwa bagateledi ba gago ba tla tla, ba go ikobela; botlhe ba ba go kgobileng ba tla go khubamela fa patong tsa dinao tsa gago, ba go bitsa ‘Motse wa Morena’ le ‘Sione wa Moitshepi wa Iseraele’.

Yeremie 30:16

Ka ntlha ya moo go tla jewa botlhe ba ba go jeleng. Botlhe ba ba go pitlagantseng ba tla ya mo botshwarong; ba ba go thopileng ba tla thopiwa; ba ba go thukhuthileng ke tla ba neela bathukhuthi.

Yeremie 6:20

Go fisa maswalo ka matlhare a a tswang kwa Šeba le lotlhaka lo lo nkgang monate lo lo tswang kwa lefatsheng le le kgakala, ke eng mo go nna? Ditlhabelo tsa lona tsa phiso ga di nkgatlhe; ga ke itumelele ditlhabelo tsa lona tse di jewang.”

Esekiele 23:42

Ga utlwala tlhodio ya ba ba tlhapetsweng mo go ene Ohodiba. Matagwa a a tswang kwa nageng a tlisiwa kwa banneng ba ba tswang mo bontsing jwa batho. Banna bao ba rwesa basadi mefitshana mo mabogong le dirwalo tse di galalelang mo ditlhogong.

Esekiele 38:13

Ba Šeba le ba Detane le barekisi ba bone le ba Tharesise le bagale ba bone ba tla go botsa ba re: “A ò tlile go thopa dithoto? A ò kgobokantse bontsi jwa gago go thukhutha dilo le go tsaya selefera le gouta le go thopa diruiwa le khumo le go thopa thopo e kgolo?” ’

Deuteronome 32:30

Mmaba a le mongwe o ka khutšhela jang ba le sekete? Ba le babedi ba ka leleka jang ba le 10 000? Kana ke go re, Lefika la bone le ba rekisitse, Morena o ba latlhile.

Basiamisi 2:14

Morena a tukele Baiseraele bogale, a ba neele mo diatleng tsa bathukhuthi, ba ba thukhuthe dilo, a ba rekise mo diatleng tsa baba ba bone tikologong, mo ba neng ba sa tlhole ba kgona go emelana le baba ba bone.

Basiamisi 4:2

Ke fa Morena a ba rekisa mo diatleng tsa ga Jabine kgosi ya Bakanana, yo mošate wa gagwe e neng e le Hasore. Molaodi wa mephato ya gagwe e ne e le Sisera yo o neng a agile kwa Harošethe wa baheitane.

Basiamisi 4:9

Debora a mo raya a re: “Go siame, ke tla ya nao. Fela foo tlotlo ga e nna ya gago mo tseleng e o e tsamayang; gonne Morena o tla rekisa Sisera mo diatleng tsa mosadi.” Mme Debora a nanoga, a ya le Barake kwa Keteše.