Yoele 3:4 - Setswana 1970

⁴ “Le lona ba Tiro le Sitone le ba dinaga tsotlhe tsa Bafelesita, lo na le kgang efe le nna? A lo rata go mpusetsa se lo se diretsweng, gongwe a lo rata go ntirela bosula? Ke tla busolosetsa ditiro tsa lona mo ditlhogong tsa lona ka bofefo le ka bonako.

Bibela ea Boitsépho 1890 (Sechuana Tlhaping - Moffatt Bible)

⁴ Mi le lona Tsura le Tsidona le meleloane eotle ea Filesitia, lo ’nñoke-tseñ? a lo tla ba lo ’nkhopolola? mi ha lo ka ’nkhopolola, ki tla akoha ki bosetsa khopololo ea lona mo tlogoñ tsa lona ka bonako;

BAEBELE e e Boitshepo

⁴ “Ee, lo a bo lo le eng mo go nna, lona Ture le Sitone, le mafatshe otlhe a Filisitia? A lo tlaa nnaya tuelo? Fa lo mme ntuela ke tlaa busetsa tuelo ya lona ka bofefo le ka bonako mo tlhogong ya lona.

Yoele 3:4 Iomraidhean Croise

2 Litihalo 21:16

Morena a dira jalo, a tsosetsa Jorame bogale jwa Bafelesita le jwa Baarabia ba ba bapileng le Baethiopia.

Yesaye 14:29

“O se ka wa itumela, wena lefatshe lotlhe la Bafelesita, ka thupa e e go iteileng e robilwe! Gonne mo lotsong lwa noga go tla tswa mokopa; leungo la ona e tla nna kgwanyape e e fofang.

Yesaye 34:8

Gonne Morena o beile letsatsi la pusoloso le ngwaga wa tefetso, e le go atlholela Sione.

Yesaye 59:18

O tla busetsa ka fa ditirong. O tla duela ba ba ganetsanyang nae ka kgalefo, baba ba gagwe ka pusoloso, mme ditlhakatlhake o tla di bolaisa se di se jeleng.

Yeremie 47:1

Lefoko la Morena le le tlileng kwa go moporofeti Jeremia ka ga Bafelesita, Farao a ise a thope motse wa Gasa.

Yeremie 47:4

ka ntlha ya letsatsi le le tlang go senya Bafelesita botlhe le go nyeletsa masalela otlhe a a ka thusang Tiro le Sitone. Gonne Morena o tla senya Bafelesita ba e leng masalela a setlhakatlhake sa Khafethore.

Yeremie 51:6

Tshabang lo tswe mo motseng wa Babele! A mongwe le mongwe a ipolokele bophelo jwa gagwe! E se re gongwe lwa nyelediwa ka ntlha ya molato wa ona. Gonne ke sona sebaka sa pusoloso ya Morena. O tla o bolaisa tse o di jeleng.

Yoele 2:10

Lefatshe le roroma fa pele ga bona, magodimo a a tetesela; letsatsi le ngwedi di a fifala, dinaledi di gonyetsa phatsimo ya tsona.

Yoele 2:2

Ke letsatsi la lefifi, la bontsho, ke letsatsi la maru le mouwane; morafe o e tla jaaka mahube a a adilweng mo godimo ga dithaba, ke morafe o mogolo o o thata. Ga go ise go nne teng o o tshwanang le ona go tswa bogologolo. Le gona ga go kitla go nna le o o tshwanang le ona go fitlha dinyageng tsa ditshika tsotlhe.

Mataio 11:21

“A tatlhego ya gago wee, Gorasine! A tatlhego ya gago wee, Betsaita! Gonne fa ditiro tsa nonofo tse di dirilweng mo go lona, di ka bo di dirilwe mo Tiro le Sitone, ba ka bo ba sa bolo go ikwatlhaya, ba apere kgetse, ba ntse mo moloreng.

Mataio 11:22

Mme ke lo raya ke re: E tla re ka letsatsi la katlholo petso ya lona e nne bogale go feta ya Tiro le Sitone.

Luke 10:13

“A tatlhego ya gago wee, Gorasine! A tatlhego ya gago wee, Betsaita! Gonne fa ditiro tsa nonofo tse di dirilweng mo go lona di ka bo di dirilwe mo Tiro le Sitone, ba ka bo ba sa bolo go ikwatlhaya, ba apere lesela la kgetse, ba ntse mo moloreng.

Luke 10:14

Fela petso ya lona mo katlholong e tla feta ya ba Tiro le Sitone.

Luke 18:7

A Modimo ona ga o nke o atlholela baitlhaolelwi ba ona ba ba o tlhaeletsang bosigo le motshegare, gongwe a o ka ba diegela?

Ditiro 9:4

Mme a wela fa fatshe, a utlwa lentswe le mo raya le re: “Saule, Saule, o mpogisetsang?”

Deuteronome 32:35

go ya letsatsing la pusoloso le tefetso, go ya sebakeng se dinao tsa bone di tla thekeselang ka sona? Gonne letsatsi la tatlhego ya bone le gaufi; tse di tla ba welang di a itlhaganela.

2 Batesaloni 1:6

ka gonne go siame mo Modimong gore o busetse ba ba lo pitlaganyang pitlaganyo,

Basiamisi 11:12

Jaanong Ifetha a roma barongwi kwa kgosing ya Baamone a re: “O batlang mo go nna fa o tlile go ntlhabantshetsa lefatshe la me?”