Yoele 2:3 - Setswana 1970

³ O etelelwa pele ke molelo o o jang, o latelwa ke kgabo e e tukang; lefatshe le tshwana le tshimo ya Etene fa pele ga ona, mme fa morago ga ona go sekaka fela se se tobekanyeng. Le gona ga go na sepe se se ka falolang mo go ona.

Bibela ea Boitsépho 1890 (Sechuana Tlhaping - Moffatt Bible)

³ Molelo o nyeletsa ha pele ga lona; mi khabu e tuka morago ga lona: lehatse le cuana le tsimo ea Edena ha pele ga lona, mi le cuana le bogareganaga yoa tsenyego morago ga lona; mi ga go sepe se se tla phelañ go lona.

BAEBELE e e Boitshepo

³ Molelo o laila fa pele ga bone; fa morago ga bone kgabo e a tuka; lefatshe le ntse jaaka tshimo ya Etene fa pele ga bone, mme morago ga bone ke naga e e swafetseng fela. Ee, ga go na sepe se se falotseng mo go bone.

Yoele 2:3 Iomraidhean Croise

Genese 13:10

Ke fa Lote a tsholetsa matlho a bona lebala lotlhe la Joretane e le naga e e nang le metsi yotlhe, e tshwana le tshimo ya Morena le lefatshe la Egepeto go fitlha kwa Soare, Morena a ise a senye Sotoma le Gomora.

Genese 2:8

Jaanong Morena Modimo wa dira tshimo kwa Etene mo ntlheng ya botlhabatsatsi, wa baya motho teng yo o mmopileng.

Lipesalema 50:3

Modimo wa rona o e tla, mme ga o ka ke wa didimala; molelo o o nyeletsang o fa pele ga ona, mo tikologong ya ona go suma phefo e kgolo.

Lipesalema 97:3

Molelo o mo eteletse pele; o nyeletsa baba ba gagwe tikologong.

Ekesodo 10:15

Ya khurumetsa lefatshe lotlhe, mo lefatshe le se kang la tlhola le bonala; ya ja dimela tsotlhe tsa lefatshe le maungo otlhe a ditlhare tse di sadisitsweng ke sefako; ga se ka ga sala botala bope mo ditlhareng le mo go tse di medileng tsa naga mo lefatsheng lotlhe la Egepeto.

Ekesodo 10:5

E tla khurumetsa lefatshe lotlhe, fa motho a tla beng a palelwe ke go bona mmu; e tla ja masalela a a setseng a lo a tlogeletsweng ke sefako, e ja ditlhare tsotlhe tse di lo ungwelang kwa nageng.

Yesaye 14:17

Yo o neng a fetola lefatshe sekaka, a ribegetsa metse ya lone, a sa golole batshwarwi ba gagwe gore ba boele kwa gae?’

Yesaye 15:6

Ijoo! Metsi a Nimerime a fetoga sekaka. Ijoo! Bojang bo a swaba, merogo e a fela, ga go tlhoge botala bope.

Yesaye 33:4

Mme thopo e tla phuthwa jaaka molome o phutha. Ba sianela teng jaaka tsie e siana.

Yesaye 51:3

“Gonne Morena o gomotsa Sione, o gomotsa marope otlhe a gagwe. O tla fetola sekaka sa gagwe tshimo ya Etene le naga ya gagwe tshimo ya Morena. Lethabo le boitumelo di tla fitlhelwa teng, le difela tsa pako le melodi ya dikopelo.

Yesaye 9:18

Gonne boikepo bo tuka jaaka molelo o o jang mesu le ditshetlho; bo tshuba dikhu, di be di tlhatloga e le dipinagare tsa musi.

Yesaye 9:19

Bogale jwa Morena wa masomosomo bo tshubile molelo, morafe e kete o jewa ke molelo; ga go ope yo o rekegelang mongwe-ka-ene.

Yeremie 5:17

Ba tla ja kotulo ya gago le dijo tsa gago, ba fedisa bomorwao le bomorwadio, ba ja dinku tsa gago le dikgomo tsa gago, ba ja moweine wa gago le difeie tsa gago; metse e e femetsweng e o e ikanyang ba tla e thuba ka tšhaka.

Esekiele 36:35

Ba tla re: Lefatshe le, le le neng le sentswe, le fetogile, le tshwana le tshimo ya Etene. Metse e, e e neng e le marope fela, e sentswe, e rutlilwe, jaanong e agilwe e femetswe sentle gape, e na le batho.

Amose 7:4

Morena Modimo a ba a ntshupetsa jaana: Ka bona Morena Modimo a bitsa molelo go seka ka ona, mme molelo wa kgadisa morwalela o mogolo, wa ba wa ja tshimo.

Habakuke 1:6

Gonne bonang, ke tla tsosa Bakalatea ba e leng setšhaba se se galakang, se se gaketseng, se se ralalang boatlhamo jwa lefatshe go thopa maago a e seng a sona;

Sekarie 7:14

“Mme ka ba falaletsa kwa ditšhabeng tsotlhe tse ba neng ba sa di itse jaaka ka ledimo, lefatshe la sala le fetotswe sekaka kwa morago ga bona, go se yo o tsamayang le yo o boang. Lefatshe le lentlentle ba le fetotse sekaka ka go dira jalo.”