Yoele 2:1 - Setswana 1970

¹ Letsang lonaka mo Sione, opang mokgosi mo thabeng e e boitshepo ya me, lo rorome, baagi botlhe ba lefatshe; gonne letsatsi la Morena le e tla, le gaufi.

Bibela ea Boitsépho 1890 (Sechuana Tlhaping - Moffatt Bible)

¹ LETSAÑ terompeta mo Tsiona; mi letsañ mokhosi mo thabeñ ea me ea boitsepho: a banni botle ba lehatse ba huruioe: gone tsatsi ya ga Yehova le etla, le gauhe;

BAEBELE e e Boitshepo

¹ Letsang lonaka mo Sione, lo openg mokgosi wa tshoso mo thabeng ya me e e boitshepo; a banni botlhe ba lefatshe ba rorome; gonne motlha wa ga Jehofa o etla, gonne o fa gaufi.

Yoele 2:1 Iomraidhean Croise

1 Litihalo 15:28

Baiseraele botlhe ba ne ba etleetsa Letlole la Kgolagano ya Morena ka tuduetso le tumo ya dinaka le ka diphala le ka matlhao-a-mabogo, ba ntse ba utlwatsa ditumo tsa diharepa le dikwadi.

Lipesalema 119:120

Mmele wa me o roromisiwa ke go go tshaba; ke boifa dikatlholo tsa gago.

Lipesalema 87:1

Pesalome ya boora Kora. Sefela. Metheo e e mo dithabeng tse di boitshepo, Morena o a e rata.

Ekesodo 10:14

Tsie ya tlala ka lefatshe lotlhe la Egepeto, ya nna mo nageng yotlhe eo, e le segopa se segolo thata, se pele ga sona go iseng go ke go tle tsie e e kana ka yona; le gona morago ga sona ga e kitla e tlhola e tla gape e le kalo.

Yesaye 13:6

Bokolelang, gonne letsatsi la Morena le gaufi, le tla jaaka kgatelelo e e tswang mo go Mong-wa-thata-yotlhe.

Yesaye 13:9

Bonang, letsatsi la Morena le tla le le setlhogo, e le la kgalefo le bogale jo bo tukang go fetola lefatshe sekaka le go nyeletsa baleofi ba ba mo go lone.

Yesaye 2:12

Gonne Morena wa masomosomo o beile letsatsi la go busolosa boikgantsho le boikgogomoso jotlhe le boikgodiso jotlhe gore di kokobediwe;

Yesaye 66:2

Ke seatla sa me se se dirileng dilo tsotlhe tse; dilo tsotlhe tsa tlholega jalo, go bua Morena. Mme yo ke tla mo lebang, ke yo o bogisegang, yo o mowa o sugegileng, yo o boifang lefoko la me.

Yesaye 66:5

Utlwang lefoko la Morena, ba lo boifang lefoko la gagwe! “Go buile bomorwa-rraalona ba ba lo tlhoang, ba ba lo lelekang ka ntlha ya leina la me, ba re: ‘A Morena a ikgalaletse gore re bone boitumelo jwa lone!’ – Mme ba tla tlhajwa ke ditlhong.

Yeremie 16:10

“Jaanong e re o sena go itsise morafe o mafoko aotlhe a, mme ba go botsa ba re: ‘Ke ka ntlhaang, fa Morena a re atlholetse dipetso tsotlhe tse dikgolo tse? Molato wa rona ke eng?’ Maleo a rona ke afe a re leofetseng Morena, Modimo wa rona, ka ona?

Yeremie 16:7

Ga ba nke ba apeela yo o hutsafalang dijo go mo gomotsa ka ga moswi le e seng go mo gela metsi a matshediso ka ntlha ya ga rraagwe gongwe mmaagwe.

Yeremie 4:5

Itsiseng mo Juta, utlwatsang mo Jerusalema lo re: “Letsang lonaka mo lefatsheng, lo tlhabe mokgosi o mogolo lo re: ‘Phuthegang, a re tshabeleng kwa metseng e e femetsweng!’

Yeremie 5:22

A ga lo a tshwanela go mpoifa?” go botsa Morena. “A ga lo a tshwanela go tetesela fa pele ga sefatlhego sa me? Kana ke dirile motlhaba molelwane wa lewatle, e le logora lo lo sa khutleng, lo le sa lo tloleng; le fa le huduega, ga le kgone sepe; le fa dintelo tsa lone di suma, ga di lo tlole.

Esekiele 12:23

Ka moo ba ree o re: ‘Morena, Modimo wa Iseraele, o bua jaana a re: Ke tla khutlisa puo eo gore ba se ka ba tlhola ba e bua mo Baiseraeleng. Nnyaya!’ Mme o ba ree o re: ‘Malatsi a atametse a tsholofetso nngwe le nngwe e tla dirafalang ka ona.

Esekiele 21:12

Goa, o bokolele, wena morwa-motho, gonne e tla bolaya morafe wa me le dikgosana tsotlhe tsa Iseraele; di neetswe mo tšhakeng mmogo le morafe wa me. Ka moo o itshware seledu.

Esekiele 30:3

Gonne letsatsi le gaufi, ruri, letsatsi la Morena le gaufi, letsatsi la maru! E tla nna sebaka sa go atlhola ditšhaba.

Esekiele 33:3

ene fa a bona tšhaka e tlela lefatshe leo, o tla letsa lonaka, a tlhagisa morafe.

Esekiele 33:6

Mme fa motlhodi a bona tšhaka e tla, a sa letse lonaka; fa morafe o sa tlhagisiwe, mme tšhaka e tla, e bolaya mongwe wa ona, ene yo, o tla bo a bolailwe ka ntlha ya molato wa gagwe, mme madi a gagwe ke tla a lopa mo diatleng tsa motlhodi.’

Esekiele 7:10

“Letsatsi ke leo, bonang, le e tla; phetogo e bolotse, thupa e tswa dithunya, boikgantsho bo a tlhoga.

Esekiele 7:12

“Sebaka se tlile, letsatsi le atametse. A moreki a se ka a itumela! A morekisi a se ka a hutsafala! Gonne bogale jwa Modimo bo senya dilo tsotlhe tsa teng.

Daniele 6:26

Molao o beilwe ke nna o o reng: A batho ba rorome fa pele ga Modimo wa ga Daniele, ba o boife mo pusong yotlhe ya bogosi jwa me! “Gonne ke ona Modimo o o phelang, o o tlhomameng ka bosakhutleng. Bogosi jwa ona ke jo bo sa senyegeng; puso ya ona ga e fele.

Daniele 9:16

Morena, ka ntlha ya bopelotlhomogi jotlhe jwa gago, a bogale jwa gago le kgalefo ya gago di tloge mo Jerusalema, motseng wa gago, le mo thabeng e e boitshepo ya gago. Gonne Jerusalema le rona batho ba gago re kgobiwa ke botlhe ba ba mo tikologong ya rona ka ntlha ya maleo a rona le ka ntlha ya melato ya borraetsho.

Daniele 9:20

E rile ke sa ntse ke bua jalo, ke rapela, ke ipobola boleo jwa me le boleo jwa Baiseraele, morafe wa ga etsho, ke baya morapelo wa me fa pele ga Morena, Modimo wa me, ka ntlha ya thaba e e boitshepo ya Modimo wa me;

Hoshee 5:8

Letsang lonaka kwa Gibea le phala kwa Rama, lo tlhabe mokgosi kwa Bethawene! Gadima kwa morago, Benyamene!

Hoshee 8:1

“Tsenya lonaka mo molomong! Go fologelwa mo Ntlong ya Morena jaaka ntsu, ka ba sentse kgolagano ya me, e bile ba tlodile molao wa me.

Yoele 1:15

Joo, letsatsi le, wee! Gonne letsatsi la Morena le gaufi; le tla tla jaaka kgatelelo e e tswang mo go Mong-wa-thata-yotlhe.

Yoele 2:11

Mme Morena o dumisa kodu ya gagwe fa pele ga lesomo la ntwa la gagwe; gonne lesomo la ntwa la gagwe le legolo thata. Ee, yo o dirafatsang lefoko la gagwe o thata; gonne letsatsi la Morena le legolo, le boitshega thata. Ke mang yo o ka le itshokelang?

Yoele 2:15

Letsang lonaka mo Sione, bayang sebaka sa go itima go ja, bitsang phuthego!

Yoele 2:31

Letsatsi le tla fetoga lefifi, ngwedi o tla fetoga madi, go ise go tle letsatsi la Morena le legolo, le le boitshegang.

Yoele 3:14

A bontsintsi jwa batho mo mokgatsheng wa katlholelo! Gonne go atametse letsatsi la Morena mo mokgatsheng wa katlholelo.

Yoele 3:17

“Mme lo tla itse, fa ke le Morena, Modimo wa lona, yo ke agileng mo Sione mo thabeng e e boitshepo ya me; foo Jerusalema e tla nna felo fa go boitshepo; ga go kitla go tlhola go ralalwa ke baeng.

Amose 3:6

Gongwe a go ka lediwa lonaka fela mo motseng, batho ba sa tshoge? A kotsi e ka dirafalela motse e Morena a sa e dirafatsang?

Amose 5:18

A tatlhego ya bone wee, ba ba eletsang letsatsi la Morena! Kana letsatsi la Morena le tla nna jang mo go lona? Le tla nna lefifi, e seng lesedi!

Amose 8:2

Mme a re: “O bona eng, Amose?” Ka re: “Ke bona tlatlana e e nang le maungo a letlhafula.” Ke fa Morena a nthaya a re: “Bokhutlo bo gorogetse morafe wa me wa Iseraele; ga nkitla ke tlhola ke ba rekegela.

Obadie 1:15

“Gonne letsatsi la Morena la go atlhola ditšhaba tsotlhe le gaufi: O tla direlwa jaaka o dirile, tiro ya gago e tla boela mo tlhogong ya gago.

Sefanya 1:14

Letsatsi le legolo la Morena le gaufi; le gaufi, le atamela ka pele thata; utlwa, ke letsatsi la Morena! Mogale ke yole, o goa ka bogalaka!

Sefanya 1:16

ke letsatsi la modumo wa lonaka le mokgosi wa ntwa kgatlhanong le metse e e femetsweng le dirala tsa batlhodi tse di mo godimo ga dipota.

Sefanya 1:7

Didimalang fa pele ga Morena Modimo, gonne letsatsi la Morena le gaufi; Morena o baakantse setlhabelo, a itshepisa balalediwi ba gagwe.

Sefanya 3:11

Ka letsatsi leo ga o nke o tlhajwa ke ditlhong ka ntlha ya ditiro tsotlhe tsa gago tse o nteofetseng ka tsona; gonne foo ke tla bo ke tlositse ba ga eno ba ba duduetsang ka boikgantsho mo go wena gore o se ka wa tlhola o ikgodisa mo thabeng e e boitshepo ya me.

Sekarie 14:1

“Bonang, letsatsi la Morena le e tla, le ba tla abelanang tse di thopilweng mo go wena, Jerusalema, ka lone, mo teng ga gago.

Sekarie 8:3

Morena o bua jaana a re: ‘Ke boela kwa Sione, ke tla aga mo gare ga Jerusalema, mme Jerusalema o tla bidiwa motse wa boammaaruri, thaba ya Morena wa masomosomo e bidiwa thaba e e boitshepo.’

Malakie 4:1

“Gonne bonang, letsatsi le e tla le le tukang jaaka leiso, mme botlhe ba ba ikgogomosang le ba ba dirang tsa boikepo ba tla nna dirite; letsatsi le le tlang le tla ba fisa, le sa ba tlogelele modi le e seng kala,” go bua Morena wa masomosomo.

Lipalo 10:2

“Itirele diphala di le pedi tsa selefera, o di dire ka selefera e e batotsweng. O di dirise go bitsa phuthego le go e hudutsha mo mathibelelong.

Lipalo 10:3

E ne e re ba di letsa, phuthego yotlhe e phuthegela kwa go wena kwa mojakong wa Tente ya Boipontsho.

1 Bakorinta 14:8

Kana fa lonaka lo ka ntsha modumo o o sa utlwaleng, ke mang yo o ka iketleeletsang go ya ntweng?

Bafilipi 2:12

Jaanong, baratwi ba ka, ba lo ntseng lo utlwa ka metlha, e seng fela fa ke le teng, mme bogolo bogolo jaanong ke se yo, ipatleleng phologo ya lona ka poifo le thoromo;

1 Batedaloni 5:2

gonne lona ka losi lo itse sentle gore letsatsi la Morena le tla tla fela jaaka legodu bosigo.

Jakobe 5:8

Le lona nnang pelotelele, lo tiise dipelo tsa lona, ka go tla ga Morena go le gaufi.

1 Petero 4:7

Bokhutlo jwa dilo tsotlhe bo atametse. Jaanong nnang tekano, lo iphe nako go rapela.

Tshenolo 6:17

ka gonne letsatsi le legolo la bogale jwa gagwe le fitlhile; ke mang yo o nonofileng go ka ema?”