Yoele 1:4 - Setswana 1970

⁴ Se se tlogetsweng ke boijane se jewa ke segongwane; se se tlogetsweng ke segongwane sa jewa ke molome; se se tlogetsweng ke molome sa jewa ke tsie.

Bibela ea Boitsépho 1890 (Sechuana Tlhaping - Moffatt Bible)

⁴ Se mogokoñ o se sarisitseñ boiyane bo se yele; mi se boiyane bo se sarisitseñ tsie e se yele; mi se tsie e se sarisitseñ molome o se yele.

BAEBELE e e Boitshepo

⁴ Se mogokong o se tlogetseng, tsie e se jele; se tsie e se tlogetseng, boijane bo se jele; se boijane bo se tlogetseng, seboko se se jele.

Yoele 1:4 Iomraidhean Croise

1 Likhosi 8:37

“E re fa go le tlala mo lefatsheng, fa go le leroborobo, fa go le phori gongwe mongadule gongwe boijane gongwe tsie, fa mmaba wa morafe a o dikanyetsa ka ntwa mo lefatsheng kwa go nngwe ya dikgoro tsa ona, le fa go le pogo efe gongwe bolwetse bofe,

2 Litihalo 6:28

“E re fa go le tlala mo lefatsheng, fa go le leroborobo, fa go le phori gongwe mongadule gongwe boijane gongwe tsie, fa mmaba wa morafe a o dikanyetsa ka ntwa mo lefatsheng kwa go nngwe ya dikgoro tsa ona, le fa go le pogo efe gongwe bolwetse bofe,

2 Litihalo 7:13

Fa ke tswala legodimo, mme go se na pula, gongwe fa ke laela tsie go ja lefatshe, gongwe fa ke romela leroborobo mo morafeng wa me,

Lipesalema 105:34

A laela, mme ga tla tsie ya segongwane le molome e e se nang palo.

Lipesalema 78:46

Thobo ya bona wa e naya segongwane, le leungo la matsapa a bona wa le naya tsie.

Ekesodo 10:4

Gonne fa o gana go naya morafe wa me tsela, ke tla tlisa tsie mo nageng ya gago kamoso.

Ekesodo 10:5

E tla khurumetsa lefatshe lotlhe, fa motho a tla beng a palelwe ke go bona mmu; e tla ja masalela a a setseng a lo a tlogeletsweng ke sefako, e ja ditlhare tsotlhe tse di lo ungwelang kwa nageng.

Yesaye 33:4

Mme thopo e tla phuthwa jaaka molome o phutha. Ba sianela teng jaaka tsie e siana.

Yeremie 51:14

Morena wa masomosomo o ikanne ka bophelo jwa gagwe a re: ‘Ruri, ke tla go tlatsa batho jaaka tsie; ba tla go tlhabela mokgosi jaaka fa go gatwa maungo a moweine.’ ”

Yeremie 51:27

“Tlhomang sefoka mo lefatsheng, lo letse lonaka mo ditšhabeng! Baakanyang ditšhaba gore di tlhasele ene Babele. Biletsang magosi a Ararate le a Mini le a Asekenase kwa go ene. Laelang molaodi wa batlhabani go lwa nae. Bolotsang dipitse tse di tshwanang le tsie ya molome.

Yoele 2:25

Ke tla lo busetsa tsa dinyaga tsele tse di jelweng ke boijane le segongwane le molome le tsie, e leng lesomo le legolo la me le ke neng ke le rometse kwa go lona.

Amose 4:9

“Ke lo beditse ka phori le ka mongadule mo mabeleng; le gona tsie e jele masimo a lona le masimo a meweine a lona le ditlhare tsa difeie le tsa diolefa tsa lona gantsi, mme ga lo a ka lwa boela kwa go nna,” go bua Morena.

Amose 7:1

Morena Modimo o ne a ntshupetsa jaana: Ka mmona a bopa tsie, fa bojang jwa morago bo simolola go tlhoga; kana ke bojang jwa morago, fa kgosi e sena go segelwa.

Malakie 3:11

“Mme ke tla thibela seji mo go lona gore se se ka sa lo senyetsa dijwalo tsa masimo; le gona setlhare sa moweine ga se kitla se tlhoka go lo ungwela,” go bua Morena wa masomosomo.

Deuteronome 28:38

“O tla jwala peo e ntsi kwa tshimong, mme o roba dijo di se kae fela; gonne di tla jewa ke tsie.

Deuteronome 28:42

Ditlhare tsotlhe tsa gago le maungo a masimo a gago e tla nna tsa tsie.