Yehoshue 8:1 - Setswana 1970

¹ Morago ga moo Morena a raya Jošua a re: “Se boife o se tshoge! Tsaya banna botlhe ba batlhabani, ba ye nao; o tloge o ye kwa Ai. Bona, ke neetse kgosi ya Ai mo diatleng tsa gago le morafe wa yona le motse wa yona le naga ya yona.

Bibela ea Boitsépho 1890 (Sechuana Tlhaping - Moffatt Bible)

¹ MI Yehova a raea Yehoshue, U si boihe, mi u si rerege: tsaea batlabani botle nau, mi nanoga, ea Ai: bona, ki tsentse khosi ea Ai, le bathu ba eona, le motse oa eona, le lehatsi ya eona, mo atlen sa gago.

BAEBELE e e Boitshepo

¹ Jehofa a raya Jošua a re: “Se boife, le gone o se ka wa tseana; tsaya batho botlhe ba ntwa, o nanoge o ye kwa Ai; bona, kgosi ya Ai ke e tsentse mo seatleng sa gago, le batho ba yone, le motse wa yone, le lefatshe la yone.

Yehoshue 8:1 Iomraidhean Croise

Lipesalema 27:1

Pesalome ya ga Dafita. Morena ke lesedi la me le pholoso ya me; ke tla boifa mang? Morena ke botshabelo jwa bophelo jwa me; ke tla tshoga mang?

Lipesalema 44:3

O lelekile merafe ka letsogo la gago, mme bona wa ba tlhoma; o sentse ditšhaba, mme bona wa ba anamisa.

Lipesalema 46:11

“Khutlang lo itse, fa ke le Modimo; ke mogolo mo merafeng, ke mogolo mo lefatsheng.”

Yesaye 12:2

Bonang, Modimo ke pholoso ya me. Ke tla o ikanya, ke sa boife sepe. Gonne Modimo Morena ke thata ya me le sefela sa me, o bile o diregile pholoso ya me.”

Yesaye 43:2

Fa o tshela metsi, ke na nao; le dinoka, ga di na go go tsaya. Fa o ralala molelo, ga o nke o šwa; kgabo ga e nke e go fisa.

Yeremie 46:27

“Mme wena Jakobe, motlhanka wa me, se boife; wena, Iseraele, se tshoge! Gonne bona, ke tla go pholosa o le kwa kgakala, le ba losika lwa gago mo lefatsheng la botshwaro jwa bone. Jakobe o tla boa, a thagama, a iketla, go se na yo o mo tshosang.

Yeremie 49:3

“Goa, wena Hešebone, gonne Ai o sentswe! Bokolelang, lona metsana ya Raba, lo apare masela a bohutsana, lo lelele baswi, lo kgarakgatshege mo dipoteng, gonne Milekome o tla ya mo botshwarong mmogo le baperesiti ba gagwe le dikgosana tsa gagwe.

Daniele 2:21

O fetola metlha le dinako; dikgosi o a di tlosa, dikgosi o a di tlhoma. O naya batlhalefi botlhale; ba ba nang le tlhaloganyo o ba nee kitso.

Daniele 4:25

Wena o tla lelekwa mo bathong, o nna le diphologolo tsa naga, o fudisiwa bojang jaaka dikgomo, o kolobediwa ke monyo wa legodimo, o fetwa ke dipaka tse supa go fitlhelela o itse, fa Mogodimodimo a na le thata mo bogosing jwa motho, a bo neela yo a ratang go bo mo neela.

Daniele 4:35

Baagi botlhe ba lefatshe ga ba kaiwe sepe. O direla mophato wa legodimo le baagi ba lefatshe ka fa a ratang ka teng. Ga go na ope yo o ka thibelang letsogo la gagwe, gongwe yo o ka mo arabisang a re: ‘O dirang?’

Mataio 8:26

A ba raya a re: “Lo boifelang, ba tumelonyana ke lona?” Ke fa a tsoga, a kgalemela diphefo le letsha, ga ba ga nna tidimalo e kgolo.

Deuteronome 1:21

Bonang, ke lone lefatshe le Morena, Modimo wa lona, o le lo neileng. Bololang lo le thope jaaka Morena, Modimo wa borraeno, a lo solofeditse. Se boifeng, lo se tshoge!’

Deuteronome 31:8

Morena ke ene yo o tla go etelelang pele, o tla nna nao. Ga a kitla a go hularela le e seng go go tlogela. O se ka wa boifa le e seng go tshoga.”

Deuteronome 7:18

Se di boife, mme o nne o gopole tse Morena, Modimo wa gago, a di diretseng Farao le Baegepeto botlhe

Deuteronome 7:21

O se ka wa ba tshoga; gonne Morena, Modimo wa gago, o na nao e le Modimo o mogolo o o boitshegang.

Yehoshue 1:9

Kana ke go laetse ka re: Tia o nne pelokgale! Ka moo se rerege, o se kgobege marapo. Gonne Morena, Modimo wa gago, o na nao gongwe le gongwe kwa o tla yang teng.”

Yehoshue 10:7

Ke fa Jošua a bolola, a tswa kwa Gilegala, ene le banna botlhe ba batlhabani nae le bagale botlhe ba mephato.

Yehoshue 10:8

Le gona Morena a raya Jošua a re: “Se ba boife, gonne ke ba neetse mo diatleng tsa gago. Ga go na ope mo go bone yo o tla emang fa pele ga gago.”

Yehoshue 2:24

Ba raya Jošua ba re: “Ruri, Morena o neetse lefatshe lotlhe mo diatleng tsa rona; le gona baagi botlhe ba lefatshe leo ba nyemile moko ba a re tshaba.”

Yehoshue 6:2

Mme Morena a raya Jošua a re: “Bona, ke neetse Jerigo mo diatleng tsa gago le kgosi ya gagwe le bagale ba mephato.

Yehoshue 7:9

Kana Bakanana le baagi botlhe ba lefatshe le ba tla utlwa; mme ba tla tla go re dikanyetsa, ba fedisa leina la rona mo lefatsheng. Foo o tla direla leina le legolo la gago eng?”