Yehoshue 13:3 - Setswana 1970

³ go tloga kwa nokeng ya Sigore e e fa thoko ga Egepeto go ya kwa nageng ya Ekerone kwa bokone e e balelwang Bakanana e bong naga ya dikgosi tse tlhano tsa Bafelesita ya Gasa le ya Ašetote le ya Ašekalone le ya Gathe le ya Ekerone, le dinaga tsa Baawi

Bibela ea Boitsépho 1890 (Sechuana Tlhaping - Moffatt Bible)

³ Go simolola ka Sihora, o o ha pele ga Egepeto, le kua moleloaneñ oa Ekerona, eintleñ ea Noreta, e e kaioañ ea Bakanana: eboñ khosana li faeve tsa Bafiliseta; eboñ Bagasa, le Baashedoda, le Baeshekelona, le Bagita, le Baekerona, le Baava:

BAEBELE e e Boitshepo

³ go tswa Shihore o o amanang le Egepeto, go ya fela kwa molelwaneng wa Ekerone ntlheng ya botsheka, o o balelwang Bakanana; barena ba batlhano ba Bafilisitia; Bagasa, le Baašetote, le Baašekelone, le Bagite le Baekerone;

Yehoshue 13:3 Iomraidhean Croise

Genese 10:6

Mme bomorwa Hame ke Khuše le Miseraime le Phute le Kanana.

Genese 15:18

Ka letsatsi leo Morena a dira kgolagano le Aborame a re: “Lefatshe le ke tla le naya losika lwa gago go simolola kwa nokeng ya Egepeto go fitlha kwa nokeng e kgolo, nokeng ya Ferathe,

1 Likhosi 8:65

Le gona ka sebaka seo Salomo a dira moletlo le Baiseraele botlhe e le phuthego e kgolo, ba tswa mo lefatsheng lotlhe go simolola ntlheng ya Hamathe go ya go fitlha kwa molatswaneng wa Egepeto, ba le fa pele ga Morena, Modimo wa rona, malatsi a supa le malatsi a supa gape, e le malatsi a le 14 mmogo.

1 Litihalo 13:5

Ke fa Dafita a kgobokanya Baiseraele botlhe go tloga nokeng ya Sigore ya Egepeto go ya go fitlha kwa Hamathe gore ba tsee Letlole la Modimo kwa Khiriathe-Jearime.

Yesaye 23:3

Dijwalo tsa kwa Sigore, e bong kotulo ya noka ya Nile, di ne di tle di tsamaisiwe mo metsing a magolo; e ne e le papalo ya ona, wa nna marekelo a ditšhaba.

Yeremie 2:18

Jaanong go ya kwa Egepeto le go nwa metsi a Nile go go thusa eng? Go ya kwa Asiria le go nwa metsi a Ferathe go go thusa eng?

Deuteronome 2:23

Le Baawi ba ba neng ba agile mo metsaneng go fitlha kwa Gasa ba nyeleditswe jalo. Bakhafethori ba ba tswang kwa Khafethore ba ne ba ba nyeletsa, ba nna teng mo boemong jwa bone. )

Yehoshue 13:13

Fela Baiseraele ga ba a ka ba leleka Bakesure le Bamaagatha, mme Bakesure le Bamaagatha ba ntse ba agile mo gare ga Baiseraele go fitlha letsatsing leno.

Basiamisi 16:5

Dikgosana tsa Bafelesita tsa tla kwa go ene, tsa mo raya tsa re: “Mo tlakise gore o lemoge kwa thata e kgolo ya gagwe e tswang teng le ka fa re ka mo kgonang ka teng gore re tle re mo golege, re mo fenye. Foo mongwe le mongwe wa rona o tla go naya diselefera di le 1 100.”

Basiamisi 3:3

Ke dikgosi tse tlhano tsa Bafelesita le Bakanana le Basitone le Bahewi botlhe ba ba neng ba agile kwa dithabeng tsa Lebanone go tswa thabeng ya Baale-Heremone go ya go fitlha kwa Hamathe.

1 Samuele 5:1

Bafelesita ba ne ba tsaya Letlole la Modimo kwa Ebenesere, ba le isa kwa Ašetote.

1 Samuele 5:10

Ke fa ba romela Letlole la Modimo kwa Ekerone. Mme ya re Letlole la Modimo le fitlha kwa Ekerone, ba Ekerone ba goa ba re: “Ba tlisitse Letlole la Modimo wa Iseraele kwa go rona go re bolaya le morafe wa rona.”

1 Samuele 5:8

Jaanong ba roma, ba phuthela dikgosana tsotlhe tsa Bafelesita kwa go bone ba re: “Re ka dira eng ka Letlole la Modimo wa Iseraele?” Tsa re: “A Letlole la Modimo wa Iseraele le isiwe kwa Gathe.” Ke fa ba le isa teng.

1 Samuele 6:4

Ba botsa ba re: “Setlhabelo sa molato re ka o ntshetsa se se ntseng jang?” Ba re: “A e nne ditlhagala di le tlhano tsa gouta le dipeba di le tlhano tsa gouta ka fa palong ya dikgosana tsa Bafelesita, gonne petso e lo wetse le dikgosana tsa lona ka go tshwana.