Ruthe 4:6 - Setswana 1970

⁶ Ke fa mogolodi yoo a re: “Ke palelwa ke go e ithekololela, e se re gongwe ka senya boswa jwa me. E ithekololele e ke neng ke tshwanetse go e rekolola; gonne ke a palelwa.”

Bibela ea Boitsépho 1890 (Sechuana Tlhaping - Moffatt Bible)

⁶ Mi morekolori a re, Ga ’nkake ka le ithekolola, gore e si re khotsa ka senya boshua yoa me: u ithekololele thekololo ea me: gone ga ’nkake ka e rekolola.

BAEBELE e e Boitshepo

⁶ Monna wa losika yo o gaufi, a re: “Ga nkake ka se ithekololela, nka tla ka senya jo e leng boswa jwa me; o itseele tshiamo ya me ya go rekolola; gonne nna ga nkake ka se rekolola.”

Ruthe 4:6 Iomraidhean Croise

Genese 38:8

Ke fa Juta a raya Onane a re: “Tsena kwa mosading wa ga mogoloo, o mo nyale ka fa tshwanelong ya monnaa-motho, o tsalele mogoloo.”

Levitiko 25:25

E re fa wa ga eno a humanegile, a ba a rekisa sengwe sa boswa jwa gagwe, a go tle mogolodi wa gagwe yo o gaufi nae losikeng, a rekolole se se rekisitsweng sa wa ga gabo.

Deuteronome 25:7

Mme fa monna yoo a sa rate go tsaya motlholagadi wa ga morwa-rraagwe, a motlholagadi wa ga morwa-rraagwe a ye kwa lekgotleng kwa bagolong, a bolele a re: ‘Morwa-rraagwe monna wa me o ganne go tsosetsa morwa-rraagwe leina mo go Iseraele; ga a rate go ntlhatswa jaaka e le tshwanelo.’

Deuteronome 25:8

Jaanong a bagolo ba motse wa ga gabo ba mmitse, ba bue nae. Mme fa a tlhomamisa a re: ‘Ga ke rate go mo tlhatswa,’

Deuteronome 25:9

gona a motlholagadi wa morwa-rraagwe a mo atamele mo matlhong a bagolo, a mo role setlhako mo lonaong, a mo kgwele mathe mo sefatlhegong, a fetole a re: ‘Monna yo o ganang go aga ntlo ya ga morwa-rraagwe o tla direlwa jalo.’

Ruthe 2:20

Mme Naomi a raya ngwetsi wa gagwe a re: “A a tshegofadiwe ke Morena yo o se kang a tlhokisa baphedi le baswi lorato lwa gagwe!” Naomi a ba a mo raya a re: “Monna yoo ke wa ga etsho; ke mongwe wa bagolodi ba rona.”

Ruthe 3:13

Lala fano bosigong jono. E re mo mosong, fa a ka go golola, go siame, a a go golole! Mme fa a sa kgatlhwe ke go go golola, foo nna – ka bophelo jwa Morena – ke tla go golola! Robala fano go ya mosong.”

Ruthe 3:9

A botsa a re: “O mang?” A araba a re: “Ke nna Ruthe, lelata la gago; phuthololela lelata la gago diphuka tsa gago; gonne ke wena mogolodi.”