Obadie 1:5 - Setswana 1970

⁵ “Fa magodu a tla kwa go wena, le fa e le dinokwane bosigo – kana o nyalediwa jang! – ga ke re, ba tla utswa ka fa go ba lekanyeng ka teng? Fa bafudi ba maungo a moweine ba tla kwa go wena, ga ke re, ba tla tlogela maronopo?

Bibela ea Boitsépho 1890 (Sechuana Tlhaping - Moffatt Bible)

⁵ Ha magoru a ko a tla go lona, khotsa basenyi ka bosigo, (lo sencoe yañ!) a ba ko ba sa ucue ba tsamaea ba lekañoa? ha bahuri ba mevina ba ko ba tla go lona, a ga ba ko ba sarisa maburuco?

BAEBELE e e Boitshepo

⁵ Fa magodu a ka tla mo go wena, le fa e le dinokwane bosigo (ana o ka bo o kgaotswe jang!) a ba ne ba se ketla ba utswa go tsamaya ba kgora? Fa bahudi ba difine ba ka tla mo go wena, a ba ne ba se ketla ba sia maronopo mangwe a difine.

Obadie 1:5 Iomraidhean Croise

2 Samuele 1:19

“Iseraele, mokgabo wa gago o bolaetswe kwa dithoteng tsa gago. Kana bagale ba ole jang!

Yesaye 14:12

“Kana o wele jang ne mo legodimong, wena naledi ya masa, morwa mahube! Kana o digetswe jang ne fa fatshe, wena mofenyi wa ditšhaba!

Yesaye 17:6

Mme go tla tlogelwa maronopo jaaka fa go tshikinngwa ditlhare tsa olefa: Maungo a mabedi gongwe a mararo kwa godimo mo setlhoeng sa setlhare, a mane gongwe a matlhano mo dikaleng tsa setlhare se se ungwang.” Go bua Morena, Modimo wa Iseraele.

Yesaye 24:13

Gonne mo ditšhabeng tsa lefatshe go tla nna jaaka fa setlhare sa olefa se tshikinngwa; jaaka fa ba ronopa moweine, phulo e sena go fela.

Yeremie 49:9

Fa bakgetli ba maungo a moweine ba tla kwa go wena, ga ba kitla ba go tlogelela maronopo; fa magodu a tla bosigo, a tla senya ka fa a ratang ka teng.

Yeremie 50:23

Kana noto e e iteileng lefatshe lotlhe e kgaotswe, e robegile jang! Kana Babele o fetogile theregiso jang mo ditšhabeng!

Yeremie 6:9

Morena wa masomosomo o buile jaana le nna a re: “Ronopa masalela a Iseraele jaaka setlhare sa moweine ka tlhoafalo. Tsenya letsogo gangwe le gape mo dikaleng jaaka yo o fulang!”

Likhutsahalelo 1:1

Ao! O ntse jang o le osi motse o o neng o tletse batho! Mohumagadi wa ditšhaba o tshwana le motlholagadi; kgosi ya sesadi ya mafatshe e fetogile lelata!

Obadie 1:9

“Wena motse wa Themane, bagale ba gago ba tla bo ba nyemile moko gore mongwe le mongwe a bolawe mo dithabeng tsa ga Esau ka polao e e setlhogo.

Mike 7:1

Joo nna wee, ke latlhegile! Ke tshwana le yo o selang maronopo a moweine morago ga phulo ya maungo a selemo, mme go se lesitlha le le ka jewang. Mowa wa me o eletsa difeie tse di butswang pele.

Sefanya 2:15

Ke ona motse o o neng o itaola mo tlhapelong, o o neng o agile mo phemelong, mme o ithaya mo pelong o re: “Ke nna! Ga go ope kwa ntle ga me.” O fetogile jang sekaka le marobalo a diphologolo! Botlhe ba ba fetang fa go ona ba tla letsa melodi, ba supa letshogo ka diatla.

Deuteronome 24:21

E re fa o fudile tshimo ya moweine ya gago, o se ka wa boela wa ronopa; a maronopo e nne a moeng gongwe a lesiela gongwe a motlholagadi.

Tshenolo 18:10

di ntse di emetse kgakala, ka di boifa go tlhokofadiwa ga gagwe, di re: “Ijoo-wee! Ijoo-wee! Wena motse o mogolo wa Babilone, motse o o thata! Kana petso ya gago e tsile ka nako e le nngwe fela!”