Mike 7:13 - Setswana 1970

¹³ Mme lefatshe le tla fetoga sekaka ka ntlha ya baagi ba lone, e le leungo la ditiro tsa bone.

Bibela ea Boitsépho 1890 (Sechuana Tlhaping - Moffatt Bible)

¹³ Leha gontse yalo, hatse ye, le tla senyerioa ka banni ba yeona, le ka louñuo loa tiho tsa bona.

BAEBELE e e Boitshepo

¹³ Le fa go ntse jalo lefatshe le tlaa nna tshwafalo ka ntlha ya ba ba agileng mo go lone, ka ntlha ya loungo lwa ditiro tsa bone.

Mike 7:13 Iomraidhean Croise

Yobe 4:8

Ka fa ke bonyeng ka teng: Ba ba lemang boikepo le ba ba jwalang tatlhego ba roba tsona tseo.

Liane 1:31

Ke ka moo ba tshwanetseng go bolawa ke se ba se jeleng, le go kgora bosula jwa maano a ba a logileng.

Liane 31:31

A a je leungo la diatla tsa gagwe. A a bakwe mo makgotleng ka ditiro tsa gagwe.

Liane 5:22

Moikepi o tla tshwarwa ka melato ya gagwe, a golegwa ka megala ya boleo jwa gagwe.

Yesaye 17:9

Ka letsatsi leo metse e e femetsweng ya gagwe e tla nna jaaka matlotla mo sekgweng le jaaka setlhoa sa thaba, tse di tlogetsweng ka ntlha ya go tshaba Baiseraele, mme e tla nna sekaka fela.

Yeremie 17:10

Ke nna Morena yo ke tlhotlhomisang pelo, ke lekang diphilo gore ke nee mongwe le mongwe ka fa tsamaong ya gagwe le ka fa maungong a ditiro tsa gagwe.”

Yeremie 21:14

Ke tla lo betsa ka fa maungong a ditiro tsa lona. Morena o buile jalo. Ke tla tshuba molelo mo sekgweng sa gagwe o o tla nyeletsang tsotlhe tse di mo tikologong ya gagwe.’ ”

Yeremie 25:11

Lefatshe lotlhe le tla fetoga marope le sekaka, mme ditšhaba tse, di tla direla kgosi ya Babele dinyaga tse di 70.

Yeremie 32:19

O mogolo mo kgakololong, o nonofile mo tirong; matlho a gago a budulogetse ditsela tsotlhe tsa bana ba batho gore o duele mongwe le mongwe ka fa tsamaong ya gagwe le ka fa leungong la ditiro tsa gagwe.

Esekiele 12:19

O be o ree batho ba lefatshe o re: ‘Morena Modimo o bua jaana ka ga banni ba Jerusalema mo nageng ya Iseraele a re: Ba tla ja bogobe jwa bone ka tshwenyego, ba nwa metsi a bone ka therego ka go boifela gore lefatshe la bone le tla fetoga sekaka se se se nang sepe ka ntlha ya tshiamololo ya botlhe ba ba agileng mo go lone.

Esekiele 33:28

Ke tla fetola lefatshe sekaka le theregiso; boikgantsho jwa thata ya lone bo tla khutlisiwa; dithaba tsa Iseraele di tla nna senya, go se na yo o di ralalang.

Mike 3:12

Ka moo Sione o tla lengwa jaaka tshimo ka ntlha ya lona; Jerusalema o tla fetoga marope; thaba ya tempele e tla nna thota ya sekgwa fela.

Mike 3:4

Ka sebaka se sengwe ba tla goela kwa Moreneng, mme ga a nke a ba utlwa; o tla ba subela sefatlhego ka sebaka seo, gonne ba dirile ditiro tse di bosula.

Mike 5:3

Mme o tla ema, a ba fudisa ka thata ya Morena le ka bogolo jwa leina la Morena, Modimo wa gagwe; mme ba tla nna mo kagisong; gonne jaanong o tla nna mogolo go fitlha mafelelong a lefatshe.

Mike 6:13

le nna ke tla go itaya botlhoko, ke go fetola sekaka ka ntlha ya maleo a gago.