Mike 6:8 - Setswana 1970

⁸ Wena motho, Morena o go itsisitse tse di leng molemo le tse a di batlang mo go wena: O batla gore ò dire tse di siameng, ò rate bopelotlhomogi, o tsamaya le Modimo wa gago ka boikokobetso!

Bibela ea Boitsépho 1890 (Sechuana Tlhaping - Moffatt Bible)

⁸ O gu itsisitse, mothu ki uena, se se leñ molemo; mi Yehova o batlañ go uena, ha e si go riha tsiamo, le go rata pelunomi, le go sepela le Morimo oa gago ka tloahalo?

BAEBELE e e Boitshepo

⁸ O go supeditse se se molemo motho ke wena; gape Jehofa o lopang mo go wena, fa e se gore o dire ka tshiamo, le go rata boutlwelobotlhoko, le go sepela ka boikokobetso le Modimo wa gago?

Mike 6:8 Iomraidhean Croise

Genese 18:19

gonne ke mo tlhophile gore a laele bana ba gagwe le ba lapa la gagwe morago ga gagwe gore ba sepele mo tseleng ya Morena, ba dire ka tshiamo le ka tshwanelo gore Morena a tle a tlisetse Aborahame tse a di mo solofeditseng.”

Genese 5:22

Mme ya re Henoge a sena go tsala Methusala, a sepela le Modimo dinyaga di le 300, a ntse a tsala bomorwa le bomorwadi.

2 Litihalo 30:11

Fela banna bangwe ba Baasere le Bamanase le Basebulone ba ikokobetsa, ba tla kwa Jerusalema.

2 Litihalo 32:26

Le gale Hesekia a ikwatlhaela boikgodiso jwa pelo ya gagwe mmogo le baagi ba Jerusalema; ka moo bogale jwa Morena jwa se ka jwa ba wela mo metlheng ya ga Hesekia.

2 Litihalo 33:19

Mme thapelo ya gagwe le ka fa a utlwilweng ka teng le boleo jotlhe jwa gagwe le boikanyologo jwa gagwe le mafelo kwa o neng a aga dithota tsa tlhabelo, a tlhoma medimako ya Ašera le medimo ya diseto teng, a ise a ikokobetse, kana tsona di kwadilwe mo ditirafalong tsa baboni.

2 Litihalo 33:23

Mme a se ka a ikokobetsa fa pele ga Morena jaaka go ne ga dira Manase rraagwe, mme ene Amone a godisa molato fela.

2 Litihalo 34:27

E re ka pelo ya gago e le boleta, mme o ikokobeditse fa pele ga Modimo, fa o utlwa mafoko a ona ka ga felo fano le ka ga baagi ba gona, le ka o ikokobeditse fa pele ga me, wa ikgagola diaparo, wa lela fa pele ga me, le nna ke go utlwile. Morena a re jalo.

Nehemie 9:13

Wa fologela mo thabeng ya Sinai, wa bua nabo o le kwa legodimong, wa ba naya ditshiamelo tse di tlhamaletseng le melao ya boammaaruri le ditao le ditaolo tse di molemo.

Lipesalema 101:1

Pesalome ya ga Dafita. Ke tla opela ka ga bopelonomi le tshiamo, ke opelela wena Morena.

Lipesalema 112:4

Mosiami o bonegela ba ba nang le nnete mo lefifing jaaka lesedi, a le boitshwarelo le boutlwelo-botlhoko le tshiamo.

Lipesalema 112:9

O gasagasetsa, batlhoki a ba fe. Tshiamo ya gagwe e nnetse ruri; lonaka lwa gagwe lo godisiwa ka tlotlo.

Lipesalema 37:26

O tlhola a atswa, a adima ka metlha yotlhe, mme losika lwa gagwe lo tshegofale.

Lipesalema 73:28

Mme fa e le nna, ke itumela go nna gaufi le Modimo. Wena Morena Modimo o botshabelo jwa me. Ke tla bolela ditiro tsotlhe tsa gago.

Liane 21:3

Go dira ka tshiamo le ka tshwanelo go kgatlha Morena bogolo go setlhabelo.

Moreri 12:13

A re utlweng kakaretso ya mafoko otlhe! Ke e: Boifa Modimo, o tshegetse ditaolo tsa ona! Gonne seo se laetswe batho botlhe.

Yesaye 56:1

Morena o bua jaana a re: “Dirang ka tshiamo, bolokang molao. Gonne pholoso ya me e gaufi le go tla; le tshiamo ya me e gaufi le go bonala.

Yesaye 57:15

Gonne go bua jaana yo o tlotlometseng yo o godimodimo, yo o agileng mo bosakhutleng, yo leina la gagwe e leng Yo-o-Boitshepo, a re: “Ke agile kwa godimodimo le mo felong ga boitshepo. Le gona ke ntse ke na le yo o mowa o ngomogileng, o o kokobeditsweng, gore ke lapolose mewa ya ba ba kokobeditsweng, ke rudise pelo tsa ba ba bogisegileng.

Yesaye 66:2

Ke seatla sa me se se dirileng dilo tsotlhe tse; dilo tsotlhe tsa tlholega jalo, go bua Morena. Mme yo ke tla mo lebang, ke yo o bogisegang, yo o mowa o sugegileng, yo o boifang lefoko la me.

Yeremie 22:16

O ne a atlholela mmogisegi le mohumanegi ka tshiamo; ka moo ga phelwa sentle. A ga se gona go nkitse?” go botsa Morena.

Yeremie 22:3

Morena o bua jaana a re: Dirang ka tshiamo le ka molao, lo golole yo o thukhuthilweng mo diatleng tsa mogateledi. Lo se ka lwa senyetsa baeng le masiela le batlholagadi, se ba gateleleng le e seng go tsholola madi a a se nang molato mo felong fano.

Yeremie 9:23

Morena o buile jaana a re: “A Motlhalefi a se ka a ipelafatsa ka botlhale jwa gagwe! A seganka se se ka sa ipoka ka thata ya sona! A mohumi a se ka a ikgodisa ka khumo ya gagwe!

Likhutsahalelo 3:26

Go molemo, fa motho a leta thuso ya Morena a sa potlake.

Esekiele 16:63

gore o akanye, o tlhajwe ke ditlhong, o palelwe ke go bula molomo gape ka ntlha ya ditlhong tsa gago, fa ke go itshwarela tsotlhe tse o di dirileng.” Go bua Morena Modimo.

Esekiele 33:14

Fa ke raya moikepi ke re: ‘Ruri, ò tla swa!’ mme a tlogela boleo jwa gagwe, a dira tse di siameng le tse di tshwanetseng;

Daniele 4:37

“Jaanong nna Nebukatenesare ke tumisa Kgosi ya legodimo, ke a e godisa, ke a e tlotla ka re: Tiro tsotlhe tsa yona ke tsa mannete, ditsela tsa yona di siame; ba ba sepelang ka boikgodiso, o itse go ba kokobetsa.”

Hoshee 12:6

Mme Morena, Modimo wa masomosomo, leina la gagwe le le tumileng ke Morena.

Hoshee 6:6

Gonne se se nkgatlhang ke lorato, e seng setlhabelo, le go itse Modimo bogolo go ditlhabelo tsa phiso.

Levitiko 26:41

– Ka moo le nna ka ba ngalela, ka ba isa kwa lefatsheng la baba ba bone. – Mme e tla re fa dipelo tsa bone tse di sa rupang di ikokobetsa, mme ba dumelana le petso ya molato wa bone,

Amose 5:24

Mme katlholo e tla phothosela jaaka metsi, le tshiamo jaaka noka e e sa kgaleng.

Mike 6:9

Utlwang! Morena o tlhabela motse mokgosi! – Ke botlhale go boifa leina la gago. – Utlwang, lotso le phuthego ya motse.

Sefanya 2:3

Batlang Morena, lona lotlhe ba lo pelonolo ba lefatshe, ba lo dirileng ka fa tshiamong ya gagwe; batlang tshiamo, batlang boikokobetso; ka gongwe lo ka fitlhega ka letsatsi la bogale jwa Morena.

Sekarie 7:9

“Morena wa masomosomo o buile jaana a re: ‘Atlholang ka katlholo ya tshiamo, lo direlane ka lorato le kutlwelo-botlhoko.

Mataio 5:3

“Go sego ba ba humanegileng mo moweng; gonne puso ya magodimo ke ya bone.

Mataio 5:7

Go sego ba ba kutlwelo-botlhoko; gonne ba tla utlwelwa botlhoko.

Luke 10:42

Mme se se batlegang ke se le sengwe fela. Fa e le Maria, o itlhaoletse kabelo e e molemo, e e se kitlang e tlosiwa mo go ene.”

Luke 11:42

“Mme go latlhega lona Bafarisai! Ka gonne lo kgetha sa bosome sa kgomodimetsing le sa seruane le sa merogo yotlhe; mme lo fapoga tshiamo le lorato lwa Modimo. Tse, di tshwanetse go dirwa, mme tsele tsa se ka tsa tlogelwa.

Luke 12:14

Mme Jesu a mo raya a re: “Motho ke wena, ke mang yo o mpeileng go nna moatlhodi gongwe mokgaoganyi wa boswa jwa lona?”

Luke 6:36

Nnang kutlwelo-botlhoko, fela jaaka Rraeno a le kutlwelo-botlhoko.

Baroma 7:16

Mme fa ke dira se ke sa se rateng, ke dumelana le molao gore o molemo.

Baroma 9:20

Motho ke wena! Kana o mang yo o ka ganetsanyang le Modimo? A sebopiwa se ka raya mmopi wa sona sa re: “O mpopetseng jaana?”

1 Bakorinta 7:16

Gonne, wena mosadi, o itse jang gore o ka pholosa monna? Gongwe wena monna, o itse jang gore o ka pholosa mosadi?

Baefeso 4:32

Mme tsholanang ka bopelontle, lo utlwelane botlhoko, lo itshwarelane jaaka Modimo le ona o lo itshwaretse ka Keresete.

Deuteronome 27:10

Utlwang he lentswe la Morena, Modimo wa lona, lo dire ka fa ditaolong tsa gagwe le ka fa melaong ya gagwe tse ke di lo laelang kajeno.”

Deuteronome 30:15

“Bona, kajeno ke beile botshelo le tlhogonolo le loso le tatlhego fa pele ga gago.

Bakolosa 3:12

Jaanong he, lona ba lo leng batlhaolwi ba Modimo, le baitshepi le barategi, aparang kutlwelo-botlhoko ya pelo le bopelontle le boikokobetso le bonolo le bopelotelele;

2 Batesaloni 2:16

Mme Morena wa rona Jesu Keresete ka esi le Modimo Rraetsho yo o re ratileng, a ba a re naya kgomotso e e sa khutleng le tsholofelo e e molemo ka bopelotlhomogi,

Jakobe 2:20

Motho yo o bosilo ke wena. A o rata go itse gore tumelo e e se nang ditiro ga e ungwe?

Yehoshue 24:14

“Jaanong he, boifang Morena, lo mo direle ka nnete le ka boikanyego! Tlosang medimo e borraeno ba neng ba e direla kwa moseja ga noka ya Ferathe le kwa Egepeto, lo direle Morena.

1 Petero 3:8

Ke akaretsa ke re: Nnang pelonngwe fela lotlhe lo nne pelotlhomogi, lo ratane jaaka bana ba motho, lo nne kutlwelo-botlhoko le boikokobetso.

1 Samuele 12:23

Le gona a go nne kgakala le nna go ka leofela Morena ka go khutla go lo rapelela, mme ke tla lo ruta tsela e e siameng e e tlhamaletseng.

1 Samuele 15:22

Mme Samuele a re: “A ditlhabelo tsa phiso le tse di jewang di kgatlha Morena jaaka go utlwa lentswe la Morena? Nnyaya go utlwa go gaisa setlhabelo; go reetsa go phala mafura a diphelehu!