Mike 5:11 - Setswana 1970

¹¹ Ke tla nyeletsa mereo ya boloi gore e tloge mo seatleng sa gago; ga o kitla o nna le baroka.

Bibela ea Boitsépho 1890 (Sechuana Tlhaping - Moffatt Bible)

¹¹ Mi ki tla khaola metse ea hatse ya lona, mi ki tla rutla kago tsa lona tsa phemelo cotle:

BAEBELE e e Boitshepo

¹¹ Ke tlaa kgaola metse ya lefatshe la gago, ke tlaa rutla dikago tsotlhe tsa gago tsa phemelo tse di thata.

Mike 5:11 Iomraidhean Croise

Yesaye 1:7

Lefatshe le lona ke sekaka fela, metse ya lona e fisitswe ka molelo. Baeng ba ja tsa masimo a lona lo ntse lo ba lebile. Go sekaka fela, go tshwana le fa baeng ba ribegeditseng teng.

Yesaye 2:6

Fela o latlhile morafe wa gago, e leng ba ntlo ya ga Jakobe; gonne ba tletse mereo ya boloi e e tswang kwa botlhabatsatsi, le baroka jaaka Bafelesita; ba utlwana le bana ba baeng.

Yesaye 27:9

Ka moo ge, molato wa ga Jakobe o tla itshwarelwa, fa a ka thubaganya matlapa otlhe a dialetare jaaka go thubaganngwa mangwete a kalaka, mme medimako ya Ašera le majwe a a motloutlo a letsatsi di sa tlhole di tsosiwa. Go dira jalo e tla nna leungo lotlhe la go itshwarelwa ga gagwe.

Yesaye 6:11

Ka ba ka re: “Go fitlhelela leng, Morena?” A re: “Go tsamae metse e senyege, e tlhoke moagi, matlo a tlhoke motho, masimo a nne matlhagare fela;

Likhutsahalelo 2:2

Meago yotlhe ya Jakobe, Morena o e sentse, a se ka a e rekegela. Dikago tsa phemelo tsa morwadia Juta a di rutla ka bogale jwa gagwe. Bogosi jwa gagwe le dikgosana tsa gagwe a di digela fa fatshe le go di tlhapatsa.

Esekiele 38:11

ò re: “Ke tla bololela lefatshe le le sa agelelwang, ke fitlha kwa go ba ba iketlileng, ba ba agileng mo thagamong; ba ba agileng botlhe, ba se na lobota, ba se na phemelo, le fa e le dikgoro,

Hoshee 10:14

Ke gona ka moo go tla tsogang modumo wa ntwa mo morafeng wa gago. Dikago tsotlhe tsa phemelo tsa gago di tla thubaganngwa jaaka Salamane a senya Betharebele ka letsatsi la tlhabano; mma-bana o remagantswe mmogo le bana ba gagwe.

Amose 5:9

O ratha ba ba thata ka tshenyego jaaka tladi; tshenyego e tla wela metse e e femetsweng.

Sekarie 4:6

Ke fa a araba, a nthaya a re: “Lefoko le ke la Morena le le rayang Serubabele le re: ‘Ga se ka bonatla le e seng ka thata, mme ke ka Mowa wa me,’ go bua Morena wa masomosomo.