Mike 4:9 - Setswana 1970

⁹ Jaanong o goelang thata? Kgosi a ga e na nao? Gongwe a mogakolodi wa gago o nyeletse, mo e bileng o tshwerwe ke matlhoko jaaka mosadi yo o belegang?

Bibela ea Boitsépho 1890 (Sechuana Tlhaping - Moffatt Bible)

⁹ ¶ Yana u khayayegelañ? a ga go na khosi go uena? a bagakolori ba gago ba herile, ka metlotseri e gu cuere yaka mosari eo o belegañ?

BAEBELE e e Boitshepo

⁹ Ana o kuelelang godimo? A ga go na kgosi mo go wena, ee, a mogakolodi wa gago o sule, fa e bo ne ne metlotsedi e go tshwere jaana jaaka ekete ya mosadi yo o mo pelegong?

Mike 4:9 Iomraidhean Croise

Yesaye 13:8

Ba tla rerega, metlotsedi le leralalo di ba tshwara, ba tlalelwa jaaka mosadi yo o belegang, ba lebana ba ntse ba tshogile, difatlhego tsa bone di hubitse jaaka dikgabo tsa molelo.

Yesaye 21:3

Ke gona ka moo letheka la me le tletseng botlhoko jaaka e kete ke segwa ke metlotsedi ya mosadi yo o belegang. Ke obegile mo ke bileng ke sa utlwe, ke tshogile mo ke bileng ke sa bone.

Yesaye 26:17

Mosadi yo moimana, yo o gaufi le go belega, o segwa ke metlotsedi, o lela mo matlhokong a gagwe. Le rona re ne re ntse jalo fa pele ga gago, Morena.

Yeremie 22:23

Wena yo o ntseng mo Lebanone, yo o ikagetseng sentlhaga mo mesetereng, o tla tlhomola pelo jang, fa o tlelwa ke metlotsedi, fa o le botlhokong jaaka mosadi yo o belegang.

Yeremie 30:10

“ ‘Mme wena, se boife, Jakobe, motlhanka wa me!’ go bua Morena. ‘Se rerege, Iseraele! Gonne bona, ke tla go pholosa kwa kgakala le losika lwa gago mo lefatsheng la botshwaro jwa bone. Jakobe o tla boa, a ikhutsa, a le mo tshireletsong, go se na yo o mo tshosang.

Yeremie 4:21

Ke na le go bona sefoka le go utlwa modumo wa lonaka go fitlha leng?

Yeremie 4:31

Gonne ke utlwa selelo e kete sa mosadi yo o segwang ke metlotsedi, sa tlalelo e kete ya yo o belegang ga ntlha. Ke selelo sa morwadia Sione. O a fegelwa, a phutholola mabogo a gagwe a re: “A tatlhego ya me wee! Bophelo jwa me bo wela mo diatleng tsa bampolai, ke se na thata.”

Yeremie 48:41

Metse e thopilwe, dikago tsa phemelo mo dithabeng di fentswe. Ka letsatsi leo dipelo tsa bagale ba Moabe di tla tshwana le pelo ya mosadi yo o segwang ke metlotsedi.

Yeremie 50:43

E rile kgosi ya Babele e ba utlwela, diatla tsa yona tsa repa; tlalelo ya e tshwara le maralalo jaaka mosadi yo o belegang.

Yeremie 8:19

Utlwelelang! Morwadia morafe wa me o lelela thuso kwa lefatsheng le le kgakala a re: “A Morena ga a teng mo Sione? Gongwe kgosi ya gagwe a ga e mo teng?” – “Ke ka ntlhaang, fa ba ne ba nkgakatsa ka medimo ya diseto ya bone le ka medimo e sele?”

Likhutsahalelo 4:20

Mowa wa bophelo jwa rona, e bong Motlodiwa wa Morena, o ne a tshwarwa mo digopong tsa bone; yo re buileng ka ga gagwe ra re: “Re tla phela mo moriting wa gagwe re le gare ga ditšhaba.”

Hoshee 10:3

Ee, jaanong ba tla re: “Ga re na kgosi, gonne ga re a ka ra boifa Morena, mme kgosi e – e ka re thusa eng?”

Hoshee 13:13

Matlhoko a botsalo a tla ba wela, mme bona ke bana ba ba sa tlhalefang: E a re fa nako ya botsalo e fitlhile, ba se ke ba rate go tsalwa.

Hoshee 3:4

Gonne Baiseraele ba tla nna fela sebaka se seleele, ba se na kgosi, ba se na kgosana, ba se na setlhabelo, ba se na lentswe le le motloutlo, ba se na khiba ya boperesiti, ba se na medimo ya lelapa.

Mike 5:3

Mme o tla ema, a ba fudisa ka thata ya Morena le ka bogolo jwa leina la Morena, Modimo wa gagwe; mme ba tla nna mo kagisong; gonne jaanong o tla nna mogolo go fitlha mafelelong a lefatshe.

Johane 16:21

Mosadi, fa a belega, o na le bohutsana, ka nako ya gagwe e tlile. Mme e a re a sena go belega ngwana, a se ke a tlhole a gopola tlalelo ka ntlha ya boitumelo jwa gore motho o tsaletswe mo lefatsheng.

Tshenolo 12:2

Mme o ne a le moimana, a goa, a segwa ke leralalo, a le mo tlalelong ya pelego.