Mike 4:7 - Setswana 1970

⁷ Ba ba tlhotsang ke tla ba dira masalela; ba ba katoseditsweng kwa kgakala ke ba dira setšhaba se se thata. Mme Morena e tla nna kgosi ya bone mo thabeng ya Sione go tloga jaanong go ya bosakhutleng.”

Bibela ea Boitsépho 1890 (Sechuana Tlhaping - Moffatt Bible)

⁷ Mi ki tla riha ba ba tlotsañ masalela, le bona ba ba le ba halalerioa khakala go na morahe o o nonohileñ: mi Yehova o tla ba laola mo thabeñ ea Tsiona, ga yana le kua bosakhutleñ.

BAEBELE e e Boitshepo

⁷ Ene yo o ne a tlhotsa ke tlaa mo dira masalela, le ene yo o ne a latlhetswe kwa kgakala ke tlaa mo dira morafe o o thata; Jehofa o tlaa ba busa mo thabeng ya Sione go tloga fano le go ya bosakhutleng.

Mike 4:7 Iomraidhean Croise

Lipesalema 2:6

“Mme nna, kana ke tlhomile kgosi ya me mo Sione, mo thabeng ya me e e boitshepo!”

Yesaye 16:5

foo go tla bewa sedulo sa bogosi ka bopelonomi, mme moatlhodi o tla nna mo go sona mo ntlong ya ga Dafita ka boikanyo, yo o tlhokomelang molao, yo o tlhoafalelang tshiamo.

Yesaye 24:23

Foo ngwedi o tla tlhajwa ke kgala, letsatsi le tlhajwa ke ditlhong; gonne Morena wa masomosomo o tla nna kgosi mo thabeng ya Sione le mo Jerusalema, mme go na la kgalalelo fa pele ga bagolo ba gagwe.

Yesaye 6:13

Le fa go ka sala a le mongwe mo go ba ba lesome, le ene o tla senyega. Go tla nna jaaka mogotlho gongwe motswere, o e a reng o remilwe, go sale thito. Thito ya ona ke losika lo lo boitshepo.”

Yesaye 60:22

Yo mmotlana o tla tswa ba le sekete; yo monnye o tla nna setšhaba se se thata. Nna Morena ke tla akofa ke dirafatsa tseo mo motlheng wa tsona.”

Yesaye 66:8

Ke mang yo o kileng a utlwa se se ntseng jalo? Ke mang yo o kileng a bona dilo tse di ntseng jalo? A lefatshe le ka tlholega ka letsatsi le le lengwe fela? Gongwe a setšhaba se ka tsalwa ka gangwe fela? Ee, ya re Sione a segwa ke metlotsedi, ya ba gona a belegang bana ba gagwe.

Esekiele 43:7

a nthaya a re: “Morwa-motho, fano ke felo ga sedulo sa bogosi sa me, ke felo ga pato ya dinao tsa me, fa ke tla nnang teng mo gare ga Baiseraele ka bosakhutleng. Baiseraele ga ba kitla ba tlhola ba itshekolola leina le le boitshepo la me, le e seng dikgosi tsa bone, ka boaka jwa bone le ka ditoto tsa dikgosi tsa bone le ka dithota tsa tlhabelo tsa bone.

Daniele 2:44

Mme e tla re ka malatsi a dikgosi tseo, Modimo wa legodimo o tlhome bogosi jo bo sa nyeleleng ka bosakhutleng. Bogosi joo ga bo nke bo amogwa ke morafe o mongwe. Bo tla pšhwetlakanya, bo fedisa magosi aotlhe ao, mme jona bo tla tlhomama ka bosakhutleng,

Daniele 4:34

“E rile malatsi ao a sena go feta, nna Nebukatenesare ka tsholeletsa matlho kwa legodimong, ka boelwa ke tlhaloganyo ya me, ka baka Mogodimodimo, ka tumisa yo o phelang ka bosakhutleng, ka mo tlotla. “Thata ya gagwe ke thata e e sa khutleng; bogosi jwa gagwe ke jwa ditshika tsotlhe.

Daniele 7:14

A neelwa puso le kgalalelo le bogosi, a direlwa ke batho botlhe ba merafe le ditšhaba le dipuo. Puso ya gagwe ke puso e e sa khutleng e e sa nyeleleng; bogosi jwa gagwe ke jo bo sa fedisiweng ke ope.

Daniele 7:27

Mme bogosi le puso le borena jwa magosi a a fa tlase ga legodimo lotlhe di tla neelwa morafe wa baitshepi ba Mogodimodimo. Bogosi jwa gagwe ke bogosi jo bo sa khutleng. Dipuso tsotlhe di tla mo direla, di mo utlwa.’

Hoshee 1:10

Mme palo ya Baiseraele e tla tshwana le ya motlhaba wa lewatle o o sa ka keng wa lekanngwa ka sepe, le e seng go balwa. Mo boemong jwa go bidiwa “Galobame” ba tla bidiwa “bomorwa Modimo o o phelang.”

Yoele 2:32

Mme mongwe le mongwe yo o tla bitsang leina la Morena o tla pholosiwa. Gonne go tla nna pholoso mo thabeng ya Sione le mo Jerusalema jaaka Morena a buile, le mo go ba ba falotseng ba Morena o ba bitsang.

Yoele 3:17

“Mme lo tla itse, fa ke le Morena, Modimo wa lona, yo ke agileng mo Sione mo thabeng e e boitshepo ya me; foo Jerusalema e tla nna felo fa go boitshepo; ga go kitla go tlhola go ralalwa ke baeng.

Obadie 1:21

Mme bapholosi ba tla tlhatlogela mo thabeng ya Sione, gore ba buse dithaba tsa Esau, mme bogosi e tla nna jwa Morena.”

Mike 2:12

“Ruri, ke tla phutha ba ga eno botlhe, Jakobe; ruri, ke tla kgobokanya masalela a Iseraele; ke ba kopanya jaaka dinku di tlhatlhelwa mo lesakeng, jaaka motlhape mo gare ga mafulo a ona. Go tla utlwala modumo wa bontsi jwa batho.”

Mike 2:13

Mmetla-tsela o tla bolola, a ba etelela pele; ba tla sutlha, ba tsena ka kgoro, ba tswa ka yona. Mme Kgosi ya bone e tla ba etelela pele, mme Morena a le tlhogo ya bone.

Mike 5:3

Mme o tla ema, a ba fudisa ka thata ya Morena le ka bogolo jwa leina la Morena, Modimo wa gagwe; mme ba tla nna mo kagisong; gonne jaanong o tla nna mogolo go fitlha mafelelong a lefatshe.

Mike 7:18

Ke mang yo e leng Modimo jaaka wena o o itshwarelang molato, o o iphapaanyang tlolo ya masalela a boswa jwa ona? Ga o nke o boloka bogale jwa ona ka bosakhutleng, gonne o natefelwa ke bopelotlhomogi.

Sefanya 3:13

Masalela a Iseraele ga a nke a dira tshiamololo le e seng go bua maaka; loleme lo lo tsietsang ga lo nke lo fitlhelwa mo melomong ya bone; ee, bone ba tla ja ba robala, go se yo a ba tshosang.”

Sefanya 3:20

Ka sebaka seo ke tla lo tlisa, ee, ka sebaka se ke tla lo phuthang ka sona. Gonne ke tla lo dira tumiso le pako mo merafeng yotlhe ya lefatshe, fa ke busetsa batshwarwi ba lona kwa gae fa pele ga matlho a lona,” go bua Morena.

Luke 1:33

O tla nna kgosi mo ntlong ya ga Jakobe ka bosakhutleng; bogosi jwa gagwe ga bo nke bo nna le bokhutlo.”

Tshenolo 11:15

Jaanong moengele wa bosupa a letsa; mme ga utlwala mantswe a magolo mo legodimong a re: “Puso ya lefatshe e diregile ya Morena wa rona le ya Motlodiwa wa gagwe; o tla busa ka bosakhutleng.”