Mike 4:3 - Setswana 1970

³ Mme o tla atlhola mo gare ga merafe e mentsi, a siamisetsa ditšhaba tse di thata go ya go fitlha kwa kgakala. Mme ba tla thula ditšhaka tsa bone megoma, ba fetola marumo a bone disekele. Setšhaba ga se nke se somola tšhaka go tlhabana le setšhaba se sengwe; ga ba kitla ba tlhola ba ithuta tsa tlhabano.

Bibela ea Boitsépho 1890 (Sechuana Tlhaping - Moffatt Bible)

³ Mi o tla siamisa mo bathuñ bantsi, mi o tla sekisa merahe e mentsi e e khakala; mi ba tla thula caka tsa bona megoma, le marumo a bona go na lisekela: morahe ga o kitla o ekela morahe caka, mi ga ba kitla ba tlola ba ithuta tlabano.

BAEBELE e e Boitshepo

³ O tlaa atlhola fa gare ga ditšhaba di le dintsi, o tlaa kgalemela merafe e e thata e e kwa kgakala; mme ba tlaa thula ditšhaka tsa bone megoma, le marumo a bone dithipa tse di segang mabele; morafe ga o ketla o ekela morafe o mongwe tšhaka, le gone ga ba ketla ba tlhola ba ithuta ntwa gope.

Mike 4:3 Iomraidhean Croise

Lipesalema 46:10

yo o khutlisang dintwa go ya kwa bokhutlong jwa lefatshe; yo o robang bora, a robaganye lerumo, a fise dikoloi tsa ntwa ka molelo!

Lipesalema 46:9

Tlayang lo lebe ditiro tsa Morena yo o dirang setlhogo mo lefatsheng;

Lipesalema 72:3

A dithaba di ungwele batho kagiso, le dithabana di ba ungwele tshiamo.

Lipesalema 72:7

Mo malatsing a gagwe tshiamo e tla tlhoga, kagiso e kgolo e tla nna teng go fitlhelela ngwedi o sa tlhole o le yo.

Lipesalema 82:8

Tloga o eme, Modimo, o atlhole lefatshe; gonne o tla rua ditšhaba tsotlhe.

Lipesalema 96:13

gonne o e tla, o tsile go atlhola lefatshe; o tla atlhola lefatshe ka tshiamo le batho ka boammaaruri jwa gagwe.

Lipesalema 98:9

fa pele ga Morena. Gonne o e tla go atlhola lefatshe. O tla atlhola lefatshe ka tshiamo, le batho ka tshwanelo.

Yesaye 2:4

O tla seka mo gare ga ditšhaba, a siamisa merafe e mentsi. Foo ba tla thula ditšhaka tsa bona megoma, ba fetola marumo a bona disekele. Setšhaba ga se nke se somole tšhaka go tlhabana le se sengwe. Ga ba kitla ba tlhola ba ithuta tlhabano.

Yesaye 25:3

Ka ntlha ya moo morafe o o tiileng o tla go galaletsa; motse wa ditšhaba tse di gatelelang o tla go boifa.

Yesaye 51:5

Tshiamo ya me e gaufi, pholoso ya me e bolotse. Mabogo a me a tla betsa merafe. Ditlhakatlhake di tla ntebelela, di solofela letsogo la me.

Yesaye 60:12

Gonne setšhaba le bogosi, tse di ganang go go direla, di tla latlhega. Mafatshe a tsona a tla fetoga sekaka.

Yesaye 65:25

Phiri le kwana di tla fula mmogo. Tau e tla ja bojang jaaka kgomo. Mme dijo tsa noga e tla nna lorole. Ga di nke di utlwisa botlhoko le e seng go senya mo thabeng yotlhe ya me e e boitshepo. Morena o buile jalo.”

Yesaye 9:7

gore a godise puso, mme kagiso e se ka ya fela mo sedulong sa bogosi sa ga Dafita le mo bogosing jwa gagwe, gore a bo tlhomamise le go bo tshegetsa ka tshiamo le ka tshiamiso go tloga jaanong go ya bosakhutleng. Tlhoafalo ya Morena wa masomosomo e tla dirafatsa jalo.

Daniele 2:44

Mme e tla re ka malatsi a dikgosi tseo, Modimo wa legodimo o tlhome bogosi jo bo sa nyeleleng ka bosakhutleng. Bogosi joo ga bo nke bo amogwa ke morafe o mongwe. Bo tla pšhwetlakanya, bo fedisa magosi aotlhe ao, mme jona bo tla tlhomama ka bosakhutleng,

Hoshee 2:18

“Ka letsatsi leo ke tla ba direla kutlwano le diphologolo tsa naga le dinonyane tsa loapi le dilo tse di gagabang fa fatshe; ke tla roba bora le tšhaka le tsa ntwa gore di tswe mo lefatsheng, ke ba ikhutsisa mo phemelong.

Hoshee 2:20

Ke tla go beelela ka boammaaruri, mme o tla itse Morena.

Yoele 3:2

ke kgobokanye ditšhaba tsotlhe, ke ba folosetse kwa mokgatsheng wa ga Josafate, ke sekise merafe teng foo ka ntlha ya morafe wa me le boswa jwa me, e leng Iseraele, ka ba ba phatlaladitse mo ditšhabeng, ba abelana lefatshe la me.

Sekarie 14:3

Mme Morena o tla bolola, a tlhabana le ditšhaba tseo, jaaka mo letsatsing le o a tleng a lwe ka lone, mo letsatsing la ntwa.

Sekarie 8:20

“Morena wa masomosomo o bua jaana a re: ‘Go sa ntse go tla tla merafe le baagi ba metse e mentsi;

Sekarie 9:10

“Mme ke tla thubakanya dikoloi tsa ntwa mo go Eferaime le dipitse mo Jerusalema; bora jwa ntwa bo tla robakanngwa, mme ene o tla rerela ditšhaba kagiso. Puso ya gagwe e tla simologa fa lewatleng go ya go fitlha kwa lewatleng le lengwe; e simologa fa nokeng ya Ferathe go ya go fitlha kwa dikhutlong tsa lefatshe.

Ditiro 17:31

gonne o tlhomile letsatsi le o tla atlholang lefatshe ka lone ka tshiamo, ka monna yo o mmeetseng gona, mme o buletse botlhe tsela ya go ka dumela ka go mo tsosa mo baswing.”

Tshenolo 19:11

Jaanong ka bona legodimo le butswe, ka ba ka bona pitse e tshweu, mme yo o e palameng a bidiwa Boikanyo le Boammaaruri, e le yo o atlholang ka tshiamo, e bile a tlhabana ka yona.

1 Samuele 2:10

Ba ba lwang le Morena ba tla phatlakanngwa; o tla ba dumisetsa maru kwa legodimong. Morena o tla atlhola dikhutlo tsa lefatshe, a naya kgosi ya gagwe thata, a natlafatsa lonaka lwa motlodiwa wa gagwe.”