Mike 4:10 - Setswana 1970

¹⁰ Segwa ke leralalo, morwadia Sione, jaaka mosadi yo o belegang. Gonne jaanong o tla tswa mo motseng, o nna mo nageng, o fitlha kwa Babele. Teng koo o tla pholosiwa; teng kwa Morena o tla go golola mo mabogong a baba ba gago.

Bibela ea Boitsépho 1890 (Sechuana Tlhaping - Moffatt Bible)

¹⁰ Moroaria Tsiona, tlotseriega, mi u belege go tsala, yaka mosari eo e belegañ; gone yana u tla coa mo motseñ, mi u tla nna kua nageñ, mi u tla ea le kua Babelona; hoñ u tla gololoa gona; Yehova o tla gu rekolola gona mo atleñ tsa baba ba gago.

BAEBELE e e Boitshepo

¹⁰ O nne botlhoko, mme o leke go belega, wena morwadia Sione, jaaka mosadi yo o mo pelegong; gonne jaanong o tlaa tswa mo motseng o aga mo nageng, o tlaa fitlha le kwa Babilone; o tlaa falodisiwa teng koo; Jehofa o tlaa go rekolola teng mo seatleng sa baba ba gago.

Mike 4:10 Iomraidhean Croise

2 Likhosi 20:18

Mme ba tla tsaya bangwe ba bana ba gago, ba ba tla tswang mo go wena, ba o tla ba tsalang, mme e tla nna batlhanka mo ntlong ya borena ya kgosi ya Babele.”

2 Likhosi 25:4

Ya baa gona ba sutlhelelang mo motseng. Ya re Setekia le banna botlhe ba batlhabani ba bona jalo, ba tshaba ba tswa mo motseng bosigo ka tsela ya kgoro e e fa gare ga dipota tse pedi e e fa tshimong ya kgosi – Bakalatea ba ntse ba dikanyeditse motse – Setekia a tshaba ka tsela e e yang kwa Lebaleng la Joretane.

2 Litihalo 33:11

Ka moo Morena a ba bololetsa balaodi ba mephato ya kgosi ya Asiria, ba tshwara Manase ka dikobe, ba mmofa dinao ka dikeetane ba mo isa kwa Babele.

2 Litihalo 36:20

Mme ba ba falotseng mo tšhakeng ya ba isa botshwarong kwa Babele, ba nna makgoba a yona le a bomorwaa-yona ga tsamaya puso ya nna ya Baperesia,

2 Litihalo 36:23

“Korese kgosi ya Peresia o bua jaana a re: ‘Morena, Modimo wa legodimo, o nneile magosi otlhe a lefatshe; ke ene yo o ntaetseng gore ke mo agele Ntlo kwa Jerusalema mo Juta. Jaanong le fa e le mang mo go lona yo e leng wa morafe wa gagwe, a Morena, Modimo wa gagwe, a nne nae mme a a boele gona.’ ”

Lipesalema 106:10

A ba namolela mo seatleng sa yo o ba tlhoileng, a ba golola mo seatleng sa mmaba.

Yesaye 43:14

Morena, Mogolodi wa lona, Moitshepi wa Iseraele, o bua jaana a re: “Ke rometse kwa Babele ka ntlha ya lona, mme ke tla folosetsa batshabi botlhe, e leng Bakalatea, kwa mekorong e ba neng ba duduetsa mo go yona.

Yesaye 45:13

Ke nna yo ke tsositseng Korese ka tshegofatso; ke tla baakanya ditsela tsotlhe tsa gagwe. Ene o tla aga motse wa me, a golola batshwarwi ba me kwa ntle ga serekololo le kwa ntle ga dimpho.” Morena wa masomosomo o buile jalo.

Yesaye 48:20

Tswayang mo Babele, tshabang mo Kalatea! Tlhabang mokgosi wa tuduetso, lo utlwatse, lo ise kitsiso kwa bokhutlong jwa lefatshe lo re: “Morena o golotse Jakobe, motlhanka wa gagwe.”

Yeremie 13:4

“Tsaya moitlamo o ò o rekileng o o mo lethekeng la gago, ò nanoge ò ye kwa nokeng ya Ferathe, ò o fitlhe teng mo lofarong lwa mafika.”

Yeremie 15:21

Ee, ke tla go pholosa mo diatleng tsa ba ba pelompe, ke go golola mo matsweleng a barena ba ba setlhogo.”

Yeremie 29:20

Mme lona batshwarwi botlhe ba ke lo tlositseng mo Jerusalema, ka lo isa kwa Babele, utlwang Lefoko la Morena! –

Yeremie 4:31

Gonne ke utlwa selelo e kete sa mosadi yo o segwang ke metlotsedi, sa tlalelo e kete ya yo o belegang ga ntlha. Ke selelo sa morwadia Sione. O a fegelwa, a phutholola mabogo a gagwe a re: “A tatlhego ya me wee! Bophelo jwa me bo wela mo diatleng tsa bampolai, ke se na thata.”

Yeremie 48:41

Metse e thopilwe, dikago tsa phemelo mo dithabeng di fentswe. Ka letsatsi leo dipelo tsa bagale ba Moabe di tla tshwana le pelo ya mosadi yo o segwang ke metlotsedi.

Yeremie 52:27

Mme kgosi ya Babele ya ba itaya, ya ba bolaela kwa Ribela mo nageng ya Hamathe. Ka mokgwa oo Bajuta ba ne ba ntshiwa mo lefatsheng la bone.

Hoshee 1:10

Mme palo ya Baiseraele e tla tshwana le ya motlhaba wa lewatle o o sa ka keng wa lekanngwa ka sepe, le e seng go balwa. Mo boemong jwa go bidiwa “Galobame” ba tla bidiwa “bomorwa Modimo o o phelang.”

Hoshee 13:13

Matlhoko a botsalo a tla ba wela, mme bona ke bana ba ba sa tlhalefang: E a re fa nako ya botsalo e fitlhile, ba se ke ba rate go tsalwa.

Hoshee 2:14

“Ka moo bonang, ke tla mo eka, ke mo isa kwa sekakeng, ke bua tse di kgatlhang pelo ya gagwe.

Mike 5:2

Ka moo o tla ba latlha go ya go fitlhelela sebakeng se mmelegi o belegeng ka sona. Foo masalela a bomorwa-rraagwe a tla boela kwa Baiseraeleng.

Mike 5:3

Mme o tla ema, a ba fudisa ka thata ya Morena le ka bogolo jwa leina la Morena, Modimo wa gagwe; mme ba tla nna mo kagisong; gonne jaanong o tla nna mogolo go fitlha mafelelong a lefatshe.

Tshenolo 12:14

Mme mosadi a newa diphuka tse pedi tsa ntswi e kgolo gore a fofele kwa sekakeng, kwa felong ga gagwe kwa o tla otlelwang teng ka sebaka le ka dipaka le ka bo ntlhanngwe jwa sebaka, a le kgakala le sefatlhego sa noga.