Mike 3:7 - Setswana 1970

⁷ Baboni ba tla tlhajwa ke ditlhong, baitseanape ba tlhabiwa ke kgala. Ba tla itshwara ditedu botlhe, gonne ga go na karabo epe ya Modimo.

Bibela ea Boitsépho 1890 (Sechuana Tlhaping - Moffatt Bible)

⁷ Ereha gona balebi ba tla tlayoañ ki litloñ, le baitseanape ba tla tsiañoa: mi ba tla bipa literu tsa bona botle; gone go si kitla go na karabo ea Morimo.

BAEBELE e e Boitshepo

⁷ Baboni ba tlaa tlhajwa ke ditlhong, le baitseanape ba tlaa silofala. Ee, ba tlaa ipipa melomo botlhe, gonne go se na karabo epe ya Modimo.

Mike 3:7 Iomraidhean Croise

Lipesalema 74:9

Ga re bone ditshupo tsa rona; ga go tlhole go le moporofeti ope. Ga go ope mo go rona yo o itseng gore go tla tswelela go ya leng.

Ekesodo 9:11

Mme dingaka tsa palelwa ke go ema fa pele ga Moše ka ntlha ya ditlhagala; gonne dingaka di ne di dulwe ke ditlhagala le Baegepeto botlhe.

Yesaye 44:25

Ke nna yo ke nyeletsang ditshupo tsa baporofeti ba tsietso, ke dira baitseanape ditlaela; ke nna ke busetsang matlhale kwa morago, ke fetola kitso ya ona bosilo fela.

Yeremie 18:18

Ke fa ba re: “Tlayang, a re logeleng Jeremia maano! Gonne thuto ya moperesiti ga e nke e tlhokafala, le e seng kgakololo ya yo o botlhale, le e seng lefoko la moporofeti. Tlayang, a re mo iteeng ka loleme, mme re se ka ra tlhokomela lefoko lepe la gagwe!”

Esekiele 24:17

ò fegelwe ka tidimalo; ò se ka wa direla moswi wa gago khutsafalelo. Rwala kuane, ò be ò rwale ditlhako mo dinaong. Se ipipe ditedu. Se je bogobe jwa mogoga.”

Esekiele 24:22

Jaanong lo tla dira jaaka ke dirile: Ga lo nke lo ipipa ditedu, le e seng go ja bogobe jwa mogoga.

Levitiko 13:45

“Jaanong molepero yo o nang le bolwetse joo, a diaparo tsa gagwe e nne tse di gagotsweng, mme moriri wa gagwe o nne malepelepe ka botlhaswa; a be a bipe ditedu tsa molomo, a goe a re: ‘Ke itshekologile! Ke itshekologile!’

Amose 8:11

Morena Modimo o bua a re: “Bonang, malatsi a e tla a ke tla romelang tlala mo lefatsheng ka ona, e seng tlala ya bogobe le e seng lenyora la metsi, mme e le leuba la go utlwa mafoko a Morena.

Mike 3:4

Ka sebaka se sengwe ba tla goela kwa Moreneng, mme ga a nke a ba utlwa; o tla ba subela sefatlhego ka sebaka seo, gonne ba dirile ditiro tse di bosula.

Mike 7:16

Ba ditšhaba ba tla bona, ba tlhoboga thata yotlhe ya bona; ba tla itshwara melomo, ba thibala ditsebe.

Sekarie 13:4

Ka letsatsi leo baporofeti ba tla tlhajwa ke ditlhong, mongwe le mongwe ka ntlha ya pono e a reng o e bonye, fa a re o bolela Lefoko la Modimo. Ga ba kitla ba apara kobo ya boporofeti e e boboa gore ba tle ba tsietse ka yona.

1 Samuele 14:37

Ke fa Saule a botsa Modimo a re: “A ke fologe, ke latelele Bafelesita? A o tla ba neela mo diatleng tsa Baiseraele?” Mme wa se ka wa mo araba ka letsatsi leo.

1 Samuele 28:15

Mme Samuele a raya Saule a re: “O ntshwenyetsang ka go mpitsa?” Saule a re: “Ke tlaletswe thata. Bafelesita ba tlhabana le nna, mme Modimo o ntlogetse; ga o tlhole o nkaraba le e seng ka baporofeti le e seng ka ditoro. Ke ka moo ke go biditseng gore o nkitsise se ke tshwanetseng go se dira.”

1 Samuele 28:6

Saule a botsa Morena, mme Morena a se ka a mo araba, e seng ka ditoro le e seng ka Lesedi le e seng ka baporofeti.

1 Samuele 9:9

E ne ya re bogologolo mo Iseraeleng fa motho a ya go botsa Modimo a bue jaana a re: “Tlaya a re ye kwa go Mmoni.” Gonne yo e leng Moporofeti kajeno, kgale o ne a bidiwa Mmoni.