Mike 3:12 - Setswana 1970

¹² Ka moo Sione o tla lengwa jaaka tshimo ka ntlha ya lona; Jerusalema o tla fetoga marope; thaba ya tempele e tla nna thota ya sekgwa fela.

Bibela ea Boitsépho 1890 (Sechuana Tlhaping - Moffatt Bible)

¹² Ki gona Tsiona o tla lo lemeloañ yaka leota, mi Yerusalema o tla na mekoa, le thaba ea ntlu e tla na yaka mahelo a a gorimo a sekhua.

BAEBELE e e Boitshepo

¹² Ke gone Sione o tlaa lengwang jaaka lotlhagare ka ntlha ya lona, Jerusalema o tlaa nna mekoakoa fela, le thaba ya ntlo e tlaa nna jaaka mafelo a a goletseng godimo a sekgwa.

Mike 3:12 Iomraidhean Croise

Lipesalema 107:34

Lefatshe le le bogale o le fetotse magalaopa ka ntlha ya boikepo jwa baagi ba lone.

Lipesalema 79:1

Pesalome ya ga Asafe. Modimo, baheitane ba tsenye mo bosweng jwa gago; ba itshepolotse Tempele e e Boitshepo ya gago; ba dirile Jerusalema maroperope fela.

Yesaye 32:14

Gonne matlo a borena a tlogetswe, modumo wa motse o fetogile tidimalo. Thabana le serala sa ditlhodi e tla nna naga fela ka go sa feleng, fa diesele di itumelang teng, fa matsomane a fulang teng,

Yeremie 17:3

Thaba ya me e e mo nageng le di-tsa-gago le mahumo otlhe a gago, ke di neela go thopiwa mmogo le dithota tsa tlhabelo tsa gago ka ntlha ya boleo jo bo mo nageng yotlhe ya gago.

Yeremie 22:5

Mme fa lo sa utlwe mafoko a, gona ke ikanne ka nna ka re: Ntlo e ya borena e tla nna lesope fela. Morena o buile jalo.’ ”

Yeremie 22:6

Morena o bua jaana ka ga ntlo ya kgosi ya Juta a re: “O Gileate mo go nna le setlhoa sa Lebanone. Ruri, ke tla go dira sekaka sa metse e e se nang banni.

Yeremie 26:18

“Miga wa Morešethe o ne a rera mo malatsing a ga Hesekia, kgosi ya Juta, a raya morafe otlhe wa Juta a re: ‘Morena wa masomosomo o bua jaana a re: “ ‘Sione o tla lengwa jaaka tshimo, le Jerusalema o tla fetoga marope, le thaba ya Tempele e tla nna thaba ya sekgwa fela.’

Yeremie 35:17

Jalo ge, Morena, Modimo wa masomosomo, Modimo wa Iseraele, o bua jaana a re: ‘Bonang, ke tla tlisetsa Juta le baagi ba Jerusalema dikotlo tsotlhe tse ke ba bopetseng ka tsona. Gonne ke buile le bone, mme ga ba a ka ba utlwa; ka ba bitsa, ba se ka ba araba.’ ”

Yeremie 44:2

“Morena wa masomosomo, Modimo wa Iseraele, o bua jaana a re: ‘Tatlhego e ke e digetseng mo Jerusalema le mo metseng yotlhe ya Juta, lo e bonye ka losi. Ke ale marope a a se nang moagi kajeno!

Yeremie 52:13

A fisa Ntlo ya Morena le ntlo ya kgosi le matlo otlhe a Jerusalema; a fisa matlo a magolo otlhe ka molelo.

Yeremie 9:10

Ke tla lelela dithaba, ke di hutsafalela, ke tlhaba sefela sa khutsafalo ka ga mafulo a naga, gonne a tubakegile, go se na ope yo o a ralalang; le gona ga go utlwale melelo ya matlhape; dinonyane tsa loapi le diphedi tsotlhe di tshabile, di ile.

Yeremie 9:11

“Mme ke tla dira Jerusalema marope le bonno jwa diphokojwe; ke fetola metse ya Juta sekaka se se se nang moagi.”

Likhutsahalelo 5:18

ke tsa thaba ya Sione e e fetogileng marope, e diphokojwe di sianang mo go yona.

Mike 1:6

“Ka moo ke tla dira Samaria marope a naga le tshimo fa ditlhare tsa moweine di tlhongwang teng; ke kgokolosetsa mafika a teng kwa leboeng, ke senola metheo ya teng.

Mataio 24:2

Mme a ba fetola a re: “A ga lo bone tsotlhe tse? Ammaaruri ke lo raya ke re: Ga go kitla go lesiwa lentswe lepe fa le tlhatlaganye le le lengwe, le le se kitlang le thujwa.”