Mike 3:11 - Setswana 1970

¹¹ Ditlhogo tsa teng di atlhola ka ntlha ya thelesetso; baperesiti ba ruta ka ntlha ya tuelo; baporofeti ba teng ba bolela tsa boitseanape ka ntlha ya selefera. Mme ba ntse ba re ba ikanya Morena ba re: “Morena a ga a mo gare ga rona? Ga go na kotsi e e ka re welang.”

Bibela ea Boitsépho 1890 (Sechuana Tlhaping - Moffatt Bible)

¹¹ Tlogotlogo tsa bona li siamisa ka litheleseco, le baperiseti ba bona ba rutela tuelo, mi baperofeti ba bona ba rihela mari boitseyoanape: leha gontse yalo ba ikaega Yehova, ba re, A Yehova a ga a mo go rona? boshula ga bo kitla bo re hitlela.

BAEBELE e e Boitshepo

¹¹ Ditlhogo tsa bone di atlhola ka tuelo, baperesiti ba bone ba ruta ka go thapiwa ka tuelo, le baperofeti ba bone ba bua boitseanape ka madi, le fa go ntse jalo ba tle ba ikaege Jehofa ba re: “A Jehofa ga a mo gare ga rona? Ga go bosula bope jo bo tlaa tlang mo go rona.”

Mike 3:11 Iomraidhean Croise

Liane 17:23

Moikepi o amogelela neo e e faposang sephiring go sokamisa ditselana tsa tshiamo.

Yesaye 1:23

Dikgosana tsa gago ke baferetlhi, ke balekane ba magodu; ba rata thelesetso botlhe, ba tsoma tuelo; ga ba siamisetse lesiela, kgang ya motlholagadi ga ba e amogele.

Yesaye 48:2

Kana ba ipitsa ka motse o o boitshepo, ba ikaega ka Modimo wa Iseraele. Leina la ona ke Morena wa masomosomo.

Yesaye 5:23

ba ba atlholelang moikepi ka ntlha ya thelesetso, ba ba tseelang mosiami se e leng tshiamelo ya gagwe!

Yesaye 56:11

“Ee, ke dintšwa tse di megagaru, di batla dijo thata, di sa kgore. Gape ke badisa ba ba sa itseng go tlhokomela. Mongwe le mongwe o fapogela mo tseleng ya gagwe, a latela kgwebo ya gagwe, ba botlhe ba dira jalo.

Yeremie 23:17

Ba ntse ba raya ba ba nnyatsang ba re: ‘Morena a re: Kagiso e tla nna le lona;’ ba raya botlhe ba ba sepelang mo thatafalong ya dipelo tsa bone ba re: ‘Ga go na kotsi e e ka lo welang.’ ”

Yeremie 26:7

Mme baperesiti le baporofeti le morafe otlhe ba utlwa Jeremia a bua mafoko a mo Ntlong ya Morena.

Yeremie 5:12

Ba itatotse Morena ba re: “Ga se ene! Tatlhego ga e na go re wela. Ga re kitla re bona tšhaka le tlala.

Yeremie 6:13

“Gonne botlhe bao ba rata kgwebo ya tshiamololo, ba bannye le ba bagolo; botlhe bao ba a tsietsa, le fa e le baporofeti gongwe baperesiti.

Yeremie 7:4

Lo se ka lwa ikanya mafoko a tsietso a a reng: Tempele ya Morena, Tempele ya Morena, Tempele ya Morena ke yona e!

Yeremie 8:10

Ka moo ke tla neela ba bangwe basadi ba bone le bathopi masimo a bone. Gonne botlhe ba rata kgwebo ya tshiamololo, ba bannye le ba bagolo; baporofeti le baperesiti le bone ba tsietsa botlhe.

Esekiele 22:12

Kwa ga eno ba amogela thelesetso gore ba tsholole madi; o tsadisa madi, o amogela koketso; o gatelela mongwe-ka-wena ka kgwebo ya tshiamololo, mme nna o ntebetse.’ Go bua Morena Modimo.

Esekiele 22:27

Dikgosana tsa teng di mo gare ga lone jaaka diphiri tse di garolang phologolo gore di tsholole madi, di bolae batho gore di bone khumo ka kgwebo ya tshiamololo.

Esekiele 34:2

“Morwa-motho, rera o kgalemele badisa ba Iseraele, rera ò ba ree o re: ‘Lona badisa, Morena Modimo o bua jaana a re: A tatlhego wee ya badisa ba Iseraele ba ba iphudisang! Badisa a ga ba a tshwanela go fudisa letsomane?

Hoshee 4:18

E a re ba sena go nwa, ba akafale gagolo. Barena ba bona ba rata dilo tsa ditlhong thata.

Hoshee 4:8

Ba phela ka ditlhabelo tsa boleo tsa morafe wa me; dipelo tsa bone di eletsa tshiamololo ya ona.

Amose 5:14

Batlang tse di molemo, e seng tse di bosula, gore lo tle lo phele, mme Morena, Modimo wa masomosomo, a tle a nne le lona jaaka lo a tle lo bue.

Amose 9:10

Baleofi botlhe ba morafe wa me ba tla swa ka tšhaka, ba ba reng: ‘Kotsi eo ga e nke e re wela le e seng go kopana le rona.’

Mike 3:5

“Baporofeti ba ba timetsang morafe wa me, ba e a reng ba fiwa dijo, ba rere kagiso; mme yo o sa lokeleng sepe mo maganong a bone, ba mo tsosetsa ntwa e e boitshepo,” Morena o bua jaana ka ga bona a re:

Mike 7:3

Diatla tsa bone di maatlametlo go dira bosula. Se kgosana e se lopang moatlhodi o se bua ka ntlha ya tuelo. Fa motho yo mogolo a bolela se mowa wa gagwe o se eletsang, baatlhodi ba se dirafatsa ka go sokamisa mafoko.

Sefanya 3:3

Dikgosana tsa ona tse di mo teng ga ona ke ditau tse di dumang; baatlhodi ba ona ke diphiri tse di tlang ka lotlatlana, tse di sa ipeeleng sepe sa letsatsi la ka moso.

Sefanya 3:4

Baporofeti ba ona ke difafalele fela; ke banna ba bolotsana; baperesiti ba ona ba itshepolotse Felo-fa-go-Boitshepo, ba sokamisa molao.

Malakie 1:10

“E kete go ka bo go le mongwe mo go lona yo o tswalang dikgoro gore lo se ka lwa gotsa molelo mo aletareng ya me lefela! Ga ke kgatlhwe ke lona,” go bua Morena wa masomosomo. “Tshupelo e e tswang mo diatleng tsa lona ga e nnatefele.

Malakie 2:9

“Ke gona ka moo le nna ke lo dirileng banyatsegi ba ba kwa tlase mo morafeng otlhe; ka gonne lona ga lo tsamae mo ditseleng tsa me, mme lo ruta batho ka go gobelela.”

Lipalo 16:15

Ke fa Moše a galefa thata, a raya Morena a re: “O se ka wa ngoka tshupelo ya dijo ya bone! Ga ke a ka ka amoga ope wa bone esele le e seng go utlwisa ope wa bone botlhoko.”

Lipalo 22:7

Bagolo ba Moabe le bagolo ba Midiane ba ya teng, ba tshotse tuelo ya boitseanape, ba fitlha kwa go Bileame, ba mmolelela mafoko a ga Balake.

Mataio 3:9

Lo se ka lwa ithaya lwa re: ‘Re na le Aborahame, ke ene rraetsho.’ Gonne ke lo raya ke re: Modimo o nonofile go ka tsosetsa Aborahame bana ka majwe a.

1 Timoteo 3:3

e se letagwa, a se borumolano, e se mmatli wa mahumo ka mokgwa o o maswe, mme a le tsalano, e se motho wa kgang, e se morati wa madi;

Tito 1:11

ba ba tshwanetseng go thijwa melomo, ka ba feretlha malapa gotlhe ka go ruta dilo tse di sa tshwanelang, e le ka ntlha ya papadi e mpe.

1 Petero 5:2

ke re: Fudisang letsomane la Modimo le le mo go lona, e seng ka go patelediwa, mme e nne ka bopelotshweu ka fa thatong ya Modimo; e seng ka go ipatlela khumo e e maswe, mme e nne ka pelo yotlhe;

Juda 1:11

A tatlhego ya bone wee! Gonne ba tsamaile ka tsela ya ga Kaine, ba itatlhela mo timelong ka ntlha ya tuelo jaaka Bileame, ba latlhega ka go rukhutlha jaaka Kora.

1 Samuele 8:3

Fela bomorwawe ga ba a ka ba sepela mo ditseleng tsa gagwe. Ba bapala ka bopelotshetlha, ba amogela dithelesetso, ba sokamisa tshiamo.