Mike 2:4 - Setswana 1970

⁴ Ka letsatsi leo ba tla tlhaba sefela sa tshotlo ka ga lona, ba opela sefela sa khutsafalo ba re: “ ‘Go dirafetse, re gateletswe ruri. Kabelo ya morafe wa me Modimo o dira ba bangwe beng ba yona. O e tlosa jang mo go nna! O abela baikepi masimo a rona.’ ”

Bibela ea Boitsépho 1890 (Sechuana Tlhaping - Moffatt Bible)

⁴ ¶ Seane se tla tlabelerioa kaga lona mo motleñ ouo; mi leshoa ya khutsahalo le tla cosica, le re, Re senyericoe rure: o hetotse kabo ea bathu ba me: o e ’ntlositse yañ! o abetse motenegi maota a rona.

BAEBELE e e Boitshepo

⁴ E tlaa re ka tsatsi leo ba tlaa lo tlhabeleletsa setshwantsho, ba hutsafala ka selelo se se khutsang, ba re: “Re gapeletswe ruri; o fetola kabelo ya batho ba me; o e tlosa jang mo go nna! O abela batsuolodi matlhagare a rona.”

Mike 2:4 Iomraidhean Croise

2 Samuele 1:17

Ke fa Dafita a tlhaba sefela sa selelo ka ga Saule le Jonathane morwawe;

2 Litihalo 35:25

Jeremia a tlhaba sefela sa selelo ka ga Josia. Le baopedi botlhe ba banna le ba basadi ba bolela ka ga Josia mo difeleng tsa bone tsa selelo go fitlha letsatsing leno, ya nna tsa tlwaelo e e tlhomameng mo Baiseraeleng; kana di kwadilwe mo Difeleng tsa Selelo.

Yobe 27:1

Jobe a tswelela pele, a ntsha diane tsa gagwe a re:

Yesaye 14:4

o tlhabe sefela sa tshotlo ka ga kgosi ya Babele o re: “Kana o didimetse jang ne mogateledi! Kana kgatelelo e khutlile jang ne!

Yesaye 24:3

Lefatshe le tla tlhokisiwa baagi, le se na ope; le tla thukhuthwa, le amogwa dilo, gonne Morena o buile lefoko le.

Yesaye 6:11

Ka ba ka re: “Go fitlhelela leng, Morena?” A re: “Go tsamae metse e senyege, e tlhoke moagi, matlo a tlhoke motho, masimo a nne matlhagare fela;

Yeremie 14:18

Fa ke tswela kwa nageng, ke fitlhela ba ba phololeditsweng ka tšhaka; fa ke tsena mo motseng, ke bona matlhoko a tlala. Ee, moporofeti le moperesiti le bone ba kgarakgatshega mo lefatsheng, ba sa tlhole ba itse sepe.’ ”

Yeremie 4:13

Bonang, o tlhaga jaaka maru, dikoloi tsa gagwe jaaka ledimo; dipitse tsa gagwe di lobelo go phala dintsu. A tatlhego ya rona wee, gonne re fentswe!

Yeremie 6:12

Ba bangwe ba tla abelwa matlo a bone mmogo le masimo le basadi. Gonne ke otlololela baagi ba lefatshe letsogo go ba otla,” go bua Morena.

Yeremie 8:10

Ka moo ke tla neela ba bangwe basadi ba bone le bathopi masimo a bone. Gonne botlhe ba rata kgwebo ya tshiamololo, ba bannye le ba bagolo; baporofeti le baperesiti le bone ba tsietsa botlhe.

Yeremie 9:10

Ke tla lelela dithaba, ke di hutsafalela, ke tlhaba sefela sa khutsafalo ka ga mafulo a naga, gonne a tubakegile, go se na ope yo o a ralalang; le gona ga go utlwale melelo ya matlhape; dinonyane tsa loapi le diphedi tsotlhe di tshabile, di ile.

Yeremie 9:16

ke tla o falaletsa kwa ditšhabeng tse bone le borraabo ba sa di itseng; ke ba latedisa tšhaka go tsamaya ke ba fedise.”

Esekiele 16:44

“Bona, mongwe le mongwe yo o tlhabang diane o tla lebisa seane mo go wena se se reng. ‘Morwadi o tshwana le mmaagwe.’

Esekiele 2:10

A ba a lo phutholola fa pele ga me, ka fitlhela lo kwadilwe ka fa teng le ka fa ntle, mme go kwadilwe tsa selelo le tsa phegelo le tsa tatlhego mo go lone.

Yoele 1:13

Itlameng, lo lele, lona baperesiti, lona badiredi ba aletare! Tlaang lo lale lo apere diaparo tsa khutsafalo, lona ba lo direlang Modimo wa me; gonne Ntlo ya Modimo wa lona e timiwa ditshupelo tsa dijo le dino.

Yoele 1:8

Hutsafala jaaka lekgarebe le le apereng diaparo tsa khutsafalo, le le hutsafalelang monyadi wa lone.

Amose 5:1

Utlwang lefoko la sefela sa selelo se ke lo lelelang ka sona, lona Baiseraele, ke re:

Amose 5:17

Le gona go tla nna selelo mo masimong otlhe a moweine, mogang ke ralalang mo gare ga lona,” go bua Morena.

Mike 1:15

Baagi ba Mareša , ke tla ba ke fitlhisa mothopi kwa go lona. Ba ba tlotlegang mo go Iseraele ba tla fitlha kwa Adulame.

Mike 1:8

Ka ntlha ya moo ke rata go hutsafala le go lela, ke rata go tsamaya, dinao di sa rwesiwa, ke sa apara; ke rata go lela jaaka diphokojwe le go hutsafala jaaka bontlokwe.

Mike 2:10

Lo re: ‘Tlogang lo tsamae, gonne fano ga go na boikhutso!’ Ka ntlha ya boitshekologo lo tla nyelediwa ka nyelelo e e sa foleng.

Habakuke 2:6

Botlhe ba, a ga ba kitla ba mo sotla ka mafoko le dipina le dinyoba ba re: “A tatlhego wee ya yo o ikhumisang ka tse e seng tsa gagwe! – Go fitlha leng? – yo o ikimetsang ka dipeelelo!”

Sefanya 1:2

“Ke tla tlosa ke fedisa dilo tsotlhe tse di mo lefatsheng,” go bua Morena.

Lipalo 23:18

A ba a tlhaba loboko lwa gagwe a re: “Nanoga, Balake, o utlwe; ntheetse, morwa Siphore!

Lipalo 23:7

Ke fa Bileame a tlhaba loboko lwa gagwe a re: “Balake o romile go ntsaya kwa Siria, kgosi ya Moabe ya mpitsa ke le kwa dithabeng tsa botlhabatsatsi ya re: ‘Tlaya o nkhutsetse Jakobe, tlaya o roge Iseraele!’

Lipalo 24:15

A ba a tlhaba loboko lwa gagwe a re: “Go bua Bileame morwa Beore, go bua monna yo o budulogileng matlho;

Lipalo 24:3

mme a tlhaba loboko lwa gagwe a re: “Go bua Bileame morwa Beore, go bua monna yo o budulogileng matlho;

Mareko 12:12

Foo ba batla go mo tshwara; gonne ba ne ba lemoga, fa a buile setshwantsho se ka ga bona; mme ba boifa batho, ba be ba mo tlogela, ba tsamaya.

Deuteronome 28:29

O tla nna o fophola motshegare jaaka sefofu se tle se fophole mo lefifing; ga o kitla o tlhogonolofala mo ditseleng tsa gago; o tla nna o gatelelwa fela, o thukhuthwa dilo ka metlha yotlhe, go se na mothusi.