Mike 2:2 - Setswana 1970

² Fa ba eletsa masimo, ba a thukhutha, gongwe matlo, ba a a tsaya; ba gatelela monna le ntlo ya gagwe, ee, monna le boswa jwa gagwe.

Bibela ea Boitsépho 1890 (Sechuana Tlhaping - Moffatt Bible)

² Mi ba eletsa maota, ba a tukutha, le matlu, mi ba a tlosa: mi ba patika monona le ba ntlu ea gague, E, monona le boshua yoa gague.

BAEBELE e e Boitshepo

² Ba eletsa matlhagare, ba a tseye fela; le matlo, mme ba a tlose; ba patike monna le ba ntlo ya gagwe, e bong monna le boswa jwa gagwe.

Mike 2:2 Iomraidhean Croise

1 Likhosi 21:1

Morago ga dilo tseo ga dirafala se: Nabothe wa Iserele a bo a na le tshimo ya moweine mo Iserele, e bapile le ntlo ya bogosi ya ga Ahabe kgosi ya Samaria.

2 Likhosi 9:26

‘Ruri, ke letse ke bonye madi a ga Nabothe le madi a bomorwawe maabane, go bua Morena, mme ke tla a busolosa mo go wena mo tshimong e, go bua Morena.’ Jaanong he, mo tsee o mo latlhele mo tshimong e ka fa lefokong la Morena.”

Yobe 31:38

Fa tshimo ya me e goa ka ga me, fa mesele ya yona e lela mmogo;

Ekesodo 20:17

“O se ka wa eletsa ntlo ya mongwe-ka-wena. O se ka wa eletsa mosadi wa mongwe-ka-wena, le e seng motlhanka wa gagwe, le e seng lelata la gagwe, le e seng kgomo ya gagwe, le e seng esele ya gagwe, le e seng sepe se e leng sa mongwe-ka-wena.”

Yesaye 3:14

Morena o tsena mo tshekong le bagolo ba morafe wa gagwe le dikgosana tsa ona a re: “Lona lo fudile tshimo ya moweine. Tse di thukhuthilweng mohumanegi di mo matlong a lona.

Yesaye 5:8

A tatlhego ya bone wee ba ba tlhomaganyang ntlo le ntlo, ba oketsa tshimo ka tshimo, go tsamaya naga e be e felelele, mme lona lo itire beng ba lefatshe lo le losi fela.

Yeremie 22:17

“Mme matlho a gago le pelo ya gago di batla kgwebo ya gago ya tshiamololo fela, le go tsholola madi a a se nang molato, le go gatelela le go patika.”

Esekiele 18:12

Fa a gatelela mmogisegi le mohumanegi, a thukhutha dilo ka thata, a sa buse peeletso, a tsholeletsa matlho kwa medimong e e maila, a dira makgapha, a o tla phela?

Esekiele 22:12

Kwa ga eno ba amogela thelesetso gore ba tsholole madi; o tsadisa madi, o amogela koketso; o gatelela mongwe-ka-wena ka kgwebo ya tshiamololo, mme nna o ntebetse.’ Go bua Morena Modimo.

Esekiele 22:13

“ ‘Bona, ke tsholeditse letsogo ka ntlha ya kgwebo ya tshiamololo e o e dirileng, le ka ntlha ya molato wa madi o o mo go wena.

Esekiele 33:26

Lo ikaega ka ditšhaka tsa lona, lo dirile makgapha, mongwe le mongwe o sentse mosadi wa mongwe-ka-ene. A lona lo tla rua lefatshe?’

Esekiele 45:9

“Morena Modimo o bua jaana a re: ‘Go lekanye tota, lona dikgosi tsa Iseraele! Tlosang kgatelelo le tshenyo. Dirang ka tshiamo le ka molao. Khutlang go leleka morafe wa me mo nageng ya one le mo malapeng a one!’ Morena Modimo o buile jalo.

Esekiele 46:18

A kgosi e se ka ya tsaya sepe sa naga ya batho ka go ba leleka ka thata mo bosweng jwa bone. A e jese bomorwaa-yona boswa jwa naga ya yona, mme go se ka ga lelekwa ope wa morafe wa me mo kabelong ya naga ya gagwe.’ ”

Esekiele 8:17

A ba a mpotsa a re: “A o bonye seo se, morwa-motho? A ga go lekane Bajuta go dira makgapha a ba a dirang fano, mo ba bileng ba tlatsa lefatshe tshiamololo, ba nkgakatsa gape? Bona, ba baya kalana ya setlhare fa dinkong tsa bone.

Amose 2:7

Le gona ba batla go gatelela ba ba kwa tlase mo leroleng. Tsela ya ba ba bogisegang ba a e sokamisa. Motho le rraagwe ba tlhakanela morweetsana gore ba itshepolole leina le le boitshepo la me.

Amose 4:1

Utlwang lefoko le, lona dikgomo tse dinamagadi tsa Basane tse di mo thabeng ya Samaria; lona ba lo gatelelang batlhoki, ba lo pitlaganyang bahumanegi, ba lo rayang beng ba lona lo re: “Tlisang re nwe!”

Amose 8:4

Utlwang, lona ba lo gatelelang bahumanegi, ba lo bogisang batlhoki mo lefatsheng,

Mike 3:9

A ko lo utlwe fa, lona ditlhogo tsa ntlo ya Jakobe, le lona dikgosana tsa Baiseraele, ba lo tenwang ke tshiamo, ba lo sokamisang tsotlhe tse di siameng!

Mike 6:12

E re ka bahumi ba motse ba tletse kgatelelo, baagi ba ona ba bua maaka, ba na le diteme tsa bolotsana mo maganong a bona,

Malakie 3:5

“Ke tla lo atamela ka tshekiso ke le mosupi yo o bobebe, ke betsa badiri ba mereo ya boloi le ba ba itshepololang nyalo le ba ba ikanang ka maaka, le ba ba gatelelang badiredi ba bone mo tuelong le motlholagadi le khutsana, le ba ba siamololelang moeng, ba sa mpoife,” go bua Morena wa masomosomo.

Mataio 23:13

“Ijoo lonaa, lona Baitsedikwalo le Bafarisai, baitimokanyi ke lona! Gonne lo tswalela batho puso ya magodimo. Tota lona ga lo tsene, mme ba ba reng ba a tsena, ga lo ba letlelele go tsena.

1 Timoteo 6:10

Gonne bopelotshetlha ke modi wa masula otlhe; e rile batho bangwe ba ineela mo go jona, ba fapoga tumelo, ba itirela matlhoko a mantsi.