Mike 2:12 - Setswana 1970

¹² “Ruri, ke tla phutha ba ga eno botlhe, Jakobe; ruri, ke tla kgobokanya masalela a Iseraele; ke ba kopanya jaaka dinku di tlhatlhelwa mo lesakeng, jaaka motlhape mo gare ga mafulo a ona. Go tla utlwala modumo wa bontsi jwa batho.”

Bibela ea Boitsépho 1890 (Sechuana Tlhaping - Moffatt Bible)

¹² ¶ Lona Bayakoba, ki tla phuthela rure botle ba lona; ki tla phuthela rure masalela a Bayeserela; ki tla a isa mogo yaka liñku tsa Botsera, yaka lecomane gare ga bohulo yoa yeona: a tla tlapeisioa ka bontsi yoa bathu.

BAEBELE e e Boitshepo

¹² “Wena Jakobe, ruri ke tlaa go phutha gotlhe fela; ruri ke tlaa phutha masalela a Iseraele, ke tlaa ba baya mmogo jaaka dinku tsa Bosera, jaaka letsomane mo gare ga bohulo jwa lone, ba tlaa tsosa modumo o mogolo ka ntlha ya bontsi jwa batho.”

Mike 2:12 Iomraidhean Croise

Genese 36:33

Ya re Bela a sena go swa, ga busa Jobabe, morwa Sera, wa kwa Bosera, mo boemong jwa gagwe.

1 Litihalo 1:44

Ya re Bela a sena go swa, ga busa Jobabe morwa Sera wa kwa Bosera mo boemong jwa gagwe.

Yesaye 11:11

Mo metlheng eo Morena o tla otlolola letsogo gape go rekolola masalela a morafe wa gagwe a a setseng kwa Asiria le kwa Egepeto le kwa Phatherose le kwa Ethiopia le kwa Elame le kwa Sineare le kwa Hamathe le kwa ditlhakatlhakeng tsa lewatle.

Yesaye 27:12

Mo metlheng eo Morena o tla photha mabele, a simolola kwa nokeng ya Ferathe go fitlha kwa nokaneng ya Egepeto, mme lona Baiseraele lo tla notšwa ka bongwe le bongwe.

Yesaye 34:6

Tšhaka ya Morena e tletse madi, e tlhamuketse mafura le madi a dikwana le a diphoko le mafura a diphilo tsa diphelehu. Gonne Morena o na le setlhabelo kwa Bosera le polao e kgolo kwa lefatsheng la Etomo.

Yesaye 5:17

Foo dikwanyana di tla fula teng e le mafulo a tsona; dipotsane di tla fula mo matlotleng a bahumi.

Yeremie 23:3

Mme ke tla phutha masalela a dinku tsa me ka nosi mo mafatsheng aotlhe kwa ke di leleketseng gona; ke tla di busetsa mo mafulong a tsona; di tla ata, di ntsifala.

Yeremie 3:18

Ka malatsi ao Bajuta ba tla goga le Baiseraele, ba tswa mmogo kwa lefatsheng la bokone, ba boela kwano lefatsheng le ke le abetseng borraeno boswa.

Esekiele 34:11

“Gonne Morena Modimo o bua jaana o a re: ‘Bonang, ke tla batla dinku tsa me ka nosi, ke di tlamela.

Esekiele 34:13

Ke tla di ntsha mo merafeng, ke di phutha mo mafatsheng, ke di isa kwa nageng ya tsona, ke di fudisa mo dithabeng tsa Iseraele le mo melapong le gotlhe fa di ka nnang teng mo lefatsheng leo.

Esekiele 34:22

ka moo ke tla pholosa dinku tsa me gore di se ka tsa tlhola di nna thopo; ke tla siamisa fa gare ga nku le nku.

Esekiele 34:31

“ ‘Lona lo dinku tsa me, lo dinku tse ke di fudisang; lo batho, mme nna ke Modimo wa lona,’ go bua Morena Modimo.”

Esekiele 36:37

“Morena Modimo o bua jaana o a re: ‘Gape se ke tla dumelang go se kopiwa ke Baiseraele gore ke se ba direle ke sa go re: Ke ba atisetse batho jaaka letsomane la dinku.

Esekiele 37:21

ò ba ree ò re: ‘Morena Modimo o bua jaana wa re: Bonang, ke tsaya Baiseraele kwa ditšhabeng, kwa ba ileng teng, ke ba phutha mo ntlheng tsotlhe, ke ba busetsa kwa lefatsheng la bone.

Hoshee 1:11

Bajuta le Baiseraele ba tla kopana, ba ipeela tlhogo e le nngwe, ba bolola lefatsheng; gonne letsatsi la Iserele le legolo.

Amose 1:12

Mme ke tla latlhela molelo kwa Themane gore o je matlo a borena a Bosera.”

Mike 2:13

Mmetla-tsela o tla bolola, a ba etelela pele; ba tla sutlha, ba tsena ka kgoro, ba tswa ka yona. Mme Kgosi ya bone e tla ba etelela pele, mme Morena a le tlhogo ya bone.

Mike 4:8

Mme wena sefata sa letsomane, wena thabana ya morwadia Sione, puso ele ya pele e tla fitlha mo go wena, e boela mo go wena, e leng bogosi jwa morwadia Jerusalema.

Mike 5:7

Le gona masalela a Jakobe a a mo ditšhabeng a tla nna mo merafeng e megolo jaaka tau mo gare ga diphologolo tsa sekgwa le jaaka tawana mo matsomaneng a dinku; e e a reng e ralala, e gatake, e garole, go se yo o pholosang.

Mike 5:8

Letsogo la gago le tla fenya baganetsi ba gago; baba botlhe ba gago ba tla nyelediwa.

Mike 7:14

Disa morafe wa gago ka kgoge ya gago, e bong letsomane la boswa jwa gago, ba ba agileng ba le bosi mo dikgweng mo gare ga dinaga tse di pila; a ba fule kwa Basane le kwa Gileate jaaka mo metlheng ya bogologolo.

Mike 7:18

Ke mang yo e leng Modimo jaaka wena o o itshwarelang molato, o o iphapaanyang tlolo ya masalela a boswa jwa ona? Ga o nke o boloka bogale jwa ona ka bosakhutleng, gonne o natefelwa ke bopelotlhomogi.

Sefanya 3:20

Ka sebaka seo ke tla lo tlisa, ee, ka sebaka se ke tla lo phuthang ka sona. Gonne ke tla lo dira tumiso le pako mo merafeng yotlhe ya lefatshe, fa ke busetsa batshwarwi ba lona kwa gae fa pele ga matlho a lona,” go bua Morena.