Mike 1:6 - Setswana 1970

⁶ “Ka moo ke tla dira Samaria marope a naga le tshimo fa ditlhare tsa moweine di tlhongwang teng; ke kgokolosetsa mafika a teng kwa leboeng, ke senola metheo ya teng.

Bibela ea Boitsépho 1890 (Sechuana Tlhaping - Moffatt Bible)

⁶ Ki gona ki tla rihañ Samaria mokoa oa naga, le litlomo tsa tsimo ea movina: mi ki tla khakolosetsa maye a ona mo mogorogoroñ, ki senosa metheo ea ona.

BAEBELE e e Boitshepo

⁶ Ke gone ka moo ke tlaa dirang Samaria go nna jaaka mokoa mo nageng, le jaaka matlhomelo a tshimo ya mafine, maje a one ke tlaa a goromeletsa mo molapong, ke senola metheo ya one.

Mike 1:6 Iomraidhean Croise

2 Samuele 17:13

Mme fa a ka tshabela kwa motseng mongwe, Baiseraele botlhe ba tla isa megala kwa motseng oo, mme re tla o gogela kwa nokeng go tsamaya go se ka ga fitlhelwa sepe teng le e seng lefikana le le lengwe fela.”

2 Likhosi 18:10

ya mo thopa morago ga dinyaga di le tharo. E ne e le ka ngwaga wa borataro wa puso ya ga Hesekia o e leng ngwaga wa robongwe wa puso ya ga Hosea kgosi ya Iseraele fa Samaria a thopiwa.

2 Likhosi 18:9

Ka ngwaga wa bone wa puso ya kgosi Hesekia o e leng ngwaga wa bosupa wa puso ya ga Hosea morwa Ela kgosi ya Iseraele Salemanesere kgosi ya Asiria ya bololela Samaria, ya mo dikanyetsa ka ntwa,

2 Likhosi 19:25

“ ‘A ga o a ka wa utlwa? Tse ke di dirafaditseng jaanong ga ke bolo go di akanya le go di ikaelela bogologolo, gore wena o senye metse e e femetsweng e fetoge mekoa ya marope.

Yesaye 17:1

Taelo ya Modimo ka ga Damaseko: “Bonang, Damaseko o a tlosiwa, e sa tlhole e le motse, mme e tla nna marope fela.

Yesaye 25:12

Phemelo ya dipota tsa gagwe tse di godimo Morena o tla e diga, a e kokobetsa, a e digela fa fatshe mo leroleng.

Yesaye 25:2

Gonne o fetotse motse mokoa wa matlapa; motse o o femetsweng o o fetotse marope. Matlo a borena a baikepi ga e tlhole e le motse; ga o na go agiwa gape ka bosakhutleng.

Yeremie 31:5

O tla tlhoma masimo a moweine gape mo dithabeng tsa Samaria; balemi ba tla tlhoma le go ja maungo a teng.

Yeremie 51:25

“Bona, ke lwa nao, wena thaba e e senyang,” go bua Morena. “Wena yo o sentseng lefatshe lotlhe, ke tla go otlololela letsogo, ke go kgokolosa mo mafikeng, ke go dira thaba e e šeleng.

Yeremie 51:37

Babele o tla fetoga mekoa ya marope le dikutla tsa diphokojwe le theregiso le tshotlego, fa go sa nneng ope.

Yeremie 9:11

“Mme ke tla dira Jerusalema marope le bonno jwa diphokojwe; ke fetola metse ya Juta sekaka se se se nang moagi.”

Likhutsahalelo 4:1

Malo-nna-wee! Gouta e fifetse jang, ga fetoga gouta e ntlentle! Mafika a a boitshepo a tshololwa kwa dikhutlong tsa mebila.

Esekiele 13:14

Ke tla diga lobota lo lona lo lo takileng ka motako, ke lo digela fa fatshe gore motheo wa lone o senolwe; lobota lo tla wa, mme lona lo tla bolawa ke lone gore lo tle lo itse, fa ke le Morena.

Hoshee 13:16

Samaria o tla otlwa, gonne o tsogetse Modimo wa gagwe thata; ba tla wa ka tšhaka, bana ba bone ba tšhwetlakanngwa, basadi ba baimana ba bone ba tla segakwa dimpa.”

Amose 5:11

Ka moo e re ka lo gatelela mohumanegi, lo amogela lekgetho la mabele mo go ene, ga lo kitla lo nna mo matlong a lo a agileng ka mafika a a betlilweng; ga lo kitla lo nwa weine ya masimo a mantle a ditlhare tsa moweine tse lo di tlhomileng.

Amose 6:8

Morena Modimo o ikanne ka bophelo jwa gagwe, go bua Morena, Modimo wa masomosomo, a re: “Ke tenwa ke boikgodiso jwa Jakobe, ke ila matlo a borena a bone; ke ka moo ke latlhang motse le tsotlhe tse di mo go ona.”

Mike 3:12

Ka moo Sione o tla lengwa jaaka tshimo ka ntlha ya lona; Jerusalema o tla fetoga marope; thaba ya tempele e tla nna thota ya sekgwa fela.

Habakuke 3:13

O bolotse go thusa morafe wa gago le go thusa Motlodiwa wa gago; o tšhwetlakanya tlhogo ya lapa la moikepi, ò mo apola go tloga dinaong go fitlha molaleng. Sela.

Mataio 24:2

Mme a ba fetola a re: “A ga lo bone tsotlhe tse? Ammaaruri ke lo raya ke re: Ga go kitla go lesiwa lentswe lepe fa le tlhatlaganye le le lengwe, le le se kitlang le thujwa.”