Luke 9:26 - Setswana 1970

²⁶ Gonne yo o tlhajwang ke ditlhong ka ntlha ya me le ka ntlha ya mafoko a me, le Morwa-Motho o tla tlhajwa ke ditlhong ka ntlha ya gagwe, motlhang a tlang ka kgalalelo ya gagwe le ya ga Rraagwe le ya baengele ba ba boitshepo.

Lefoko: La Botshelo Kgolagano e Ntsha

²⁶ “Fa nna Morwa Motho, ke tla ka kgalalelo ya ga Rara le baengele ba ba boitshepo, ke tlaa ba tlhabelwa ke ditlhong botlhe ba ba ntlhabelwang ke ditlhong le mafoko a me gompieno.

Bibela ea Boitsépho 1890 (Sechuana Tlhaping - Moffatt Bible)

²⁶ Gone leha e le mañmañ eo o tla ’ntlabeloañ ki litloñ le lehuku ya me, Moroa mothu o tla mo tlabeloa ki litloñ, mogañ o tlañ ka khalalelo ea gague, le ea ga rague, le ea baengele ba boitsepho.

BAEBELE e e Boitshepo

²⁶ Gonne le fa e le mang yo o tlaa ntlhabelwang ke ditlhong, le mafoko a me a a tlhabelwa ke ditlhong, Morwa Motho o tlaa tlhabisiwa ditlhong ke ene, mogang o tlang ka kgalalelo ya gagwe, le ya ga rraagwe, le ya baengele ba ba boitshepo.

Luke 9:26 Iomraidhean Croise

Yesaye 53:3

O ne a nyatsega, a tlogelwa ke batho; e le monna wa matlhoko, a tlwaetse bolwetse; e le yo ba mo fitlhelang difatlhego; a nyatsega, mme ra se ka ra mo kaya sepe.

Daniele 7:10

Noka ya molelo ya ela e tswa fa go ene; ba le dikete ga sekete ba mo direla; ba le dikete di le masome ga dikete di le lesome ba ne ba eme fa pele ga gagwe. Lekgotla la nna fatshe, dikwalo tsa phuthololwa.

Mataio 16:27

Kana Morwa-Motho o tla tla ka kgalalelo ya ga Rraagwe, a na le baengele ba gagwe; mme foo o tla busetsa mongwe le mongwe ka fa ditirong tsa gagwe.

Mataio 25:31

“E tla re Morwa-Motho a tla ka kgalalelo ya gagwe, baengele botlhe ba ba boitshepo ba na nae, a nne mo sedulong sa bogosi sa kgalalelo ya gagwe.

Mataio 26:64

Jesu a mo raya a re: “O boletse jalo. Fela ke lo raya ke re: Go tloga jaanong lo tla bona Morwa-Motho a ntse ka fa letsogong le le jang la Nonofo, a bile a tla ka maru a legodimo.”

Mareko 8:38

Gonne mongwe le mongwe yo o tlhajwang ke ditlhong ka ntlha ya me le ka ntlha ya mafoko a me mo losikeng loo lwa boikepo le boleo, Morwa-Motho le ene o tla tlhajwa ke ditlhong ka ntlha ya gagwe, mogang a tlang ka kgalalelo ya ga Rraagwe, a na le baengele ba ba boitshepo.”

Johane 12:43

Gonne ba ne ba rata go tlotlwa ke batho bogolo go go tlotlwa ke Modimo.

Johane 5:44

Lo ka dumela jang lona ba lo tlotlanang, mme tlotlo e e tswang mo Modimong o le osi yona lo sa e batle?

Ditiro 10:22

Ba re: “Koronelio, molaodi-wa-lekgolo, monna yo o siameng yo o boifang Modimo, yo o bolelwang ka molemo ke setšhaba sotlhe sa Bajuta, o laetswe ke moengele yo o boitshepo gore a go biletse kwa ntlong ya gagwe, a utlwe mafoko mo go wena.”

Baroma 1:16

Gonne ga ke tlhajwe ke ditlhong ka Efangele ya ga Keresete, ka e le thata ya Modimo e e pholosang mongwe le mongwe yo o dumelang, Bajuta pele, le bone Bagerika;

2 Bakorinta 12:10

Ke ka ntlha ya moo ke itumelelang makoa le ditshotlo le ditlalelo le dipogiso le dipitlagano ka ntlha ya ga Keresete; gonne e a re fa ke le bokoa, e be e le gona ke leng thata.

Bagalatia 6:14

Mme a go nne kgakala le nna go ipoka, fa e se fela ka sefapaano sa Morena wa rona Jesu Keresete, se lefatshe le mpapoletsweng ka sona, le nna ke bapoletswe lefatshe ka sona.

1 Timoteo 5:21

Ke go laya fa pele ga Modimo le Keresete Jesu le baengele ba ba tlhaotsweng gore o tlhokomele dilo tseo; o se ka wa atlhola o ise o tlhotlhomise, o se dire sepe ka go gobelelela motho.

2 Timoteo 1:12

Ke ka ntlha ya moo ke bogang dilo tseo, mme ga ke tlhajwe ke ditlhong; gonne ke itse yo ke dumetseng mo go ene, ke bile ke itse ka tlhomamo gore o nonofile go boloka se ke se neetsweng go fitlha mo letsatsing leo.

2 Timoteo 2:12

Fa re itshoka, re tla busa nae; fa re mo itatola, le ene o tla re itatola.

Bahebera 11:26

ka a kaya gore kgobo ya ga Keresete ke khumo e kgolo go feta mahumo a Egepeto; gonne o ne a lebile tuelo.

Bahebera 13:13

Jalo he, a re tsweleng kwa go ene, kwa ntle ga bothibelelo, re sikare kgobo ya gagwe.

Juda 1:14

Le ene Henoge, motho wa bosupa go tloga mo go Atame o boleletse pele ka ga bone a re: “Bona, Morena o e tla, a na le masomosomo a a boitshepo a gagwe,

Tshenolo 1:7

Bonang, o tla a le mo marung, matlho otlhe a tla mmona, le ba ba mo tlhabileng; ditshika tsotlhe tsa lefatshe di tla lela ka ntlha ya gagwe. Ee, Amen.

Tshenolo 20:11

Jaanong ka bona sedulo sa bogosi se segolo se sesweu le yo o ntseng mo go sona, yo legodimo le lefatshe di tshabileng sefatlhego sa gagwe, mme tsa se ka tsa bonelwa bonno.

Tshenolo 21:8

Mme fa e le ba ba boi le ba ba sa dumeleng le ba ba maswe le babolai le diaka le baloi le ba ba direlang medimo e sele le baaki botlhe, bone kabelo ya bone e mo letsheng le le tukang molelo le sebabole; gona moo ke loso lwa bobedi.”

Tshenolo 3:5

Yo o fenyang o tla apesiwa jalo diaparo tse ditshweu; ga nkitla ke phimola leina la gagwe mo bukeng ya bophelo; mme ke tla ipolela leina la gagwe fa pele ga Rre le fa pele ga baengele ba gagwe.